ZEFANIAH 3:14 - Lai (Hakha) Common Language Bible 2006

¹⁴ Zion fanu, lunglawmhnak in au tuah, Israel, teinak au in au tuah; Jerusalem fanu, i lawm law na lungthin dihlak in i lawm tuah.

ZEFANIAH 3:14 ပူးပေါင်းရင်းမြစ်များ

NEHEMIAH 12:43

Cun cu ni ah cun raithawinak ngan pipi an pekchanh hna i Pathian nih lunglawmhnak nganpi in an lung a lawmhter hna caah an i lawm; nu le ngakchia zong kha an i lawm ve. Cun Jerusalem khua chung i lunglawmhnak cu lamhlapi tiang a thang.

SALM 14:7

Israel khamhnak cu Zion in ra seh ti ka hei duh hringhran dah! Bawipa nih a mi cu luatnak a pek ṭhan hna tikah, Jakob tefa cu an lung aa lawm lai, Israel mi cu an tha a nuam lai.

SALM 149:2

Israel, nangmah an sertu ruangah cun i lawm tuah, Zion mi hna, nan siangpahrang ruangah cun i lawm tuah u!

SALM 97:8

Bawipa, nangmah nih na tuahmi biathlehnak ruangah, Zion mi cu an lung aa lawm i Judah ram khua hna cu an tha a nuam.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

ISAIAH 29:19

Misifak le mirethei hna nih, Israel Pathian thiang nih a pekmi hna lawmhnak kha an hmuh ṭhan lai.

ISAIAH 35:2

Thetse ram cu hla a sa lai i lawmhnak in a au lai; Lebanon Tlang bantukin aa dawh lai i Karmel Tlang le Sharon nelrawn lo bantukin a ṭha lai. Mi kip nih Bawipa sunparnak le kan Pathian a lianhngannak le a ṭhawnnak kha an mit in an hmuh lai.

ISAIAH 37:22

Bawipa nih cun, “Sennakherib, nangmah cu Jerusalem khua nih khan a nih in an nihsawh men ko, capo men ah an saih ko.

ISAIAH 40:1

“Hnem tuah hna u, ka mi hna cu hnem tuah hna u,” tiah nan Pathian nih a ti.

ISAIAH 40:9

Maw Jerusalem, tlang sang cungah kai law thawng ṭha kha thanh tuah! Maw Zion, fak piin au law thawngṭha kha thanh tuah. Au ko, ṭih hlah. Judah ram khua hna kha, nan Pathian a ra lio, tiah chim hna.

ISAIAH 51:11

Na luattermi hna nih khan Jerusalem cu, lunglawmhnak le hlasak pah le thanuam au khuannak he an phak lai. Zungzal in an i lawm lai i ngaihchiatnak le lung retheihnak in an luat zungzal cang lai.

ISAIAH 52:9

Jerusalem khua chung i a rawkmi hmun hna, lunglawm le thanuam in au tuah u. Bawipa nih a mi cu a hnemh cang hna, a khuapi cu a khamh cang.

ISAIAH 54:1

Jerusalem, nangmah cu fa a ngei lomi nu bantuk na si. Sihmanhsehlaw atu cu hla na sa kho cang i lunglawm in na au kho cang. A va nih a kaltak bal lomi nu nakin fa tam deuh na ngei cang lai.

JEREMIAH 30:19

Cuka i a ummi hna nih cun thangṭhatnak hla an sa lai i lunglawmhnak in an au lai. Ka karhter hna lai, an zor chuk lai lo; Upatnak ka pek hna lai, nautat an si ti lai lo.

JEREMIAH 31:13

Cun ngaknu hna cu an lam lai i an i lawm lai, Tlangval le patar hna cu an tha a nuam lai; An mithi zunngaihnak cu lunglawmhnak ah ka thlen lai, Ka thin ka nemter lai i an ngaihchiatnak lonh in lunglawmhnak ka pek hna lai.

JEREMIAH 33:11

Sihmanhsehlaw hi hmun ah hin thanuamnak thawng le lunglawmhnak thawng, nupi ṭhitu aw le a mo aw cu theih an si ṭhan lai. Mi nih ka biaknak inn ah lunglawmhnak laksawng an rak put tikah hla an sa lai i, A lianngan bik Bawipa cu lawm tuah u, Zeicahtiah amah cu a ṭha, A fekmi a dawtnak cu zungzal in a hmun, an ti lai. Hi ram cu hmasa ah a rak rum tlukte khan ka rumter ṭhan lai,” tiah Bawipa nih a ti.

JOEL 2:23

“Nannih Zion mi hna, Bawipa nan Pathian cungah i lawm u law nan tha nuam tuah u, Amah nih fur ruah cu a za tawk tein an pek hna, Khuasik caan ruah kha a surter i ṭhal caan ruah kha hmasa bantukin a ratter.

MIKAH 4:8

Cun nang, lung in sermi innsang, Zion fanu tlang, Nangmah sin i biakamnak sermi vialte kha ka tlinter lai; Hmasa lio na bawinak kha a ra kir ṭhan lai i Jerusalem fanu nih uknak na rak ngeihmi zong kha a ra kir ṭhan lai.

MATTHAI 21:9

A hmai i a kalmi hna le a hnu in a zulmi hna cu an bu ning piin an au i, “David Fapa cu thangṭhat ko u! Bawipa min in a rami cu Pathian nih thluachuah pe ko seh, Pathian cu thangṭhat ko u,” tiah an ti.