TITAS 1:5 - Lai (Hakha) Common Language Bible 2006

⁵ Krit tikulh i kan chiahtak ah khan ka rak i tinhmi cu, kan ṭuannak i kan nganh tami kha a ningcang tein na hun sersiam hna lai i khua kip ah Khrihfa upa kha na hun chiah hna lai, ti a si. Na hun zulh awkah tiin cawnpiaknak kan chiahtami kha philh hna hlah.

Laibaibal Thiang (BSI)

⁵ Hiruangah Kret tikulh ah kan chiah ta, cucu lîm lomi thil kha ningcang tein narak tuah i nawl kan pêk bangin khua kipah upa kha na rak chiah hna nâkhnga-

TITAS 1:5 ပူးပေါင်းရင်းမြစ်များ

1 CHANRELNAK 6:32

Solomon nih Bawipa inn kha Jerusalem ah a sak hlantiang, tonnak thlam puan biakinn hmaiah khan hla in rian an ṭuan; an rian cu aa chang lengmang tein an ṭuan.

PHUNGCHIMTU 12:9

Phungchimtu cu a fim caah a hngalhmi kha mi cu a cawnpiak lengmang ko hna. Phungthluk bia kha a cawn hna i biatak an si maw si lo ti kha fel tein a hneksak hna.

ISAIAH 44:7

Ka tuahmi hi a tuah khotu a dang aho tal an um maw? Caan hramthawknak in caan donghnak tiang thil a um lai ding fiang tein a chimchung khotu aho tal an um maw?

LEVITIKAS 14:42

cun lung dang an lak hna lai i kha lung hna umnak ah khan an chiah hna lai i lung benhnak thung dang zong kha an lak lai i inn cu an benh lai.

LAMKALTU 11:30

Cuticun an tuah i tangka cu khrihfa upa hna sinah khan Barnabas le Saul kut in an kuat.

LAMKALTU 14:23

Khrihfabu kip ah khan khrihfa upa an chiah hna i thlacamnak le rawl ulhnak he, an i bochanmi Bawipa kut chungah khan, an chiah hna.

LAMKALTU 2:11

Judah mi kan si ah, Judah phun aa hrawmmi Jentail mi kan si ah, cun a cheu cu Krit tikulh le Arabia ram in a rami kan si fawn — asinain Pathian nih thil lianngan a tuahmi hna kha an chim tikah an chimmi cu kan holh in an chim tiin kan theih cio hna,” tiah an ti.

LAMKALTU 27:12

Cuka lawngdinhnak cu khuasik chung umnak ah a ṭha lo i cucaah tam deuh nih kal i a si khawh ahcun Finiks phak kha an duh. Cu hmun cu Krit tikulh i lawng dinhnak nitlak-thlanglei le nitlak-chaklei a hoihmi kha a si i cuka ah cun khuasik chung kan um lai tiah an ruah.

LAMKALTU 27:13

Thlanglei in thlizil kha a hung hrang siahmah i kan khuakhannak cu kan tlinter khawh lai, tiah an ruah; cucaah thir cangai kha an hnuh i Krit tikulh kam cun titlang hnur thluahmah in kan kal.

LAMKALTU 27:21

Cuticun mi cu rawl loin saupi an um tikah Paul cu an hmaiah a dir i, “U le nau hna, ka bia rak ka ngaiin Krit tikulh khan chuak loin rak um u si law, hi harnak le sunghnak vialte hi kan tong hnga lo.

LAMKALTU 27:7

Ni tam nawn khulnuar ngaiin kan kal i har lengmang in Nidas khua pawng kha kan phan kho. Thli nih khan cuka lei kal cu a kan donh cang i cucaah Krit tikulh thli daihnak lei phen khan kan vung kal i Salmon vawlei fonghlei pawng khan kan lan.

1 KORIN 11:34

Cun nan rawl a ṭam ahcun inn ah i ei ta u, cuticun nan i pumh tikah Pathian biaceihnak nan huat lai lo. Cun thil dang tu cu ka rat tikah kan remhchun te lai.

1 KORIN 14:40

asinain zei paohpaoh kha dawhte le ningcang tein tuah hna u.

1 KORIN 4:17

Hi ruangah hin nan sin i Timote ka rak thlah hi a si. Amah cu Bawipa chungah ka dawtmi le ka zumhmi ka fapa a si. Amah nih cun, Khrih Jesuh chung i nunnak thar in nunning ah zeitindah ka umtu a si ti kha le khuazakip ah khrihfabu kha zeitindah ka cawnpiak hna ti kha an chimh hna lai.

KOLOSE 2:5

zeicahtiah ka pum in a dang ah um hmanh ning law ka thlarau cun nan sinah ka um ko i Khrih chung i a ummi nan zumhnak ah fek tein hmunkhat ah nan dir ti kha ka hmuh caah ka lung aa lawm.

1TIMOTE 1:3

Masidonia ram lei ka rak kalpah i ka rak in fial bantuk khan, Efesa khua ah um law ti ka duh. Efesa khua ah khan, cawnpiaknak hmaanlo a cawnpiaktu hna an um i kha hna kha ngolter kho hna law ti ka duh.

2TIMOTE 2:2

Tehte tampi hna theih ah ka chimmi bia kha i lak law, midang a cawnpiak kho ve dingmi, na zumhmi hna kha va kenter hna.

TITAS 1:12

“Krit mi cu milihchim, saram bantuk, mithathu, mi-orkhu,” tiah anmah Krit mi lila nih a rak ti hna i