TITAS 3:14 - Lai (Hakha) Common Language Bible 2006

¹⁴ Kan mi hna cu rian ṭha ṭuan kha cawnpiak hna; an nunnak ca i a herh taktakmi hmuh khawhnak kha chim hna; pakpalawng in um men hna hlah seh.

Laibaibal Thiang (BSI)

¹⁴ Cun kanmi le hna zong theipar chauh loin an um nâkhnga lo an herhnâk zawn i hman awk an ngeih khawh nâkhnga rianṭha ṭuan pengin um hna seh.

TITAS 3:14 ပူးပေါင်းရင်းမြစ်များ

ISAIAH 61:3

Zion i ngaihchia in a ummi vialte hna cu vutcam caah pangpar ṭhi, mitthli caah lawmhnak chiti le thangṭhatnak hla pek awkah a ka thlah. Annih cu Bawipa hrimhrim nih a phunmi thingkung bantuk an si lai. Thil ṭha kha an tuah lai i Pathian cu a tuahmi thil ruangah khan an thangṭhat lai.

MATTHAI 21:19

Lam pawngah khan theipi kung a hei hmuh i a hei fuh, asinain a hnah lawng a rak si ai. Cucaah thingkung cu aa thawh i, “Zeitikhmanh ah thei tlai ti hlah,” tiah a ti. Hmakhatte ah theipi kung cu a car ko.

MATTHAI 7:19

Thei ṭha a tlai lomi cu hau i mei chung i paih an si tawn.

JOHAN 15:16

Nannih nih cun nan ka thim lo, keimah nih kan thim hna i a hmun ding thei kha tampi in va tlai tuah u tiah kan fial hna. Cucaah ka min in nan halmi paoh cu ka Pa nih an pek hna lai.

JOHAN 15:8

Nannih nih thei tampi nan tlai thawngin ka Pa sunparnak kha nan langhter i cuticun ka zultu i nan i canning cu a si.

LAMKALTU 18:3

an sinah cun a um i an sinah cun rian a ṭuan; amah zong cu anmah bantuk khan saphaw thlam ser in a paw aa cawmmi a si ve.

LAMKALTU 20:35

Zeizong vialte ah hi bantukin fak piin rianṭuannak thawngin a dermi kha kan bawmh hna awk a si ti cu kan hmuhsak cang hna i Bawipa Jesuh zong nih khan zeitindah a rak ti ti ahcun, ‘Pek leiah hin hmuh lei nakin lunglawmhnak a um deuh,’ a rak ti; cucu kan philh lo awk a si,” tiah a ti.

ROM 12:13

Nan u nan nau a si a fakmi kha nan thil hrawm hna u law khual kha tluninn onh hna u.

ROM 15:28

Cu rian cu ka dih i anmah caah an thawhmi phaisa cu a dihlak in anmah sin i ka chiah dih hnuah, Spain ram kal ahcun kaa thawh lai i kan tlawngpah hna lai.

EFESA 4:28

Fir a hmangmi kha fir ti hlah seh, amah ca i ding tein pawcawmnak caah le sifakmi bawmhnak caah rianṭuan seh.

FILIPI 1:11

Jesuh Khrih lawng nih a kan pek khawhmi ziaza ṭha taktak in nan nunnak cu a khat lai i cucu Pathian sunparnak le thangṭhatnak caah a si lai.

FILIPI 4:16

Thesalonika khua i bawmhnak ka herh ah khan voi khatnak tam bawmhnak nan ka kuat.

FILIPI 4:17

Nan laksawng hmuh ka duh lawng cu a si lo, nan cazin zongah miaknak i ṭial chap ve seh ti ka duh.

KOLOSE 1:10

Cuticun Bawipa duhning in nan nung kho lai i amah duhnak kha nan tuah zungzal khawh lai. Thil ṭha tuahnak kip ah nan nunning cu zumh awk tlak a si lai i Pathian nan hngalhnak ah khan nan ṭhang lai.

1THESALON 2:9

U le nau hna, har lengmang in rian kan ṭuan kha nan hngalh ko. Pathian sinin a rami Thawngṭha kan in chimh hna tikah khan, kannih cu nan caah thilrit kan sinak hnga lo, chun he zan he rian kan ṭuan.

2 THESALON 3:8

Ahohmanh nih alak in nan kan cawm lo. Kanmah te nih rian kan ṭuan, aho nan ca hmanh ah thilrit kan si nakhnga lo chunzan in kan ṭuan.

TITAS 2:8

Soi khawh lo ding bia ṭha kha hmang hna law, na ral pawl kha kan thangchiatnak zeihmanh chim awk an ngeih lai lo caah an ning tu zak seh.

TITAS 3:8

Hi bia hi biatak a si. Hi bia hi biapi in na rak lak hna awkah ka duh. Pathian a biami nih cun hmaizah awk tlak a simi rian kha ṭuan hna seh law, cu rian cu anmah caah hmaizah awk tlakmi rian a si ti lawng si loin an minung hawi ca zong i a ṭhahnemmi rian a simi kha si hna seh.

2 PETER 1:8

Hi thil hi nan herhmi an si i tam piin nan ngeih hna ahcun Bawipa Jesuh Khrih nan hngalhnak ah khan ṭhawnnak an pek hna lai i rian tampi an ṭuanter khawh hna lai.