ṬAHNAK HLA 5:17 - Lai (Hakha) Common Language Bible 2006

¹⁷ Hi ruangah hin kan lungthin a zaw i Hi vialte ruangah hin kan mit kha a mui:

ṬAHNAK HLA 5:17 ပူးပေါင်းရင်းမြစ်များ

JOB 17:7

Ngaihchiatnak in ka mit cu a mui cang i Ka kutke vialte hi thladem bantuk ceo an si cang.

SALM 31:9

Harnak chung i ka um caah, Maw Pathian ka zaangfah ko; ka ṭah tuknak ah ka mit zong a phing dih i ka tha zong a dih cikcek cang.

SALM 38:8

Ka tha a dih cikcek i ka ril ko, lungrethei le sivang in ka hram.

SALM 6:7

ka ṭah tuk caah ka mit an phing dih i khua hmanh ṭha tein ka hmu kho ti lo — hi ti i ka umnak cu ka ral hna ruangah a si.

SALM 69:3

Ka bawm tuah tiin ka aunak ah ka baa cang i ka or zong a fak dih cang; bawmhnak a ka pe lai maw tiin ka mithram cat in kan zoh.

ISAIAH 1:5

Zeicahdah nan puar chin lengmang ko? Fak chinchin in dantat maw nan duh? Israel mi hna, nan lu cu hma a khat i nan lungthin le nan ruahnak cu a zaw.

ISAIAH 38:14

Ka aw kha a lo riahmah i ṭhuro hrum in ka hrum. Van ka zoh ah ka mit re a thei. Bawipa, hi harnak vialte chung hin ka chuah ko.

JEREMIAH 46:5

Sihmanhsehlaw ka hmuhmi hi zeidah a si kun? An hnabei a dong i hnulei ah an i mer, An ralkap hna cu an ṭhuat chih len hna i rianrang in an zam; Hnulei i her hleng loin an le dih. Ṭihnung cu thlah a si cang, tiah Bawipa nih a ti.

JEREMIAH 8:18

Zeitindah ka ngaihchiatnak hi ka in khawh lai? Ka lung si a vang.

ṬAHNAK HLA 1:13

Vancung in mei a run thlah i Ka ruh chungah khan a vak dih; Ka ke kha foih awkah sur a phah i Hnulei ah a ka kirter ṭhan; Ṭiaonak tahchunhnak caah a ka ser i Chun nitlak zawtnak in a ka hrem.

ṬAHNAK HLA 1:22

Ṭhat lonak an tuahmi vialte cu na hmaika kha phan ko hna seh; Ka ṭhat lonak vialte ruangah nangmah nih na ka hrem bantukin Annih zong hrem ve ko hna; Zeicahtiah ka aihramnak cu a tam ko i Ka lung cu a tha a ba ko.

ṬAHNAK HLA 2:11

Ka ṭahnak ah ka mit a phing dih i Ka chung a vang; Ka lung cu ngaihchiatnak in vawlei ah bungh a si, Zeicahtiah khualak lam ah khan ngakchia le bawhte hna cu an ba i

EZEKIEL 21:15

An lungre a theih nakhnga le mi tampi an rilh i an tluk nakhnga, Nimtlau bantukin a tleu i mi thahnak ding caah phawimi nam cu an kutka ah ka chiah dih hna.

EZEKIEL 21:7

Annih nih zeicahdah na hrum-ai lengmang ko, tiah an in hal tikah, thawh hna law, ‘Ka theihmi thil kongah ka hrum ka ai, a rat tikah lungthin vialte a zor dih lai, ralṭhatnak vialte kha a lo lai, kut vialte kha an thlep dih lai, khuk vialte kha an zun didor an i thlauhmi nih a ciah dih hna lai. Cu thil cu a ra lio. Hika hi a phan ko cang,’ ti hna. Mah hihi Bawipa Pathian bia hrimhrim a si,” tiah a ti.

LEVITIKAS 26:36

Nannih lak i a tangmi hna tu cu, an ral hna ram chungah an lung chungah lungdernak ka umter lai; hnahchawl aa hninmi thawng nih a zamter hna lai i vainam lak i zam bantukin an zam lai i ahohmanh i dawi lo ah an thi lai.

MIKAH 6:13

Cucaah atu cu nan sualnak ruangah nan rawhnak ding kha ka thawk cang.

DEUTERONOMI 28:65

Cun hi miphun hna lakah hin daihnak nan hmu lai lo, nan keza ca zongah dinh ti a um lai lo, sihmanhsehlaw khika ah Bawipa nih lung retheihnak le mit hram dernak le hnabei donghnak an pek hna lai.