TITAS 3:3 - Lai (Hakha) Common Language Bible 2006

³ Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

Laibaibal Thiang (BSI)

³ Zeitintiah kanmah zong hlan ah mihrut, nawlngailo, hlenmi, nomhhnaihnâk le duhnâk phunkip tuahmi, mi hnachuah le huat tlai ngai le pakhat le pakhat â huami kan rak si.

TITAS 3:3 ပူးပေါင်းရင်းမြစ်များ

GENESIS 38:9

Asinain Onan nih khan fa kan hrinmi cu keimah ta an si lai lo ti kha a hngalh i cucaah cun a u nupi ro cu a ihpi fate a ci kha a pingah a chuahter i cucaah a u caah khan tefa a um kho lo.

GENESIS 39:16

Josef a bawipa inn i a ṭin hlantiang angkileng cu a rak i chiah ko.

SALM 36:2

Amah le amah sang tuk i aa ruah caah cun Pathian nih ka sualnak kha a hmu lai lo i sual a ka phaw lai lo tiah a ruah.

PHUNGTHLÛKBIA 8:5

Maw mihrut rual hna, fimnak cawng tuah u; maw lungtlawmmi hna, ṭha tein ngai tuah u.

PHUNGTHLÛKBIA 9:6

Hruhnak lam kha kaltak u law nung cang tuah u, fimnak lam kha zul tuah u,” a ti.

ISAIAH 44:20

Cu ti a tuah cu vutcam ei sullam bantuk men a si. Ruahnak hrut a rak ngeihmi nih khan a pingah a hruai tuk cang caah bawmh khawh hmanh a si ti lo. Ka kut i kaa putmi siasal hi pathian a si hrimhrim lo ti kha a hngal lo.

OBADIAH 1:3

Na lungpuamnak nih a pingah an hruai cang; Nang cu lung in sermi ralhruang chungah khan na um i Na inn cu tlang sangpi cungah khin a si caah, ‘Aho nih dah an ka ṭhumh khawh lai?’ tiah naa zum.

MATTHAI 21:29

Anih nih, ‘Ka duh lo,’ tiah a leh. Sihmanhsehlaw a hnuah a lung a hun i thleng i mitsur dum ah cun a kal.

LUKA 21:8

Jesuh nih a thawh hna i, “I ralring u; ahohmanh i hlenter hna hlah u. Zeicahtiah mi tampi keimah min put in an ra lai i, ‘Keimah hi amah cu ka si,’ an ti lai i ‘A caan cu a phan cang,’ an ti lai. Sihmanhsehlaw zul hna hlah u.

JOHAN 8:34

Jesuh nih cun a thawh hna i, “Biatak kan chimh hna: a sualmi paoh cu sualnak sal an si.

ROM 11:30

Nannih Jentail mi nih a hlanah cun Pathian kha a nawl nan rak zul lo; sihmanhsehlaw atu ah cun Judah mi nih khan a nawl kha an zulh lo caah nannih nih a zaangfahnak kha nan hmuh.

ROM 6:12

Cucaah thih a hmangmi nan pum kha sualnak nih uk ti hlah seh law, pumsa duhnak kha in zulhter ti hna hlah seh.

ROM 6:17

Sihmanhsehlaw Pathian cu lawm cio ko u sih. Zeicahtiah nannih cu sualnak sal nan rak si nain cawnpiaknak nan hmuhmi chung i a ummi biatak kha nan lungthin dihlak in nan zulh cang.

ROM 6:22

Sihmanhsehlaw atu cu sualnak chung khan luatter nan si cang i Pathian sal nan si cang; nan miakmi cu Pathian sinah pekchanhmi nunning a si i cu nih a chuahpimi cu zungzal nunnak a si.

ROM 6:6

Kan minung hlun cu Khrih he vailam cungah thah a si cang ti kha kan hngalh. A sualmi kan minung hlun cu zeicahdah thah a si ti ahcun, sualnak sal kan si tinak hnga lo caah a si.

2 KORIN 12:20

Nan sin ka phak tikah, si hna seh ti kan duhmi hna kha rak si loin kan hmuh sual hna lai ti kha ka phang i, si seh ti nan ka duhmi kha ka si lo sual lai ti zong kha ka phang ve. Pakhat le pakhat i si le i nahchuah le thintawi le mah zawn lawng ruat le i thangchiat i congoih le i porhlaw le ningcanglo khuasa in kan hmuh sual hna lai ti kha ka phang.

GALATI 6:3

Ahohmanh nih, zeihmanh si set ṭung loin, pa ka si ve tiin aa ruah ahcun amah le amah aa hlen a si.

KOLOSE 1:21

Hlan ah cun thil ṭhalo nan tuahmi le nan ruahmi ruangah khan Pathian he nan rak i hlat i a ral ah nan rak i ser.

KOLOSE 3:7

Cun nannih zong kha, cu bantuk pumsa duhnak nih a rak in uk lio hna ah khan, cu hna lak i khua a sami nan rak si.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

2TIMOTE 3:6

Hi hna pawl a cheukhat cu mi inn chungah khan an va lut i nu derthawm pawl, an sual thilrit nih a rak nenhmi hna le an duhnak nih a kenkip i a rak vahpi lengmangmi hna kha an va lak khawh hna,

TITAS 1:16

Pathian kan hngalh ti cu an ti, sihmanhsehlaw an tuahnak nih an chimmi cu a si lo ti kha a langhter. Mi huat awkin an um, nawl ngai loin khua an sa i thil ṭha tuah dingah an i tlak lo.

TITAS 2:12

Cu Pathian vel nih cun pathian zeirello in kan nun tawnnak le hi vawlei cung pumsa duhnak hlawt kha a kan cawnpiak i hi vawlei cungah hin mah le mah aa uk khomi si awk le ding tein nun le Pathian ṭihzah in um kha a kan forh.

JEIM 1:26

Mi pakhatkhat nih, kei cu biaknak leiah aa zuammi ka si, tiah aa ruat ko lai, sihmanhsehlaw a lei kha a uk khawh lo ahcun a biaknak cu pakpalawng a si i amah le amah aa hlengmi a si.

1 PETER 1:14

Pathian nawl kha ngai u, nan rak hruh lio i nan rak ngeihmi duhnak nih khan nan ziaza cu in uk ti hna hlah seh.

BIAPHUAN 12:9

Limkeng nganpi cu lengah an hlonh. Cu limkeng cu rulpi tar, Khuachia, asiloah, Satan timi, vawleicung mi vialte a hleng dihtu hna kha a si. Amah cu a vancungmi vialte hna he vawlei ah an thlak hna.

BIAPHUAN 13:14

Cun vawleicung i khua a sami vialte cu, khuaruahharnak a tuahmi khan a hlen hna; cu khuaruahharnak hna cu sahrang pakhatnak hmaika i tuahnak nawl pek a simi khuaruahharnak kha an si. Vainam in thahhrulhmi a si nain a nungmi sahrang upatnak caah khan milem pakhat nan ser lai, tiah vawlei cung mi vialte kha sahrang nih cun a ti hna.

BIAPHUAN 18:2

Fak piin a au i, “Nu kha a ril cang! Babilon Khualipi kha a tlu cang. Khuachia le thlarau thur nih an umhnawh cang i a thurhnawmmi le fihnung a simi vate a phunphun in a khat cang.