TITAS 1:10 - Lai (Hakha) Common Language Bible 2006

¹⁰ Uk khawh lomi tam tuk an um i Judah phung in Khrihfa phung i a hung lutmi hna lakah hin an tam khun; an duhduh in bia an chim i mi ruahnak kha a ping a pang ah an kalter.

Laibaibal Thiang (BSI)

¹⁰ Zeitintiah nawlngai lomi duhpauh in biachim hmang le hlengtu tampi an um, a hlei in cuarpartanmi hna chungin an si,

TITAS 1:10 ပူးပေါင်းရင်းမြစ်များ

MATTHAI 23:14

(Phungbia cawnpiaktu saya hna le Farasi mi hna, nan caah ngaihchia a va si dah! Mi depde hna! Nuhmei kha nan hlen nan hlen hna i an inn kha nan chuh hna, cun zapi hmuh awkah thla kha sau pipi in nan i camter. Hi caah hin pei nan dantatnak kha a fah chinchin lai cu!)

LAMKALTU 11:2

Cun Peter cu Jerusalem khua i a hung kal ah khan, Jentail mi hna cu an cuarpar i tan hna seh, ti a duhmi hna nih khan an rak soi i,

LAMKALTU 15:1

Judea ram in mi cheukhat kha Antiok khua ah khan an ra i, “Moses Nawlbia nih a kan cawnpiak bangin, nan cuarpar nan i tan lo ahcun khamhnak nan hmu kho lai lo,” tiah unau pawl kha an cawnpiak hna.

LAMKALTU 15:24

Kannih kan bu chungin mi a cheukhat nih nan sinah an ra i an chimmi nih nan lung an tuai hna i hna an hnawh hna ti kha kan theih; sihmanhsehlaw hi hna hi, hi bantukin va tuah u, tiah kannih nih kan ti hna lo.

LAMKALTU 20:29

Ka kal hnuah ṭih a nungmi cenghngia kha an ra lai i tuurun kha an ngan hna lai lo ti kha ka hngalh.

GALATI 2:4

a cheu nan unau ka si ve aa titermi hna, kan bu chung i aa fon vemi hna bel nih i tan seh ti an duh. Hi hna hi kan bu chungah a thli in a rung lutmi an si i annih nih dothlat an duhmi cu Khrih Jesuh he kan i pehtlaihnak thawngin kan hmuhmi luatnak kong kha a si. Kannih cu sal i ser kha an kan duh.

GALATI 3:1

Galati mi mihrut hna! Aho nih dah an in hamh hna? Jesuh Khrih vailam cung i a thihnak cu fiang tein kan in hmuhter ko ṭung hna!

EFESA 4:14

Midang a palhter tawntu hlenthiammi hna cawnpiaknak tilet le thlichia bantuk a simi nih a kenkip ah a choihmi ngakchia bantuk hna si ti loin,

1TIMOTE 1:4

Kha bantuk tuanbia menmen hna le chuahkehnak min sau pipi in an ṭialmi cazin menmen hna kha cu, zeihmanh an si lo caah, hlaw hna u, tiah na rak chimh hna lai; zeicahtiah kha bantuk thil nih khan bia alnak lawnglawng a chuahpi i zumhnak in hngalh khawh a simi Pathian khuakhannak kha zeihmanh a langhter lo.

1TIMOTE 1:6

Hi bantuk thil tu hi mi a cheu nih an hlawt riangmang hna i bia i al lengmangnak hruhnak burbuk chungah khan an lut.

1TIMOTE 1:9

Sihmanhsehlaw kan hngalh awk cu, nawlbia cu miṭha mi hna caah ser a si lo i nawlbia a buarmi hna le bia ngai duh lomi hna le Pathian zei i a rel lomi hna le misual mi hna le biaknak zei i a rel lomi hna le thlarau lei thil zei i a rel lomi hna le an nu an pa a nawngmi hna le

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

2TIMOTE 4:4

Biatak kha an kaltak lai i minung tuanbia tu kha ngaih an duh deuh lai.

TITAS 1:6

Cu hna cu: Khrihfa upa cu mawhchiat awk a um lomi an si lai, nupi pakhat lawng a ngeimi an si lai, an fale kha a zumtu a simi an si lai i puarhran lei le nawlngaih lo leiah minthang lomi an si lai, ti kha an si.

JEIM 1:26

Mi pakhatkhat nih, kei cu biaknak leiah aa zuammi ka si, tiah aa ruat ko lai, sihmanhsehlaw a lei kha a uk khawh lo ahcun a biaknak cu pakpalawng a si i amah le amah aa hlengmi a si.

1JOHAN 2:18

Ka dawtmi ka fale hna, caan donghnak cu atu hi a si. Khrih Ral kha a ra lio, tiah nan theih i atu ah hin Khrih ral tampi an hung chuak cang; cucaah cun caan donghnak cu atu hi a si cang ti kha kan hngalh.

1JOHAN 2:4

Pakhatkhat nih, “Amah cu ka hngalh hrimhrim,” tiah a ti i a nawl a ngaih ṭung lo ahcun, cu pa cu milihchim a si i a chungah biatak zeihmanh a um lo.

1JOHAN 4:1

Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.

BIAPHUAN 2:14

Asinain na cungah ka lungtlin lonak tlawmpalte a um: cucu Balaam cawnpiaknak a zulmi nan lakah tlawmpal an um kha a si; Balaam nih cun Balak kha, Israel mi cu siasal pekmi rawl einak thawng le nu le pa sualnak thawngin an sual nakhnga, na cawnpiak hna lai, tiah a cawnpiak.

BIAPHUAN 2:6

Sihmanhsehlaw hi ṭhatnak hi na ngei, cucu Nikolas zultu pawl nih an tuahmi kha keimah nih ka huat tlukin na huat ve.