ṬAHNAK HLA 3:64 - Lai (Hakha) Common Language Bible 2006

⁶⁴ Maw Bawipa, an tuahmi ruangah lehrul ko hna, Annih nih hmuh awkah an i tlakmi cu pe ko hna.

ṬAHNAK HLA 3:64 ပူးပေါင်းရင်းမြစ်များ

SALM 28:4

An tuahmi thil ruangah khan dantat hna, thil ṭhalo an tuahmi vialte ruangah khan, dantat hna. An rianṭuanning in lehrul ko hna hmuh awk an i tlakmi kha pe ko hna.

JEREMIAH 11:20

Maw Ralkapbu Bawipa, ding tein bia a ceih i Minung lungchung le ruahnak a hneksak dihtu, Ka cung bia hi nangmah kan pek, Phu na hlam hnanak cu ka hmuhter ko.

JEREMIAH 15:15

Bawipa nangmah nih na hngalh; Bawipa, ka philh hlah law ra ka leng tuah, Keimah a ka hremtu hna cungah ka phu ka hlampiak ko. Ka cungah na thin fual ko sawh law ka la sawh hlah, Nangmah ca i nihsawhnak ka inmi cu hmu ko sawh.

JEREMIAH 50:29

Nan cantiang in paw vungmang in Babilon cu kap u, Nannih nan likuk a za sih cia in a ummi hna. A velchum in nan riahbuk in kulh u, pakhat hmanh luatter hna hlah u. Ṭhat lonak a tuahmi thil vialte kha lehrul dih u; Amah nih Bawipa, Israel Mi Thiang kha zei ah a rel lo caah Amah nih a rak tuah bantuk khan a cungah tuah ve u.

JEREMIAH 51:24

Cu bantukin Babilon le Khaldi mi hna cu Na mit hmuh i Zion cung i ṭhat lonak an tuahmi ruangah Teirul ka cham hna lai, tiah Bawipa nih a ti.

JEREMIAH 51:56

Hrawktu cu Babilon hrimhrim ah khan an phan cang, A ralkap cu an tlaih hna i an likuk cu an khiahpiak hna. Bawipa, teirul cham hmangmi Pathian nih a lehrulh hrimhrim hna lai.

JEREMIAH 51:6

Babilon in zam tuah u, nan nunnak i khamh cio tuah u! Cu ti nan tuah lo ahcun, Hi caan hi Bawipa nih phu a hlam caan, lehrulhnak a pek caan a si caah Amah sualnak ruangah khan nan rawk ve sual lai.

2TIMOTE 4:14

Dar soser Alekzandar nih khan ka cungah harnak nganpi a tuah. Bawipa nih a rianṭuanning in a cham ve te ko lai.

BIAPHUAN 18:6

Amah nih a rak in tuah hna bantukte khan amah cu tuah ṭhan ve u; a let hnih in cham u, Nanmah din awkah a rak tuahmi a let hnih ṭhawng khan, Amah din awk cu a hrai chungah khan serpiak u.

BIAPHUAN 6:10

Fak piin an au i, “A lianngan bik Pathian, a thiang i a taktak a simi Pathian, vawleicung mi, a kan thattu hna hi zei can dah kan phuhlam loin na um hna lai i an biaceih loin na um hna lai,” an ti.