ZEKHARIAH 10:6 - Lai (Hakha) Common Language Bible 2006

⁶ Judah innchungkhar cu ṭhawnnak ka pek hna lai i Josef innchungkhar cu teinak ka pek hna lai; Annih cu ka zaangfah hna caah ka kirpi ṭhan hna lai i, Rak hlonh bal hna hlah ning law, cu bantuk cu an si lai; Zeicahtiah keimah cu Bawipa an Pathian ka si i an ka halnak cu ka leh hna lai.

ZEKHARIAH 10:6 ပူးပေါင်းရင်းမြစ်များ

SALM 89:21

Ka thazang cu a sinah a um zungzal lai i ka ṭhawnnak nih a ṭhawnter lai.

ISAIAH 11:12

Israel mi le Judah mi aa ṭhekmi hna kha vawlei ki li in ka pumh ṭhan hna lai i hmuhsaknak caah Bawipa nih hmelchunhnak pakhat a tar lai.

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 54:4

Na thinphang hlah — ningzahnak na ing ti lai lo; serhsatnak na hmu ti lai lo. Na ngaknut lio i zumh awk tlak lo na rak si kha na philh lai i nuhmei na si lio i na umhar vialte kha na philh lai.

ISAIAH 54:8

Ka thinhun in tawite chung cu khattelei kan mertak, sihmanhsehlaw a zungzal in kan dawt lai,” a ti. Cuticun nangmah an khamhtu Bawipa nih a ti.

JEREMIAH 23:6

Amah chan ah cun Judah cu him tein khua a sa lai i Israel cu hnahnawh lo tein a um lai. Amah a min cu, Bawipa cu kan Dinnak a si, ti a si lai.

JEREMIAH 3:18

Khi tikah cun Judah chungkhar le Israel chungkhar cu an i fon lai i Hmun khat ah chaklei ram khan, ro caah an pupa ka pekmi hna ram ah khan an ra ṭi lai.

JEREMIAH 30:18

Bawipa nih hitin a ti: Zohhmanh, Jakob tefa hna cu an vanṭhatnak kha ka pek ṭhan hna lai i An umnak kip ah khan ka dawtnak kha ka hmuhsak hna lai. Khua cu an rawknak mual cungah khan sak an si ṭhan cio lai i Inn kip chungah khan a rak um tawnmi chungkhar kha an um ṭhan cio hna lai.

JEREMIAH 30:20

An fale hna cu hlanlio i an sining ah khan ka siter ṭhan hna lai i An mibu hna cu ka hmaika ah fehter an si lai. A hremtu vialte hna cu dan ka tat hna lai;

JEREMIAH 31:1

Khi tikah keimah cu Israel phun vialte hna Pathian ka si lai i annih cu ka mi an si lai, tiah Bawipa nih a ti.

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

JEREMIAH 31:31

“Israel mi hna le Judah mi hna he biakamnak thar ka ser lai ni cu a ra lio, tiah Bawipa nih a ti.

EZEKIEL 36:11

Nan cungah minung tampi le saṭil tampi ka phun hna lai; annih cu an karh lai i tefa tampi an ngei lai. Nannih cu hlanlio nakin tam deuh le rum deuh ah kan ser hna lai. Cuticun Bawipa ka si kha nan hngalh lai.

EZEKIEL 36:37

Mah hihi Bawipa Pathian bia an si: Israel mi cu hihi ka hal u, tiah ka ti rih hna lai: An pa hna cu tuu zat in ka tamter hna lai, laksawng thiang ah pekchanhmi tuu hna bantukin, puai caan i Jerusalem khua tuu hna bantuk ah ka ser hna lai.

EZEKIEL 39:25

Cucaah hihi Bawipa Pathian bia cu an si: Atu cu Jakob vanṭhatnak kha ka kirter ṭhan lai i ka tlaihchan hna nak kha Israel mi vialte cungah ka langhter lai i ka min thiang kha ka ṭanh lai.

HOSEA 1:11

Cun Judah mi le Israel mi hna cu hmunkhat ah fonh an si lai i anmahte nih hruaitu pakhat kha an i thim lai, cun annih nih ram kha an co lai, Jezreel ni cu a lianngan lai.

