ZEKHARIAH 1:4 - Lai (Hakha) Common Language Bible 2006

⁴ Nan pupa hna bantuk kha si hlah u. Hlanlio profet hna nih, ‘Mah hihi Bawipa bia a si: Nan ziaza ṭhalo le nan tuahmi thilṭhalo khan i mer u,’ an rak ti hna. Sihmanhsehlaw ka bia an ngai lo i zei ah an ka rel fawn lo, tiah Bawipa nih a ti. Atu ah tah nan pupa hna cu khuazei ah dah an um kun?

ZEKHARIAH 1:4 ပူးပေါင်းရင်းမြစ်များ

2 CHANRELNAK 30:6

Cucaah siangpahrang nawl peknak bang khan ca phortu kha Israel le Judah ram vialte ah khan siangpahrang le a bawi pawl hna ca kha an i phorh i an kal, siangpahrang nih cun, “Maw Israel mi hna, Bawipa, Abraham, Isak le Israel Pathian sinah cun kir ṭhan u law Assiria siangpahrang hna kut in a luatmi nannih a tangmi hna leiah hin aa mer ṭhan ve lai.

2 CHANRELNAK 30:7

Nan pupa hna le nan unau hna, Bawipa, an pupa hna Pathian sinah zumhtlaklo an si ca i nannih nih nan hmuh bangin, a hrawhmi hna bantuk hi si hlah u.

2 CHANRELNAK 34:21

“Va kal u law, keimah ca le Israel le Judah i a tang rihmi caah Bawipa kha, hi cauk an hmuhmi chung bia kong hi va hal tuah u; kannih kan pupa hna nih hi cauk chung i aa ṭialmi dihlak ningin tuah awkah Bawipa bia kha an zulh lo caah kannih kan cung i a thletmi Bawipa thinhunnak cu a ngan ko,” tiah a ti.

EZRA 9:7

Kan pupa hna chan in nihin tiang mawhnak nganpi kan tuah lengmang ko; cun kan ṭhat lonak caah cun kanmah le kan siangpahrang hna le kan tlangbawi hna cu ramdang siangpahrang hna kut chungah pek kan si i vainam le saltannak le ramhnak le mualphonak cu nihin i bang hin rak in lengmang kan si.

NEHEMIAH 9:16

“Sihmanhsehlaw annih le kan pupa hna nih cun porhlawt ngaiin thil an tuah i an hngawng kha an i rengh i na nawlbia kha an ngai lo;

NEHEMIAH 9:26

“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.

NEHEMIAH 9:30

Kum tampi na in hna i na thlarau in na profet hna sin khan ralrinnak na pek hna; sihmanhsehlaw an hnapet hmanh nih an ngai duh lo. Cucaah ramdang miphun hna kut chungah na chanh hna.

SALM 78:8

Annih cu a hringsortu hna bantuk kha an si lai lo, kha hna kha cu ralthawh hmang, nawl ngai lomi, Pathian fek tein aa bochan lomi, Pathian sinah zumhawktlak in a um bal lomi an si.

ISAIAH 31:6

Pathian nih, “Israel mi hna, fak piin ka thin nan ka hunter i nan ka doh. Sihmanhsehlaw atu cu ka sinah ra kir cang ko u.

JEREMIAH 18:11

Cucaah va kal law, Judah ram mi hna le Jerusalem mi hna cu, mah hihi Bawipa bia a si tiah va chim hna: Keimah cu umsertu ka si. Nan cung i a tlung dingah thil ṭhalo kha ka tim lio i nanmah dantatnak ding lam kha ka tuak lio. Lam ṭhalo nan zulhmi kha nan dihlak in kirtak cio u; nan ziaza le nan tuahnak kha i remh cio u, a ti.

JEREMIAH 23:22

Ka khuakhannak chungah an rak i tel ve a si ahcun, Ka bia kha ka mi hna sinah thanh hna seh law, Ṭhat lonak lam an zulhmi le thil ṭhalo an tuahnak khan kirter hna seh.

JEREMIAH 25:8

“Cucaah ka bia kha nan ngaih duh lo caah,

JEREMIAH 26:5

nan sinah ka thlahmi ka profet hna bia kha zei ah nan rel lo ahcun, zei ah nan rel bal hna lo va si kaw,

JEREMIAH 3:12

Va kal law hi bia hi chaklei ah va thanh law hitihin va ti: Zumhawktlak lo Israel, ra kir tuah, tiah Bawipa nih a ti; Nangmah cu thinhunnak in kan zoh ti lai lo, Zeicahtiah kei cu zaangfah thiammi ka si, tiah Bawipa nih a ti; Zungzal in ka thin a hung lai lo.

