ZEFANIAH 2:9 - Lai (Hakha) Common Language Bible 2006

⁹ Cucaah ka nunnak chalh in hi bia hi ka chim: Moab cu Sodom bantuk a si lai i Ammon cu Gomorrah bantuk a si lai, Belh pon, a thumi ram pon, zungzal ram car a si lai, tiah Bawipa, Israel Pathian nih a ti. Ka mi hna lak i a nungmi nih khan an ramh hna lai i Ka miphun chungin a tangmi hna nih khan an ram cu an co lai.

ZEFANIAH 2:9 ပူးပေါင်းရင်းမြစ်များ

ISAIAH 11:14

Hmunkhat ah nitlaklei i a ummi Filistin mi kha an tuk hna lai i nichuahlei i a ummi kha an ramh ṭi hna lai. Edom mi le Moab mi kha an tei hna lai i Ammon mi nih an nawl an zulh hna lai.

ISAIAH 25:10

Bawipa nih Zion Tlang cu a huhphenh lai, sihmanhsehlaw capawl kha nawncek chungah an lamhchih bantukin Moab cu vawlei ah lamhchih a si lai.

ISAIAH 49:18

Na pawngkam kha zoh law zeidah a um ti kha ngia tuah. Na mi cu an i pum cuahmah cang — inn ah an ra tlung lai. Keimah cu a nungmi Pathian ka si hrimhrim bangin, nang zong na mi cu naa chawr hrimhrim hna lai; va ngeika ngaknu nih a hlawn aa chawr bantuk khin naa chor ve hna lai!

JEREMIAH 46:18

“Ka nun bangin,” tiah Siangpahrang, a min Ralkapbu Bawipa a simi nih cun a ti. Tlang hna lak i Tabor tlang a san cem bantuk le Karmel tlang cu rili cung sangpi ah aa hlorh bantukin Nangmah an dohtu dingmi a ṭhawnnak cu a si lai.

JEREMIAH 48:1

Moab kong ah Ralkapbu Bawipa, Israel Pathian nih hi bangin a ti: “Aize, Nebo cu a lo i a ṭiao cang ai! Kiriathaim cu lak a si cang i a mual a pho cang ai! Misgab cu ningzahnak a phan i a hnabei a dong cang;

JEREMIAH 49:1

Ammon mi hna kong ah Bawipa nih hi bangin a ti: “Israel nih hin fapa a ngei hna lo maw? Rocotu a ngei lo maw? A si kun ah cun, zeicahdah Milkom nih Gad ram cu a co i Amah a biami hna cu Gad ram chung khua ah hin an um?

JEREMIAH 49:18

Sodom le Gomorrah le an pawngkam khua vialte bantuk khan a rawk lai, tiah Bawipa nih a ti. Khika ah ahohmanh khua an sa lai lo, minung ahohmanh innlo a khuarmi an um lai lo.

JEREMIAH 49:33

Hazor cu cenghngia tlonnak hmun ah ka ser lai i zungzal in a rawk ko lai; Khika ah ahohmanh an um lai lo i ahohmanh nih innlo an khuar lai lo, tiah Bawipa nih a ti.

JEREMIAH 50:40

Pathian nih Sodom le Gomorrah le an pawngkam khua hna kha a hrawh tik hna ah khika ah mi ahohmanh an um ti lo bantukin a chungah ahohmanh khua an sa ve lai lo, tiah Bawipa nih a ti.

AMOS 1:13

Hihi Bawipa bia an si: Ammon mi hna nih ṭhat lonak pakhat hnu pakhat an tuah lengmang caah, An cung i dantatnak ka tlunter ding kha ka let lai lo. An ram kha kauhter an duh caah

AMOS 2:1

Hihi Bawipa bia an si: Moab nih ṭhat lonak pakhat hnu pakhat a tuah lengmang caah A cung i dantatnak ka tlunter ding kha ka let lai lo. Annih nih Edom siangpahrang ruh kha vutcam ah cang lakin an khangh.

ZEFANIAH 2:14

Khika ah saṭil run le ramlak saram vialte kha an bawk lai. Chimbu ki ngei le langta nih a tung ngan pipi par ah cun bu an ser lai, Chimbu pawl cu thlalangawng in an awn lai i langta cu innleng ah an dir lai.

ZEFANIAH 2:7

Rilikam ram cu Judah ram mi a tangmi hna ta a si lai. Bawipa an Pathian nih a merhnawh hna lai i An vanṭhatnak kha a pek ṭhan hna lai caah An tuurun kha rilikam ah khan an tlonter hna lai i zanlei ah Ashkelon khua inn chungah khan an riak lai.

ZEFANIAH 3:13

Israel mi chungin a tangmi hna nih khan ahohmanh nih ṭhat lonak an tuah lai lo, lih zong an chim lai lo, hlennak bia kha an hmur in a chuak ti lai lo. Cun dai tein ramhring lakah khan an tlong lai i ahohmanh nih thinphang in an umter ti hna lai lo.

ZEKHARIAH 2:13

Miphun vialte hna, Bawipa hmaiah dai tein um tuah u! Zeicahtiah amah cu a umnak hmun thiang khan aa thawh cang.

NAMBAR 14:21

sihmanhsehlaw biangai tein, keimah ka nun le vawlei cung vialte Bawipa sunparnak in a khah dih lai bantukin,

ROM 14:11

Zeicahtiah Cathiang nih, “Ka nun bangin, mi vialte nih ka hmaiah an khuk an i bil lai i Mi vialte nih keimah cu Pathian a si an ka ti lai, tiah Bawipa nih a ti,” a ti bang khan a si lai.

DEUTERONOMI 29:22

Cun a ra dingmi chan, nan hnuah a chuak laimi nan fale le ram hla piin a ra laimi ramdang mi hna nih, hi ram hremnak le Bawipa nih a pekmi zawtnak kha an hmuh tikah —

DEUTERONOMI 29:23

cu hremnak cu, ram cu a dihlak in kat le cite, thi lakin khanghmi, zeihmanh tuh lo, zeihmanh corh lo, ram zeihmanh khoh khawh lonak a si, a thinhunnak le a thinlinhnak in Bawipa nih a hrawhmi Sodom le Gomorrah le Admah le Zeboiim rawknak bantuk a si —