TITAS 1:16 - Lai (Hakha) Common Language Bible 2006

¹⁶ Pathian kan hngalh ti cu an ti, sihmanhsehlaw an tuahnak nih an chimmi cu a si lo ti kha a langhter. Mi huat awkin an um, nawl ngai loin khua an sa i thil ṭha tuah dingah an i tlak lo.

Laibaibal Thiang (BSI)

¹⁶ Pathian a hngal ngaimi in an i phuang nain tuahsernâk in an hlawt tawn, fih a nungmi, nawl a ngai lomi le thilṭha tuahnâk ah a tling lomi an si.

TITAS 1:16 ပူးပေါင်းရင်းမြစ်များ

JOB 15:16

Zeitindah fihnung a si i a thu a man i ṭhat lonak cu ti bangin a dingmi minung chinchin cu, a si khawh lai?

PHUNGTHLÛKBIA 30:12

Anmah an i hmuhnak ah cun a thiang i, an fihnunnak aa thianh ṭung lomi an um fawn;

ISAIAH 29:13

Bawipa nih, “Hi mi hna nih hin kan in biak tiah an ka ti, sihmanhsehlaw an bia cu sullam a ngei lomi lawngte an si i an lung cu kaa dangpi ah a um. Biaknak an timi cu minung serchommi phung le pupa nih an zulh tawnmi lam lawnglawng kha a si i an kaa in a chim a thiam sawhsawh in an thiammi kha a si.

ISAIAH 48:1

Israel mi hna, hihi ngai tuah u, Judah tefa hna, ngai tuah u. Bawipa min in chiat nan ser i Israel Pathian cu kan biak nan ti — sihmanhsehlaw nan chimmi cu pakhat hmanh a sullam nan ruahmi a si lo.

ISAIAH 58:2

Ni fate in an ka biak i, na nawl kha kan zulh hna i ahmaanmi kha kan tuah hna, an ti. Thluachuahnak kan pe law a dingmi phunglam kan pe, an ti,” tiah a ti.

ISAIAH 59:13

Nangmah cu kan in doh, kan in hlawt i kan in zul duh lo. Kan Pathian cu kan in kirtak i kan in hlawt. Kan lung chungin lih kha kan i pawi i cu lih cu mi congoihnak le mi rawinak ah kan hman hna.

JEREMIAH 12:2

Nangmah nih na phun hna i hram an thla, An ṭhang i thei an tlai. An hmur ah cun na cuang lengmang ko, Asinain an lung cu nangmah he aa hlat ko.

JEREMIAH 5:2

Annih nih, “Bawipa a nun bangin,” an ti ko nain, Lih in chiat an ser.

JEREMIAH 6:30

Annih cu ngun ek tiah ti an si, Zeicahtiah Bawipa nih a hlawt hna.

EZEKIEL 33:31

Cucaah ka mi hna cu, mi nih an tuah tawn cio bantukin, an ra hungmang lai i na hmaiah an ṭhu lai. Chimh awk na ngeihmi hna bia cu an theih lai, sihmanhsehlaw an tuah lai lo. ‘Bia ṭha an si,’ an ti lai, sihmanhsehlaw an lung cu mah pumpak miaknak cio lawngah khan fek tein an bunh cang.

NAMBAR 24:16

Pathian bia a thei i Cung Nung Bik hngalhnak a hngal i, A Lianngan Bik langhnak a hmu i a tlu i, Sihmanhsehlaw a mit huh a si lomi bia cu hihi an si:

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

EFESA 5:6

Ahohmanh pakpalawng bia in i hlenter hna hlah u; hi thil ruangah hin Pathian thinhunnak cu a nawl a ngai lomi hna cungah khan a tlung lai.

1TIMOTE 1:9

Sihmanhsehlaw kan hngalh awk cu, nawlbia cu miṭha mi hna caah ser a si lo i nawlbia a buarmi hna le bia ngai duh lomi hna le Pathian zei i a rel lomi hna le misual mi hna le biaknak zei i a rel lomi hna le thlarau lei thil zei i a rel lomi hna le an nu an pa a nawngmi hna le

1TIMOTE 5:8

Mi pakhatkhat nih a rualchan kha a zohkhenh hna lo ahcun, cun cu nak hmanh in biapi deuh a simi cu, a innchungkhar kha a zohkhenh hna lo ahcun, amah cu zumhnak a hlawmi, Pathian a zum lomi nak hmanh in a ṭha lo deuhmi a si.

2TIMOTE 3:17

Cucaah cun Pathian rianṭuantu a simi cu zeizong zeizong ah tlamtlingmi a si awk le thil ṭha phun zakip tuah khawh awkah thilthuam tling tein a ngeimi a si awk a si.

TITAS 3:1

Bawi le nawl ngeitu pawl kha, an nawl nan ngaih hna lai i thil ṭha tuah kha nan i tim zungzal lai, tiah na mi pawl kha chim ṭhan hna.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

1JOHAN 2:4

Pakhatkhat nih, “Amah cu ka hngalh hrimhrim,” tiah a ti i a nawl a ngaih ṭung lo ahcun, cu pa cu milihchim a si i a chungah biatak zeihmanh a um lo.

JUDAS 1:4

Zeicahtiah kan lakah hin Pathian zei i a rel lomi kha kan hngalh loin an lut i anmah ziaza ṭhalo thuhphenhnak caah khan Pathian vel kong kha ahmaan loning in an chim i kan Uktu le kan Bawipa a simi Jesuh Khrih kha an hlawt. Hi bantuk mi hna cu sualphawt an si lai ti kha Cathiang nih hlanpi in a rak chimchung cang.

BIAPHUAN 21:27

Sihmanhsehlaw a thurhnawmmi cu khi khua chungah ahohmanh an lut kho lai lo; ningzah awk thil a tuahmi hna le lih a chimmi hna zong ahohmanh an lut kho lai lo. Tuufa nunnak cauk chung i an min aa ṭialmi lawnglawng cu khuapi chungah cun an lut kho lai.

BIAPHUAN 21:8

Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha a si,” a ti.

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.

1 SAMUEL 15:24

Cun Saul nih Samuel sinah cun, “Ka sual cang; mi zapi kha ka ṭih hna i an aw ka zulh hna caah Bawipa nawlbia le nangmah bia kha ka buar cang hna.