ZEFANIAH 3:12 - Lai (Hakha) Common Language Bible 2006

¹² Cuka ah cun nunnem le toidormi kha ka umter hna lai i Bawipa min ah cun himnak an kawl lai i ka sinah bawmhnak hal awkah a ra duhmi an si lai.

ZEFANIAH 3:12 ပူးပေါင်းရင်းမြစ်များ

EZRA 9:8

Sihmanhsehlaw atu cu caan tawite chung kha Bawipa kan Pathian nih zaangfahnak kan cungah a langhter, kannih cu Pathian nih kan mit kha a ceuter i kan saltannak chungah khan nun ṭhannak tlawmte a kan pek nakhnga, a tangmi a kan nganhpiak i a hmunthiang chungah a himmi hmun a kan pek.

SALM 37:40

A bawmh hna i a chuah hna; annih nih huhphenhnak hmuh awkah an fuh caah miṭhalo hna kut chung khan a khamh hna.

ISAIAH 14:30

Bawipa cu a mi hna lak i sifakmi hna caah tuukhal a si lai i him tein a umter hna lai. Sihmanhsehlaw nannih Filistin mi cungah cun mangṭam a tlunter lai i pakhat hmanh cu mangṭam nih cun a nung in an zuahmi hna nan um lai lo.

ISAIAH 14:32

Filistia ram in a rami lamkaltu hna kha zeitindah bia kan rak leh hna lai? Bawipa nih Zion cu a fehter cang i cuka ah cun fahnak a ingmi a mi hna kha him tein khua a sakter hna lai, tiah kan rak chimh hna lai.

ISAIAH 29:19

Misifak le mirethei hna nih, Israel Pathian thiang nih a pekmi hna lawmhnak kha an hmuh ṭhan lai.

ISAIAH 50:10

Nannih Bawipa a ṭih mi vialte hna, a sal bia a ngaimi vialte hna, nan kalnak lam cu mui ko hmanh seh law Bawipa cu i bochan u law i hngatchan ko u.

ISAIAH 6:13

Ram chungah hin mi pahra an taan hmanh ah cu hna zong cu thah an si ṭhiamṭhiam lai; annih cu mi nih an haumi kuhthing chumhmui bantuk an si lai,” a ti. (Cu thing chumhmui cu Pathian miphun a thar in an i thawk ṭhannak ding hmelchunhnak a si.)

JEREMIAH 17:7

Sihmanhsehlaw keimah kha a ka bochan i a ka hngatchanmi cu thluachuahnak ka pek lai.

JEREMIAH 50:20

Cu caan a phak tikah Israel mi hna chungah sualnak hmuh a si lai lo i Judah mi hna chungah ṭhat lonak hmuh a si lai lo; zeicahtiah ka nuntermi hna cu an sualnak kha ka ngaihthiam hna lai, tiah Bawipa nih a ti.

EZEKIEL 6:8

Sihmanhsehlaw annih cu an thih tikah, miphun hna lakah khan vainam thahnak in a luatmi tlawmpal cu kan zuahpiak hna lai.

MIKAH 5:6

Annih nih an vainam in Assiria ram cu an tei lai. Assiria mi nih kan ram cu an hung chim tikah kannih cu an kan khamh lai.

NAHUM 1:7

Harnak caan ah amah aa bochanmi caah cun Bawipa cu a fekmi himnak a si; Amah nih ka chanh seh, ti a duhmi paoh cu a zohkhenh hna.

ZEKHARIAH 11:11

Cucaah cu ni ah cun hrawh a si i a ka zohtu, thil cawtu hna nih khan mah hihi Bawipa bia a si kha an hngalh.

ZEKHARIAH 11:7

Cucaah tuurun cu thah awkah a cawtu hna caah cun ka thauter hna. Fung pahnih ka lak hna i pakhat cu a min ah Lawmhnak ka sak i a dang pakhat cu Fonhnak ka sak; cuticun tuurun cu ka thauter hna.

MATTHAI 11:5

mitcaw nih khua an hmuhnak le kebei an kal khawhnak le mithinghmui an thiannak le hnachet nih khua an theihnak le mithi thawhṭhan an sinak le misifak mi hna sinah Thawngṭha chim a sinak hi va chim ko u.

MATTHAI 12:21

Amah cu miphun vialte nih an i bochan lai,’ tiah a timi kha tlinternak caah a si.

MATTHAI 5:3

Mi chambau kan si ti aa hngalmi cu, lunglawmmi nan va si dah! Vancung Pennak cu nanmah ta a si.

ROM 15:12

Isaiah nih khan aa thawh ṭhan i, “Jesse tefa pakhat a ra lai i Jentail mi hna uktu ah ser a si lai, Cun annih nih amah cu an i bochan lai,” a ti bang khan a si.

JEIM 2:5

Ka dawtmi ka u le ka nau hna, ngai hmanh u. Pathian nih hi vawlei cung i misifak hna hi, zumhnak i a rummi si awk le amah a dawtu a kamhmi hna Pennak kha a comi si awkah a thim hna.

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.