ZEKHARIAH 11:14 - Lai (Hakha) Common Language Bible 2006

¹⁴ Khi tikah ka fung a pahnihnak Fonhnak timi kha tan hnih ah ka tan i Judah le Israel karlak i unau sinak a ummi kha ka hrawh.

ZEKHARIAH 11:14 ပူးပေါင်းရင်းမြစ်များ

ISAIAH 11:13

Israel ram nih khan Judah ram kha a nahchuah ti lai lo i Judah zong cu Israel ral a si ti lai lo.

ISAIAH 9:21

Manasseh mi hna le Efraim mi hna cu pakhat le pakhat an i do, cun an pahnih in Judah kha an doh fawn. Cu ti a si na hmanh cun Bawipa thinhunnak cu a dong lo i dantatnak pek awkah a kut cu aa samh ko rih.

EZEKIEL 37:22

Ram chungah le Israel tlang hna cungah miphun pakhat ah ka ser hna lai i an dihlak in siangpahrang pakhat nih a uk hna lai i pennak pahnih ah an i cheu hrimhrim ti lai lo.

ZEKHARIAH 11:6

Zeicahtiah vawlei cung i khua a sami hna cungah hin zaangfahnak zeitikhmanh ah ka ngei ti lai lo, tiah Bawipa nih a ti. Mi kip kha an innpa le an siangpahrang hna kut tangah ka chiah hna lai i ram cu pakhat hnu pakhat in a rawk lengmang tikah annih cu an kut chung khan ka chanh hna lai lo.

ZEKHARIAH 11:7

Cucaah tuurun cu thah awkah a cawtu hna caah cun ka thauter hna. Fung pahnih ka lak hna i pakhat cu a min ah Lawmhnak ka sak i a dang pakhat cu Fonhnak ka sak; cuticun tuurun cu ka thauter hna.

ZEKHARIAH 11:9

Cun tuurun cu ka thawh hna i, “Nannih cu kan cawng ti hna lai lo, a thi ding cu thi ko u, a tlau ding cu tlau ko u, cun a tangmi cu pakhat le pakhat i ei dih ko u,” ka ti.

MATTHAI 24:10

Cu caan ah cun mi tampi nih an zumhnak kha an hlawt lai i pakhat le pakhat an i rawi lai i pakhat le pakhat an i hua lai.

MARKA 3:24

Ram pakhatkhat cu a bubu in aa ṭhen i anmah le anmah kha an i doh ahcun, zeitindah cu ram cu a dir khawh lai?

GALATI 5:15

Asinain saram bantukin nan um i pakhat le pakhat nan i seh nan i kaoh ahcun, i ralring tuah u, nan i ralrin lo ahcun pakhat le pakhat nan i hlo dih ko lai.

JEIM 3:14

Sihmanhsehlaw nan lung chungin mi nahchuahnak nan ngeih i mi cungah nan thin a hun peng i mah zawn lawng aa ruatmi nan si ahcun, mifim kan si tiin i porhlaw hlah u law, biatak dohnak ah lih kha chim lengmang hlah u.

JEIM 3:16

Nahchuahnak le mah zawn lawng ruahnak a umnak paoh ah i rem lonak le ṭhat lonak a phunphun kha a um zungzal.