ZEFANIAH 2:11 - Lai (Hakha) Common Language Bible 2006

¹¹ Bawipa nih annih cu a ṭihnunnak vialte he a chuahhnawh hna lai; vawlei cung khuazing vialte cu santlailo ah a ser dih hna lai i miphun dang hna rilikam ram le tikulh vialte nih amah cu an biak lai, mi kip nih anmahle an inn cio in an biak lai.

ZEFANIAH 2:11 ပူးပေါင်းရင်းမြစ်များ

GENESIS 10:5

Annih hi rili kam le tikulh i khua a sami hna hringsortu an si. Hi hna hi Jafeth tefa cu an si; an phun cio in an ram cio ah khan khua an sa i anmah le an holh cio kha an hmang.

SALM 138:4

Bawipa, vawlei cung siangpahrang vialte nih, na biakamnak kha an theih caah an in thangṭhat lai.

SALM 72:17

A min cu zeitikhmanh ah philh si ti hlah seh; a minthannak cu ni a um chung paohpaoh dai loin um zungzal ko seh. Miphun zakip nih amah cu thangṭhat hna seh, mi vialte nih Pathian cu, siangpahrang thluachuah na pek bantukin kannih zong ka pe ve, tiin nawl hna seh.

SALM 86:9

Nangmah nih na sermi miphun vialte hi an chuak lai i na hmaiah an kun lai. Na lianhngannak kha an thangṭhat lai,

ISAIAH 2:18

siasal cu an lo dih lai.

ISAIAH 2:20

Cu ni a phak tikah cun, an i serchommi sui siasal hna le ngun siasal hna kha, tawte le palak an hlonhhnawh hna lai.

ISAIAH 42:10

Bawipa cu hla thar in thangṭhat tuah u; vawlei vialte hna, a thangṭhatnak hla cu sa tuah u. Rili cungah tilawng in a kalmi hna, amah cu thangṭhat tuah u; rili chung thilnung vialte hna, amah cu thangṭhat u. Lamhlatpi i a ummi ram hna, hlasa tuah u, cuka ram i a ummi vialte hna, hla cu sa tuah u.

ISAIAH 42:4

A lung a dong lai lo, a tha zong a chia lai lo, vawlei cungah dinnak kha a hmunhter lai. Lamhlat pipi i a ummi ram nih a cawnpiaknak kha ngangngan in an hngak ko,” a ti.

ISAIAH 49:1

Lamhlatpi i a ummi miphun hna, ram hlapi i a ummi hna, ka bia ngai tuah u. Ka chuah hlan in Bawipa nih a ka thim i a sal si awkah a ka fial.

JEREMIAH 10:11

(Nannih nih annih cu hi bangin nan chimh hna lai: “Van le vawlei sertu a si lo pathian hna cu hrawh an si lai. Vawlei cungah khuazei hmanh ah an um ti lai lo,” ti in.)

JEREMIAH 46:25

Thebes khua pathian Ammon cu dan ka tat lai, Izipt cu a pathian hna le a bawi hna he khan dan ka tat lai; Faro le amah aa bochanmi vialte hna kha dan ka tat hna lai.

DANIEL 11:18

Khi hnuah rili kamlei le tikulh hnalei ah khan aa mer lai i mi tampi cu sal ah a tlaih hna lai, sihmanhsehlaw ramdang ralbawi pakhat nih ṭhat lonak a tuahmi cu a ngolter lai i ṭhat lonak a tuahmi kha amah cung lila ah a kirter lai.

HOSEA 2:17

Baal hna min hrimhrim kha a hmur in ka hnawh hna lai i an min hi a chim in chim an si ti lai lo. Hihi Bawipa bia hrimhrim a si.

JOEL 2:11

Bawipa nih a ralkapbu cu khuari thawngin nawl a pek hna, Amah nawl a ngaimi ralkap hna cu a ṭhawngmi le rel cawk a si lomi an si. Bawipa ni cu zeitluk in ṭih a nungmi le a liannganmi dah a si! Ahodah a ing kho lai?

ZEFANIAH 1:4

Judah ram cungah le Jerusalem khua chung i a ummi vialte hna cungah khan ka kut ka samh lai; Baal biaknak thil a tang rihmi kha a hmanung bik tiangin ka hrawh lai, An siasal tlangbawi hna min zong kha, hi hmun hin ka hloh hna lai;

ZEFANIAH 3:9

Khi tikah mi vialte kha hmur thiang ka pek hna lai i Bawipa min cu an auh lai i lungkhat tein a rian an ṭuan lai.

ZEKHARIAH 13:2

Khi ni ah cun ram chung khan siasal min kha ka hloh hna lai i an ruat ti hna lai lo, tiah Bawipa nih a ti; profet hna le thlarau thianglo zong kha ram chung cun ka hloh hna lai.

ZEKHARIAH 2:11

Khi ni ah Bawipa sinah miphun tampi an ra lai i a mi an si lai i nannih lakah amah cu a um lai.

ZEKHARIAH 8:20

Ralkapbu Bawipa bia cu hihi a si. Miphun dangdang hna le khuapi chung i a ummi hna kha an ra lai;

ZEKHARIAH 8:23

Mah hihi ralkapbu Bawipa bia cu a si: Khi caan ah cun holh phun kip a hmangmi miphun kip chungin mi pahra nih Judah mi pakhat kha a puan in an i tlaih lai i, “Pathian cu na sinah a um ti kha kan theih caah na sinah kan kal ko lai,” tiah an ti lai.

MALAKHI 1:11

Nichuahlei deng in nitlaklei deng tiang, ka min cu miphun hna sinah a lianngan ko. Khua zakip ah rimhmuimi raithawinak le a thiangmi laksawng kha ka min in mi nih an pekchanh hna i ka min cu miphun hna lakah a lianngan ko, tiah ralkapbu Bawipa nih a ti.

MALAKHI 1:14

‘A tuurun chungah a ṭhami tuukawng a ngei ko nain a biakam tlinternak caah Bawipa sinah hlennak in do a tla lomi saṭil a pechanmi cu a cungah chiat tlung seh! Keimah cu a liannganmi Siangpahrang ka si i ka min cu miphun hna nih an ṭih, tiah ralkapbu Bawipa nih a ti.

DEUTERONOMI 32:38

An raithawinak thau a ei i An thlet pekchanhnak mitsur hang a dingtu hna cu khuazei ah dah an si kun? Tho tuah hna seh law, in bawm tuah hna ngat seh, Na himnak si tuah hna ngat seh!

1TIMOTE 2:8

Pa paohpaoh nih hmun kip ah thlacam hna seh ti ka duh, Pathian sinah i pe in thinhunnak zeihmanh um lo le bia alnak zeihmanh um loin Pathian sinah cun an kut hler hna seh.

BIAPHUAN 11:15

Cun vancungmi pasarihnak nih khan a muko cu a vun tum i aw thawng fakpi vancung ah cun a thang i, “Vawlei cung uknak nawl cu kan Bawipa le a Messiah ta a si cang,” an ti.