ṬAHNAK HLA 4:14 - Lai (Hakha) Common Language Bible 2006

¹⁴ Lam ah khan mitcaw bantukin an i chawk i thi kha an i neh tuk hringhran caah An puan hmanh kha mi nih tongh an duh lo.

ṬAHNAK HLA 4:14 ပူးပေါင်းရင်းမြစ်များ

ISAIAH 1:15

“Thlacam in nan kut nan hler tikah kan zoh duh hna lai lo. Zeizat tam hmanh in cam u law kan ngaihpiak hna lai lo, zeicahtiah nan kut ah thisen aa neh.

ISAIAH 56:10

A thawh hna i, “Ka mi ralrinnak a petu ding a simi an hruaitu hna kha mitcaw lawngte an si. An hngalhmi zeihmanh a um lo. Inn hngaktu ui, a bao lomi bantuk an si — an it sawhsawh i mang lawng an man men ko. Ih cu an duh hringhran.

JEREMIAH 2:34

Na puan ki ah thisen aa neh — a sual lomi misifak nunnak thi kha. Hi thi cu inn na bauhnak in naa nehmi a si lo, Kuhthing toi kip i rai na thawinak in naa nehmi a si deuh.

JEREMIAH 26:8

Cun annih sinah na chim lai tiin Bawipa nih nawl a pekmi vialte kha a chim dih tikah, tlangbawi hna le profet hna le mi zapi nih khan an tlaih i, “Na thi lai,” tiah an hro.

EZEKIEL 23:45

Va cung in pa an i duh ruangah le thisen an chuah ruangah khan miding mipa hna nih cun sual an phawt hna lai, zeicahtiah annih cu va cung in pa aa duhmi an si i an kut chungah thisen a um.

HOSEA 4:2

Chiatser in biakamnak kha an tuah, sihmanhsehlaw an zul lo, an i that, an i ramh; va cung pa duhnak le zaang-ennak le i thahnak le i nawnnak lawng kha a si ko.

ZEFANIAH 1:17

Bawipa nih, “Minung cungah a fakmi harnak kha ka tlunter lai; Bawipa cung i an sual ruangah khan mitcaw bantukin an i chawk lai. An thi cu ti bantukin thlet a si lai i an ruak zong ek bantukin hlonh a si lai,” a ti.

NAMBAR 19:16

Ahohmanh nih lo i a um lioah nam in thahmi siseh, miruak siseh, miruh siseh, thlan siseh a tawngh ahcun ni sarih thianglo a si lai.

NAMBAR 35:33

Cu bantukin nan umnak ram cu nan thurhhnawmh lai lo, zeitintiah thi nih ram cu a thurhnawmter i cu thi a chuahtertu thi lila dah ti lo nih cun, cu ram chung thletmi thi caah tlenghnak a tuah khotu zeihmanh a um lo.

MATTHAI 15:14

Annih cu nan hna i hnawh hna hlah u. Hruaitu mitcaw an si ko; mitcaw nih mitcaw kha a hruai ahcun an pahnih in khor ah an tla tawn,” tiah a ti.

EFESA 4:18

An lungthin kha a mui. Annih cu zeihmanh an hngalh lo ca le an lung a ṭhawn caah Pathian pekmi nunnak chungah khan an i tel kho lo.