TITAS 2:5 - Lai (Hakha) Common Language Bible 2006

⁵ mah le mah aa uk khomi an si nakhnga le a thiangmi an si nakhnga le innchungkhar khuasak ṭha tein a zohkhenh khomi an si nakhnga le an vale bia a ngaimi an si nakhnga, thil ṭha nan cawnpiak hna lai, tiah nutar deuh pawl cu na chimh hna lai. Cuti an tuah ahcun Thawngṭha cu mi nih an thangchiat kho lai lo.

Laibaibal Thiang (BSI)

⁵ biachim â ralringmi, a thiangmi, chungkhar kilkhawitu le ṭha te i um ding le an va le nawl ngai dingin, cawnpiak hna, cucu Pathian bia hi thangchiat i a um sual nâkhnga lo caah a si.

TITAS 2:5 ပူးပေါင်းရင်းမြစ်များ

GENESIS 18:9

Cun annih nih, “Na nupi Sarah tah khuazei ah dah a si?” an ti. “Thlam chungah khin a um ko,” tiah a leh hna.

GENESIS 3:16

Cun minu cu a thawh i, “Fa na pawinak i harnak na inmi kha ka karhter lai, fa na hrinnak i fahnak na inmi kha ka karhter lai; asinain na va cu na duh ṭhiamṭhiam ko lai i amah cu na cung bawi a si lai,” a ti.

2 SAMUEL 12:14

Sihmanhsehlaw mah hi thil na tuah thawngin Bawipa kha na zawmhtaih ngaingai cang caah, na hrinmi na fa cu a thi lai,” tiah a ti. Cun Nathan cu a inn ah a ṭin.

SALM 74:10

Maw Pathian, kan ral nih hin zei can dah an kan nihsawh lai? Na min hi a zungzal in maw an nihsawh ko lai?

PHUNGTHLÛKBIA 7:11

Inn tang loin chawh lengmang a duhmi nu a si, Lamṭe kip khan mi kha a bawh hna.

LAMKALTU 9:36

Cun Joppa khua ah hin Jesuh zummi nu pakhat a min Tabitha a simi a um, (amah cu Grik holh cun Dorkas ti a si i a sullam cu sazuk tinak a si.) ṭhatnak tuah le sifak bawmh ah khan a caan vialte cu a hman dih tawn.

LAMKALTU 9:39

Cucaah Peter cu aa tim i an sinah cun a kal. A va phak tikah cungdot ah khan an kaipi. Nuhmei vialte nih khan a zual in an zual i an ṭahpah khan, Dorkas nih a nun lioah a rak serpiakmi hna angki hna le puan hna kha an hmuhsak.

ROM 14:16

Na ca i a ṭhami thil kha congoihnak phortu ah canter hlah.

ROM 2:24

Cathiang nih, “Nanmah Judah mi ruangah Jentail mi nih Pathian kha an thangchiat,” a ti.

1 KORIN 11:3

Sihmanhsehlaw hngalhter kan duhmi hna cu Pathian cu Khrih lu a si bantukin pa cu nu lu a si i Khrih cu mi vialte lu a si.

1 KORIN 14:34

Pathian mi aa pummi hna an i pumh tikah a si cio tawn bantukin, pumhnak ah cun nu cu dai tein um awk an si ko. Bia kha chimter awk an si lai lo. Judah mi Phung nih a ti bangin, pumh uktu an si lai lo.

EFESA 5:33

Asinain nanmah kong zongah hman khawh a si ve: vale nih nan nupile cu nan pum nan i dawt bantukin nan dawt hna lai i nupile nih nan vale cu nan hmaizah hna lai.

KOLOSE 3:18

Nupi hna, nan vale nawl kha ngai hna u, cucu Khrihfa nan si bantukin nan tuah awk a si.

1TIMOTE 5:10

rian ṭha ṭuannak leiah min ṭhami a si lai: amah cu a fale ṭha tein a cawmkengmi, khualtlung a dawmi, Pathian mi an ke a ṭawlpiakmi, harnak a tongmi hna a bawm tawnmi le thil ṭha tuahnak ah aa hmangmi a si lai.

1TIMOTE 6:1

Sal nih nan bawile cu hmaizah awktlak ah nan rel hna awk a si. Cuti nan tuah lo ahcun kan Pathian min le kan in cawnpiakmi hna kha thangchiatnak nan hmuhter sual hna lai.

TITAS 2:4

Nu no deuh pawl kha, an vale le an fale dawt an thiam nakhnga le,