ZEKHARIAH 10:12 - Lai (Hakha) Common Language Bible 2006

¹² Sihmanhsehlaw Israel ṭhawnnak cu Bawipa chungah a si lai i A min in sunglawi ngaiin an kal lai. Mah hihi Bawipa bia hrimhrim a si.

ZEKHARIAH 10:12 ပူးပေါင်းရင်းမြစ်များ

GENESIS 24:40

A ka leh i, ‘Amah nawl ka ngaih zungzalmi Bawipa nih a vancungmi kha na sinah a kalter lai i na hlawh a tling ko lai. Ka mi hna sinin, ka pa chungkhar hna sinin ka fapa cu nupi na va hmuhpiak ko lai.

GENESIS 5:24

Enok cu a nun chung dihlak Pathian he tlongleng ṭi in a nung i Pathian nih a lak caah a um ti lo.

ISAIAH 2:5

Atu cu, Jakob tefa hna, Bawipa nih a kan pekmi ceunak chungah cun i chawk cang u sih!

ISAIAH 41:10

Na thin phang hlah — na sinah ka um ko, Keimah cu na Pathian ka si — zeihmanh ṭih hlah. Kan ṭhawnter lai i kan bawmh lai; kan huhphenh lai i kan khamh lai.

ISAIAH 45:24

“Nangmah thawng lawnglawng in teinak le ṭhawnnak kha hmuh khawh a si,” an ti lai. Sihmanhsehlaw a ka huami cu ningzahnak an ing lai.

EZEKIEL 30:24

Khi tikah Babilon siangpahrang cu ka ṭhawnter lai i a kut chungah ka vainam cu ka chiah lai; sihmanhsehlaw Faro ban cu ka khiah lai i a hmaiah cun hliam in a ril lai i a hrum-ai lengmang lai.

MIKAH 4:5

Mi vialte hna cu anmahle an pathian min cio ah an kal ko lai, Sihmanhsehlaw kannih cu Bawipa kan Pathian min in a zungzal in kan kal lai.

ZEKHARIAH 10:6

Judah innchungkhar cu ṭhawnnak ka pek hna lai i Josef innchungkhar cu teinak ka pek hna lai; Annih cu ka zaangfah hna caah ka kirpi ṭhan hna lai i, Rak hlonh bal hna hlah ning law, cu bantuk cu an si lai; Zeicahtiah keimah cu Bawipa an Pathian ka si i an ka halnak cu ka leh hna lai.

ZEKHARIAH 12:5

Khi tikah Judah phun hna nih khan, “Jerusalem khua chung i a ummi hna nih cun ralkapbu Bawipa an Pathian sin khan thazang an hmu,” an ti lai.

EFESA 6:10

A donghnak ah, Bawipa he nan i pehtlaihnak thawng le a ṭhawnnak a nganmi thawngin nan thazang cu, ṭhawnter chin ko u.

FILIPI 4:13

Ṭhawnnak a ka petu Khrih thawngin thil zeipaoh ka tuah khawh ko hna.

KOLOSE 2:6

Khrih Jesuh cu nan Bawipa ah nan i lak cang caah, amah he i pehtlai in nung u.

KOLOSE 3:17

Pathian kan Pa cu Khrih thawngin nan lawmh caah, nan tuahmi thil si hna seh, nan chimmi bia si hna seh, Bawipa Jesuh min in si dih ko hna seh.

1THESALON 2:12

Thazang kan in pek hna, hnangamnak kan in pek hna, a Pennak le a sunparnak i hrawm dingah an autu hna Pathian duhning in nan nun khawhnak hnga kan in forh lengmang hna.

1THESALON 4:1

A donghnak ah ka u le ka nau hna, zeitindah Pathian duhning in kan nun awk a si lai ti kha nannih nih kan sinin nan hmuh cang. Hitihin nan rak nun awk a si i atu hi Bawipa Jesuh min in tam chinchin in nan nun nakhnga kan in nawl hna.

2TIMOTE 2:1

Ka fapa, Khrih Jesuh he kan i pehtlaihnak thawngin kan hmuhmi Pathian vel nih ṭhawnnak in pek ko seh.