JEREMIAH 3:14

Maw zumh awk tlak lo fale hna, ra kir tuah u, tiah Bawipa nih a ti; Zeicahtiah keimah cu nan Bawipa ka si; Nanmah cu khua khat chungin pakhat, innchungkhar pakhat chungin pahnih in kan lak hna lai i Zion ah kan kalpi hna lai.

JEREMIAH 35:15

Ka sal profet hna cu nan sinah ka rak thlah lengmang ko hna i nan ziaza ṭhalo kha ngol awk le a dingmi thil kha tuah awkah an in chimh lengmang ko hna. Nan pupa hna sinah ka pekmi ram ah hin nan um thluangthluan khawh nakhnga annih nih pathian dang kha biak lo ding le an rian ṭuan lo awkah ralrinnak an in pek lengmang ko hna. Sihmanhsehlaw ka bia kha nan ngai duh lo i zeizong ah nan ka rel fawn lo.

JEREMIAH 4:1

“Maw Israel, ka sinah ra kir ko, ka sinah ra kir ko, tiah Bawipa nih a ti. Ka hmaika in fih a nungmi na siasal kha na ṭhial hna i pial ti loin na um i,

JEREMIAH 44:16

Kannih kan i hren chihnak biakamnak kha tlinter awkah kan i tim.

EZEKIEL 14:6

Cucaah hihi Bawipa Pathian bia a si tiah Israel mi cu chim hna: Nan siasal kha mertak hna u, thil fihnung nan tuahmi vialte kha nan hnulei chit hna u.

EZEKIEL 20:18

An fale hna cu ramlak ah khan, nan pale zulhmi nawlbia kha zul hna hlah u, an phunglam zulhmi zong kha zul hlah u, an siasal hna zong khan i thurhhnawmh ve hlah u, tiah nawl ka pek hna.

EZEKIEL 33:11

Cucaah annih cu, ‘Ka nun bangin ka chim, miṭhalo mi an thih cu ka duhmi a si lo. Miṭhalo mi nih an ziaza kha an ṭhinh i an nun kha ka duh deuh. Nan ziaza ṭhalo kha hlaw hna u, hlaw hna u; maw Israel mi hna, zeicahdah nan thih lai?’ a ti, tiah chim hna, a ka ti.

EZEKIEL 33:4

sihmanhsehlaw pakhatkhat nih cu cu zei ah a rel lo i ral nih an phanh ahcun, amah cung i a tlungmi kongah amah cu mawhchiat awk a si ko lai.

DANIEL 9:6

Kan siangpahrang hna le kan bawi hna le kan pupa hna le hi ram chung mi vialte hna sinah nangmah min in bia a rak chimtu na sal na profet hna cu an bia kan rak ngai hna lo.

HOSEA 14:1

Maw Israel, Bawipa na Pathian sinah cun kir ṭhan tuah; Na sualnak nih khan an rilhter cang i an tlukter cang.

AMOS 5:24

Sihmanhsehlaw biading kha ti bantukin luanter u law Dinnak kha a cat lomi tiva bantukin luanter camcin ko u.

MIKAH 2:6

Mizapi nih an i thawh i, “Phung kan chim len hlah; cu bantuk kong hoi hna cu kan chim len hlah. Pathian nih cun ningzahnak ah a kan phakter lai lo.

ZEKHARIAH 7:7

Jerusalem cu dai tein a um i a chungah mi tampi an rak um i cu bantukin a pawngkam khua hna zong an rak si i Negeb le Shefelah zong an rak si lio i Bawipa nih hlan lio profet hna sinin a thanhmi kha mah hihi a si lo maw?’ tiah na chimh hna lai,” tiah a ti.

LAMKALTU 26:20

A hmasa bik ah Damaskas khua le Jerusalem khua ah, cun Judah mi hna umnak ram dihlak ah, cun Jentail mi hna sinah, ‘Nannih nih nan sualnak kha i ngaichih u law Pathian leiah khan i mer u law nan i ngaihchihnak a langhtertu thil kha tuah hna u,’ tiah ka ti.

LAMKALTU 3:19

Cucaah nan sualnak cu an hnawhpiak hna nakhnga, i ngaihchih u law Pathian leiah khan i mer tuah u.

1 PETER 1:18

Nan pupa nih an in rohmi hna santlailo phunglam hna chungin an luattertu hna cu zeidah a si kha nan hngalh, a rawk khomi thil sui le ngun bantuk si loin