ṬAHNAK HLA 3:59 - Lai (Hakha) Common Language Bible 2006

⁵⁹ Maw Bawipa, nangmah nih ka cung i dinlonak an tuahmi cu na hmuh i Keimah lei ca ṭha in biakhiahnak kha na tuah;

ṬAHNAK HLA 3:59 ပူးပေါင်းရင်းမြစ်များ

GENESIS 30:6

Rachel nih khan, “Pathian nih keimah ṭanh in bia a ka ceihpiak cang. Ka thlacamnak kha a theih i fapa a ka pek,” a ti i cucaah a min cu Dan a sak.

GENESIS 31:42

Ka pa Pathian Abraham Pathian, Isak nih a biakmi Pathian nih khan rak ka umpi hlah seh law kut ro in na ka kalter ko hnga. Asinain Pathian nih cun harnak ka inmi le ka rianṭuanmi kha a hmuh i zahan ah bia a kan ceih cang,” a ti.

SALM 10:14

Nang nih cun na hmuh ko hna; temhinnak le ngaihchiatnak a ingmi cu na hngalh ko hna i bawmh awkah naa tim zungzal ko. Bawmhnak a herhmi kha na bawmh zungzal hna caah vanchiami nih nangmah kha an in fuh.

SALM 26:1

Bawipa, nangmah kha ka lung a dih-umnak in kan bochan i a dingmi thil kha ka tuah caah, misual lo ka sinak kha ka thanhpiak tuah.

SALM 35:1

A ka dohmi kha do ve hna law a ka tumi kha tu ve hna, Maw Bawipa.

SALM 35:23

Bawipa, i hlau law ka chanh tuah; ka Pathian, tho law ka bia ka chimpiak tuah.

SALM 43:1

Pathian, ka sual lo kha ka thanhpiak law Pathian zei i a rel lomi hna lakah hin ka bia ka chimpi tuah; lihchim hmangmi le miṭhalo hna kut chung hin ka chuah tuah.

SALM 9:4

A dingmi biaceihtu bawi bantukin na bawiṭhutdan cungah na ṭhu i keimah lei ṭanh in biakhiahnak kha na tuah cang.

JEREMIAH 15:10

Aize, aize, ka nu, zeicahhen na rak ka hrin ngelcel! Hnahnawhnak chung i a um ding le vawlei pumpi he aa ralchanh dingmi minung pei ka rak si ko hi. Aho sin hmanh in tangka ka cawi hna lo i Ahohmanh zong ka cawih fawn hna lo, Sihmanhsehlaw mi kip nih an ka thangchiat.

ṬAHNAK HLA 3:36

Zung chung i biading merh hna hi Bawipa nih a hnatlakpimi an si bal lo.

ṬAHNAK HLA 3:60

Phuhlam an duhnak le Keimah cung i rawinak an tuahmi vialte cu na hmuh dih.

1 PETER 2:23

Serhsatnak bia in an ti tikah serhsatnak bia in a let hna lo, temhnak a in tikah a tlerh hna lo, ding tein bia a ceihtu Pathian tu kha aa bochan.