TITAS 2:11 - Lai (Hakha) Common Language Bible 2006

¹¹ Zeicahtiah Pathian nih a vel cu mi vialte khamhnak caah a phuan cang.

Laibaibal Thiang (BSI)

¹¹ Zeitintiah khamhnâk phâkpitu Pathian zângfahnâk cu mi vialte sinah a lang cang,

TITAS 2:11 ပူးပေါင်းရင်းမြစ်များ

SALM 67:2

miphun vialte nih na khamhnak kha an hngalh nakhnga, kan zaangfah law thluachuahnak kan pe ko, kan cungah na hmai tlanter ko.

SALM 84:11

Bawipa cu a kan hupphengtu le a sunglawimi kan siangpahrang a si, amah nih thluachuah a kan pek i vel le thangṭhatnak kan hmuh. A dingmi thil a tuahtu paoh cu thil ṭha kha pe loin a um hna lo.

SALM 96:10

Miphun vialte kha, “Bawipa cu siangpahrang a si, Vawlei cu a umnak hmun ah hninh khawh loin fek tein a bunh, mi vialte kha dinnak in bia a ceih hna lai,” tiah chim hna u.

ISAIAH 45:22

Vawleicung mi vialte hna, keimah leiah khan i mer u law khamhnak hmu u. Keimah lawnglawng hi Pathian cu ka si ko.

ISAIAH 49:6

Bawipa nih cun a ka thawh i, “Ka sal, nangmah caah rian ngan deuh chin ka ngei; Israel mi chungin a tangmi hna kha lianhngannak ah phakter ṭhan lawng si loin, Nangmah cu miphun hna ca ceunak ah kan ser lai — cuticun vawlei dihlak nih khamhnak a hmuh lai,” a ti.

ISAIAH 52:10

Bawipa nih a thiangmi a ṭhawnnak cu a hman cang; a mi kha a khamh cang hna i cucu vawlei mi vialte nih an hmuh cang.

ZEKHARIAH 12:10

sihmanhsehlaw David ciruang hna le Jerusalem khua i a ummi hna cungah cun zaangfahnak le zawnruahnak thlarau kha ka thlet lai. Khi tikah An rak ka chunhmi keimah kha an ka zoh lai i Mi nih an fa ngeih chunte an ṭah bang le an fater an ṭah bangin an ka ṭah lai.

ZEKHARIAH 4:7

Dawntu, tlang tia pipi kha na hmai in an lo lai. Biakinn cu na sak ṭhan lai i lung hmanung bik na vun khin ah khin mizapi nih, “Aa dawh, aa dawh,” tiah an au lai.

MATTHAI 28:19

Cucaah khuazakip ah va kal u law miphun vialte kha ka zultu ah va ser hna u; Pa le Fapa le Thiang Thlarau min in tipilnak va pe hna u law,

MARKA 16:15

A thawh hna i, “Vawlei cung khuazakip ah va kal u law miphun kip kha thawngṭhabia va chim hna u.

LUKA 24:47

cun amah min in sual ngaihchihnak le sual ngaihthiamnak kong kha Jerusalem khua in i thawk in miphun vialte hna sinah chim a si lai,’ tiah aa ṭial.

LUKA 3:6

Cun minung phun paohpaoh nih Pathian khamhnak kha an hmuh lai,’ a ti,” tiah aa ṭialmi kha a hung tling.

JOHAN 1:14

Bia cu minung ah a cang i kan lakah khua a rung sa. A sunparnak cu kan hun hmuh i vel le biatak in a khat. Cu sunparnak cu Pa nih a Fapa ngeihchunte lawnglawng a pekmi sunparnak phun kha a si.

JOHAN 1:9

Ceunak taktak cu vawlei cungah a ra i mi vialte a ceuhtu ceunak kha a si.

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

LAMKALTU 13:43

Zapi cu pumhnak khan an ṭian hnuah Judah mi a tampi le Judah phung a zulmi Jentail mi mi tampi hna nih khan an zulh hna. Lamkaltu hna nih khan annih cu an chimh hna i Pathian vel chung i um camcin awk kha an forh hna.

LAMKALTU 13:47

Zeicahtiah Bawipa nih a kan pekmi nawlbia cu: ‘Nannih cu Jentail mi ca i ceunak si awk le Vawlei cung dihlak ca i khamhnak lam si awkah kan chiah hna,’ ti hi a si,” tiah a ti.

