ṬAHNAK HLA 4:7 - Lai (Hakha) Common Language Bible 2006

⁷ Bawi luchin chinhmi a bawile hna cu hawhra nakin an rak thiang deuh i cawhnuk nakin an ngo deuh; An pum cu koral lungvar nakin an sen tertar deuh i An kutka hna cu lapis lazuli lungvar bantukin an tleu.

ṬAHNAK HLA 4:7 ပူးပေါင်းရင်းမြစ်များ

JOB 28:16

Ofir sui in a man tuak khawh a si lo i Oniks le lapis lazuli lungvar zongin tuak khawh a si lo.

JOB 28:18

Koral lungvar le alabaster lungvar hna cu chim awk tlak an si lo; Fimnak cu lungvar man sung nakin a cungnung deuh.

SALM 144:12

Kan fapale hna cu an tlanval lioah, a ṭhawngmi thingkung bantuk si hna seh law, kan fanule hna cu bawi inn ṭamhnak tung bantuk si hna seh.

SALM 51:7

Ka sualnak cu ka hnawhpiak law ka thiang lai, ka ṭawl law hawhra nakin ka rang deuh lai.

EXODUS 24:10

Israel mi Pathian kha an hmuh. A ke toiah khin safaiar lungvar dum an phahmi ṭuang bantuk a um i cu ṭuang cu van bantuk khin a ceu.

SOLOMON HLA 5:10

Ka dawtte cu vang virverte le sen zilzel, Kan minung hawi thong hra vial lakah, a iangtu an um ri lo.

SOLOMON HLA 5:15

A mar hna nih sui kheng chung dir lungvar tung khi bang, Muisam zongin Lebanon tlang lo ai ngai dahkaw, Sidar thing dawh a ṭhawng ṭha hlei cuang ai ri.

DANIEL 1:15

Ni hra donghnak ah cun siangpahrang nih a pekmi hna rawl in aa cenhmi tlangval vialte hna nakkhan an titsa cu a ṭha deuh i an tlornal deuh.

LUKA 1:15

Zeicahtiah amah cu Bawipa hmaiah mi ngan a si lai. Zu siseh, zureu siseh, zeihmanh a ding lai lo. A chuahka hrimhrim in Thiang Thlarau in a khat lai;

BIACEIHTU 13:5

zeitintiah, zohhmanh, fa na pawi lai i fapa na hrin lai. Lu mehnak nam nih a lu a tawng lai lo, zeicahtiah ngakchiapa cu a chuahka in Bawipa ca i Nazir mi a si lai; cun amah nih Israel mi cu Filistin mi hna kut chungin chuah hram a thawk lai,” tiah a ti.

BIACEIHTU 13:7

sihmanhsehlaw ka sinah, ‘Zohhmanh, fa na pawi lai i fapa na hrin lai; cucaah mitsur zu siseh a ṭhawngmi zu siseh ding hlah, cun a thianglo zong zeihmanh ei hlah, zeitintiah ngakchiapa cu a chuah ka in a thih tiang Pathian caah Nazir mi a si lai,’ a ti,” tiah a ti.

BIACEIHTU 16:17

Cun a ruahnak vialte kha a chimh i a sinah, “Lu-ei nam zeihmanh nih ka lu a tawng bal lo; zeicahtiah kei cu ka nu paw chungin Pathian ca i Nazir mi ka si. Ka lu hi meh ahcun ka thazang nih hin a ka kaltak lai i ka der lai i midang bantuk cio ka si ve ko lai,” tiah a ti.

1 SAMUEL 16:12

Cun a hei thlah hna i an run luhpi. Amah cu mi sen tertar te, mit au dawh ngai, midawh ngai a si. Cun Bawipa nih, “Tho law, amah cu thuh tuah; zeicahtiah amah hi dahkaw a si cu,” tiah a ti.