ṬAHNAK HLA 4:21 - Lai (Hakha) Common Language Bible 2006

²¹ Uz ram ah a ummi Edom fanu, I lawm law na tha nuam ko; Asinain, na caan a phak tikah hrai cu na sin a phan ve lai i, Na rit tikah nangmah le nangmah cu ningzahnak ah naa paih te lai.

ṬAHNAK HLA 4:21 ပူးပေါင်းရင်းမြစ်များ

GENESIS 36:28

Dishan fapa cu Uz le Aran an si.

2 CHANRELNAK 28:19

Bawipa nih Israel siangpahrang Ahaz thawngin Judah cu a ṭumchukter, zeicahtiah Judah ram chungah khan thlahthlam in a um i Bawipa sinah khan zumhawktlak in a nung lo.

JOB 1:1

Uz ram ah hin mipa pakhat a min Job a simi a rak um; cu pa cu soisel awk um lo, miding, Pathian a ṭih i ṭhat lonak kha a hrialmi a si.

SALM 137:7

Jerusalem an tlaih ni ah, Edom mi nih an tuahmi kha philh hlah, Maw Bawipa, “Hrawk dih cikcek u law a hram tiangin kalh dih u,” an ti kha philh hin hlah.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

JEREMIAH 49:12

“Dantat awkah aa tlak lomi hna hmanh nih dantatnak hrai kha an din ahcun, nang cu dantat loin ka luat hnga tiah maw naa ruah? Na luat lai lo, hrai cu na din hrimhrim lai.

JEREMIAH 49:7

Hihi Edom kong ah Ralkapbu Bawipa nih a chimmi cu a si: Teman ah fimnak a um ti lo maw? A mifim hna kha ruahnak cheuh an thiam ti lo maw? An fimnak kha a thu cang maw?

EZEKIEL 25:6

Bawipa Pathian bia cu hihi a si: Nannih nih nan kut nan i bengh i nan ke nan tengh i Israel ram cu lungkhat tein nan serhsat i a cungah nan i hlorh caah,

EZEKIEL 25:8

“Mah hihi Bawipa Pathian bia an si: Moab nih aa thawh i, ‘Judah cu midang bantuk cio a si ko,’ a ti, cu caah Moab cu

EZEKIEL 26:2

“Mipa, Tair nih Jerusalem cu a thawh i, A! miphun hna kutka a simi kha a bauh cang, A kutka hna cu keimah leiah an i hung; Kei cu ka rum chin lengmang, anih tu cu rawk relrul in a um ko, a ti.

AMOS 1:11

Hihi Bawipa bia an si: Edom nih ṭhat lonak kha pakhat hnu pakhat a tuah lengmang caah, A cung i dantatnak ka tlunter ding kha ka let lai lo. Annih nih vainam kha i put riangmang in an phunhawi mi kha thah awkah an kawl hna i phun khat an sinak lungthin kha an thah. An thin cu dong loin a hung thluangthluan ko i An thinlinhnak cu zungzal in a alh.

OBADIAH 1:1

Obadiah nih a chimmi bia: Mah hihi Bawipa Pathian nih Edom kong ah a chimmi bia a si. Bawipa nih miphun hna sinah lamkal a thlah i, “I hlau tuah u; Edom doh awkah i hlau tuah u sih,” tiah lamkaltu nih cun a ti tikah, Hi bia hi Bawipa sin khan ka theih.

MIKAH 1:11

Shafir khua i a ummi hna kal tuah u; Zaanan khua i a ummi hna cu ningzak in an khua chungin an chuak cang lo maw? Beth-ezel cu ṭahnak khua a si, amah nih cun bawmhnak zeihmanh an pe kho ti hna lai lo.

HABAKKUK 2:16

Upatnak si loin ningzahnak in khuh nan si ve lai, nanmah zong cu zuri sawn in nan sawn ve lai. Bawipa nih nan dantatnak hrai kha an dinter hna lai i nan thangṭhat upatnak kha ningzahnak ah a cang lai.

BIAPHUAN 16:15

“Ngai hmanh, mifir bantukin ka ra lai. Zapi lakah taklawng in an vah nakhnga lo le ningzak in an um nakhnga lo, hngilh lo tein a rak um i a hnipuan ṭha tein a rak i fimhlawmmi cu, lunglawmmi an si,” a ti.