HOSEA 1:7

Sihmanhsehlaw Judah cu ka dawt lai i ka khamh lai. Li in siseh, vainam in siseh, ral hriamnam in siseh, rangtum in siseh, rangcung ralkap in siseh, ka khamh hna lai lo, sihmanhsehlaw Bawipa an Pathian in ka khamh hna lai.

HOSEA 14:9

A fimmi nih cun hika i aa ṭialmi hi i hngalh hna seh law an lungchung in i cinken hna seh. Bawipa lam cu lamding an si i miding mi nih cun cu lam cu an zulh hna, sihmanhsehlaw misual mi cu an ril i an tlu.

HOSEA 2:23

Ram chungah khan ka mi kha fek tein ka umter hna lai i ka ṭhanchoter hna lai. “Dawt lomi” hna tiah timi hna cungah khan dawtnak ka ngei lai i “Ka mi an si lo,” timi hna kha, “Ka mi an si,” ka ti hna lai. Annih cu an pahnih in ka mi nan si ka ti hna lai i, Annih nih, “Kan Pathian na si,” an ka ti lai.

OBADIAH 1:18

Khi tikah Jakob innchungkhar hna cu mei an si lai i Josef chungkhar hna cu meizik an si lai; Esau chungkhar tu cu favai an si lai; Esau mi hna cu mei nih facang hmui a kangh bangin an kangh hna lai i Esau tefa cu a nungmi an um lai lo,” tiah Bawipa nih a ti.

MIKAH 4:13

Na facang cil cu thawk cang tuah, Maw Zion fanu, Zeicahtiah na ki cu thir in ka ser lai i na tin cu dar in ka ser hna lai i Miphun tampi kha na naan hna lai. A ding loin an rak lakmi thil kha Bawipa sinah na pek ṭhan hna lai i, An chawva hna cu vawlei cung dihlak uktu Bawipa sinah na chanh hna lai.

MIKAH 4:6

Khi ni ah cun a tlaumi kha ka pumh hna lai i, Raltangmi kha ka khawmh hna lai i a derthawmmi kha thazang ka pek hna lai.

MIKAH 5:3

Cucaah nu nih nau nganfah a in chung caan lawng kha Bawipa nih Israel cu a kaltak lai i, A miphun chungmi sal i a tangmi hna kha an unaule he cun an i fon ṭhan lai.

MIKAH 5:8

Israel mi a cheukhat cu miphun hna lakah khan, Tu chung le phong i rawl a kawlmi chiandeih bantukin an si lai; Tuurun lak i thlahmi chiandeih no bantuk an si lai. An lakah khan a vung lut i a nam hna i a thleh a bauh dih hna i anmah chanhtu ding ahohmanh an um lo.

MIKAH 7:16

Miphun dang hna nih khan hmu hna seh law an thazang an i bochanmi kha ṭhawng ko hmanh seh law an thinphang hna seh; An kaa kha i cip hna seh law an hna kha i phit hna seh,

ZEKHARIAH 1:16

Cucaah mah hihi Bawipa bia a si: Jerusalem cu zaangfahnak he ka kirhnawh ṭhan cang i a chungah ka inn kha sak a si ṭhan lai, tahnak hri in tah a si ṭhan lai, tiah Bawipa nih a ti.

ZEKHARIAH 10:12

Sihmanhsehlaw Israel ṭhawnnak cu Bawipa chungah a si lai i A min in sunglawi ngaiin an kal lai. Mah hihi Bawipa bia hrimhrim a si.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

ZEKHARIAH 8:11

Sihmanhsehlaw hi mi hna chung hin a tangmi hna cungah hin cun hlan lio i ka rak si bang khan cun atu cu ka si ti lo, tiah ralkapbu Bawipa nih a ti.

ZEKHARIAH 9:16

Cucaah cu ni ah cun Bawipa an Pathian nih a mi cu tuu bantukin a khamh hna lai. A ram chungah khan an dihlak in a chiah hna lai i Bawiluchin cung i tleu seh tiah an chiahmi lungvar bantukin a chiah hna lai.