ZEKHARIAH 1:17 - Lai (Hakha) Common Language Bible 2006

¹⁷ Ralkapbu Bawipa bia cu mah hihi a si kha voi khat in chim ṭhan rih tuah: Ka khuapi hna cu thil ṭhaṭha in an khat ṭhan lai; Zion cu Bawipa nih a hnemh ṭhan lai, Jerusalem cu aa thimmi khua ah a ser ṭhan lai.

ZEKHARIAH 1:17 ပူးပေါင်းရင်းမြစ်များ

2 CHANRELNAK 6:6

sihmanhsehlaw ka min cu khika ah a um nakhnga Jerusalem cu ka thim i David cu ka mi Israel mi hna cung i um awkah ka thim,’ tiin a ka in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

NEHEMIAH 11:20

Cun a tang rihmi Israel mi hna cu Judah ram chung i khua ah khan anmah le an comi an ro cio hmun ah khan khua an sa.

NEHEMIAH 11:3

Peng uktu bawi Jerusalem khua i a ummi hna cu hi hna hi an si; sihmanhsehlaw Judah ram chung khua hna ah khan cun Israel mi a dang hna le tlangbawi hna le Levi mi hna le biakinn rianṭuantu hna le Solomon sinum hna tefa hna cu anmah le an thilri umnak an khua cio ah khan an um ko.

SALM 69:35

Zion cu a khamh lai i Judah ram chung khua cu a remh ṭhan hna lai; a mi cu cuka ah cun khua an sa lai i ram cu an co lai;

ISAIAH 14:1

Bawipa nih a mi Israel mi cu a zaangfah ṭhan hna lai i amah mi ah khan a thim ṭhan hna lai. An ram ah khan a kirter ṭhan hna lai i ramdangmi nih khan an fuh hna lai i an sinah cun an um lai.

ISAIAH 44:26

Sihmanhsehlaw ka sal nih cun thil a chimchung tikah le ka timhmi phuan awkah lamkal ka thlah tikah, cu ka timhmi hna le chimchungmi thil hna cu ka tlinter hna. Jerusalem cu ka thawh i, na chungah mi an um ṭhan lai, Judah ram khua cu remh an si ṭhan lai tiah ka chimh. Hi khua hna cu an rawhnak chung khan an tho ṭhan lai.

ISAIAH 49:13

Van hna, hlasa tuah u! Maw vawlei, lunglawmhnak in au tuah! Tlang cu lunglawmhnak in au hna seh. Bawipa nih a mi cu a hnemh cang hna lai; retheihnak a ingmi a mi cu a zaangfah cang hna lai.

ISAIAH 51:12

Bawipa nih aa thawh i, “Nanmah thazang an petu hna cu keimah ka si. Cucaah cun zeicahdah ram nakin sau deuh a nung hlei lomi, a thi khomi minung cu nan ṭih hna?

ISAIAH 51:3

“Zion cungah zaangfahnak ka langhter lai, a rawkmi a hmun chung i a ummi hna kha ka zaangfah hna lai. A ram cu thetse ram a si nain dum ah ka ser lai, Eden chung i ka chiahmi dum bantuk ah khan ka ser lai. Cuka ah cun lunglawmhnak le thanuamnak, keimah thangṭhatnak le lawmhnak hla an um lai.

ISAIAH 52:9

Jerusalem khua chung i a rawkmi hmun hna, lunglawm le thanuam in au tuah u. Bawipa nih a mi cu a hnemh cang hna, a khuapi cu a khamh cang.

ISAIAH 54:8

Ka thinhun in tawite chung cu khattelei kan mertak, sihmanhsehlaw a zungzal in kan dawt lai,” a ti. Cuticun nangmah an khamhtu Bawipa nih a ti.

ISAIAH 66:13

Nu nih a fa a hnemh bantukin Jerusalem khua chungah kan hnemh hna lai.

JEREMIAH 31:13

Cun ngaknu hna cu an lam lai i an i lawm lai, Tlangval le patar hna cu an tha a nuam lai; An mithi zunngaihnak cu lunglawmhnak ah ka thlen lai, Ka thin ka nemter lai i an ngaihchiatnak lonh in lunglawmhnak ka pek hna lai.

JEREMIAH 33:13

Tlangram khua ah si hna seh, Shefelah khua ah si hna seh, Negeb khua ah si hna seh, Benjamin ram chungah siseh, Jerusalem khua pawngkam ah siseh, Judah ram khua hna chungah siseh, tuurun hna cu anmah a reltu hna kut tang khan an kal duahmah ṭhan lai, tiah Bawipa nih a ti.

JEREMIAH 33:9

Jerusalem khua nih hin vawlei cung miphun vialte hmaiah min ṭhatnak le thangṭhatnak le sunparnak a ka pek lai. A cungah ka tluntermi thluachuahnak vialte kha an theih i a cung i ka tluntermi thluachuahnak le daihnak kha an hmuh tikah an lung a suk hna lai i an khuaruah a har lai,” a ti.

EZEKIEL 36:33

Mah hihi Bawipa Pathian bia cu an si: Nannih cu nan ṭhat lonak vialte in kan thianh hna tikah khua chungah cun mi ka umter ṭhan hna lai i siangpahrang inn hna cu remh ṭhan an si lai.

AMOS 9:14

Ka mi Israel mi hna cu an vanṭhatnak kha ka pek ṭhan hna lai; Chuahtak ciami khua kha an ser ṭhan hna lai i an umhnawh ṭhan hna lai, Mitsur dum kha an ser hna lai i mitsur hang kha an din hna lai, Dum kha an ser hna lai i an theitlai kha an ei hna lai.

OBADIAH 1:20

Israel mi saltangmi hna nih khan Kanaan ram kha Zarefath tiang an co lai, Jerusalem mi saltangmi hna nih khan Negeb ram i khua kha an co hna lai.

ZEKHARIAH 1:14

Va thanh tuah, hihi Bawipa bia a si: Jerusalem le Zion hi ka ham ngaingai hna;

ZEKHARIAH 1:18

Cunglei kha ka hun zoh i ki pali kha ka hmuh hna. A ka chawntu vancungmi kha hi ki pali cu zeidah an sullam a si, tiah ka hal i, “Judah le Jerusalem a ṭhiotu ki an si,” tiah a ka leh.

ZEKHARIAH 2:12

Khi tikah nannih nih keimah cu ralkapbu Bawipa nih a ka thlah ti kha nan hngalh lai. Ram thiang chungah Judah cu Bawipa nih amah ta si awkah a lak ṭhan lai i Jerusalem cu aa thimmi a khuapi ah a ser ṭhan lai.

ZEKHARIAH 2:4

a dang vancungmi pakhat amah ton awkah cun a hung chuak i, “Va tli law tlangvalpa khi va chim law, Jerusalem khua cu kulhnak a ngei lomi khua a si lai i a chung i a ummi minung le saṭil cu an tam tuk hringhran lai.

ZEKHARIAH 3:2

Bawipa nih Satan cu a thawh i, “Satan, nangmah cu Bawipa nih kan sik, Jerusalem khua a thimtu Bawipa nih kan sik. Hi mipa hi mei chungin chuahmi mei thingthu a si lo maw?” tiah a ti.

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.