LAMKALTU 17:30

Pathian nih hin, minung nih an rak hngalh lo lio caan kha cu hmu duh loin a rak umpiak ko hna, sihmanhsehlaw atu cu khuazeika i a ummi minung hmanh, nan nuncan ṭhalo kha mertak cang hna u, tiah a ti hna.

LAMKALTU 20:24

Sihmanhsehlaw Bawi Jesuh nih a ka fialmi rian, Pathian velngeihnak Thawngṭha chim hi ka lim khawh paoh ahcun ka nunnak hi cu zeihmanh ah ka rel lo.

ROM 10:18

Sihmanhsehlaw biahalnak tuah ka duhmi cu: Bia cu an thei bal taktak lo maw, ti hi a si. A theih cu an theih ko — Cathiang nih a chim bantuk tu khan a si i a si ko. Zeitindah a chim tiah: “An aw thawng cu vawleicung khuazakip ah a thang dih; An bia cu vanhramdeng tiang a phan,” a ti.

ROM 5:15

Sihmanhsehlaw cu hna pahnih cu an i khat lo, zeicahtiah Pathian laksawng cu Adam sualnak bantuk kha a si lo. Kha mipa pakhat sualnak ruangah khan mi tampi an thi taktak ko. Sihmanhsehlaw kha pa ṭhat lonak nakkhan Pathian vel cu tam piin a ngan deuh i cu bantuk ṭhiamṭhiam cun mipa pakhat Jesuh Khrih vel thawngin mi tampi cungah a tlungmi Pathian laksawng cu a ngan deuh.

ROM 5:2

Jesuh Khrih nih cun kan zumhnak thawngin Pathian velngeihnak chungah cun a kan luhpi i cu chungah cun atu hi kan um. Cucaah Pathian sunparnak kan i hrawm ve lai ti kan i ruahchan i kan tha a nuam.

2 KORIN 6:1

Hi rian ah hin Pathian he a ṭuan ṭimi kan si caah hitihin kan in nawl hna: Pathian vel cu nan hmuh cang i cu vel cu pakpalawng ah canter hram hlah u.

GALATI 2:21

Pathian vel cu pakpalawng ah ka ser lai lo. Minung le Pathian i remnak cu Nawlbia thawngin a si ahcun, Khrih cu pakpalawng ah a thi tinak a si hnga.

EFESA 2:5

a nawl kan ngaih lo ruang i thlarau lei in kan thih ko lioah khan Khrih sinah cun a kan nunter. Khamh nan sinak cu Pathian vel thawngin a si.

EFESA 2:8

Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si.

KOLOSE 1:23

Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngṭha nih an phorhmi hna ruahchannak kha thlau hrimhrim hlah u. Hi Thawngṭha hi vanrang tang khuazakip ah sermi thil vialte sinah chimmi Thawngṭha kha a si i keimah Paul hi cu Thawngṭha sal cu ka si.

KOLOSE 1:6

Thawngṭha nih hin Pathian vel nan theih kate le cucu zeidah a si taktak ti nan hngalh ri in nan cungah rian a ṭuan bantuk khan, vawlei cung dihlak zongah a karh i thluachuahnak kha a pek hna.

2 THESALON 2:16

Kannih a kan daw i vel a kan ngeih caah hnangamnak le ruahchannak a ṭhami a kan pe zungzaltu Bawipa Jesuh Khrih le Pathian kan Pa nih cun

1TIMOTE 1:14

Cun kan Bawipa nih cun a tam ngaingaimi a vel kha a toih in a ka toih i Khrih Jesuh he kan i pehtlaihnak thawngin zumhnak le dawtnak kha a ka pek i cu hna cu kanmah ta an si cang.

2TIMOTE 1:10

sihmanhsehlaw atu ceo ah hin kan Khamhtu Khrih Jesuh a ratnak thawngin cucu kan sinah phuan a si. Thihnak ṭhawnnak kha a donghter cang i thih thiam ti lo nunnak cu Thawngṭha in kan sinah a phuan cang.

2TIMOTE 4:17

Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh.

HEBRU 12:15

Pathian vel kha ahohmanh nih nan mertak sual nakhnga lo i ralring u. A khami thingkung, a hung ṭhang i mi tampi harnak a petu bantuk kha ahohmanh si sual hlah u.

HEBRU 2:9

A sullam cu Jesuh ah khan kan hmuh. Caan tawite chung cu vancungmi nak niam deuh ah khan a ser taktak i cucu Pathian vel thawngin mi vialte kan ca i a thihnak ding caah khan a si. Cun thihnak a inmi ruangah khan atu cu sunparnak le upatnak kha luchin ah chinh a si cang ti kha kan hmuh.