ṬAHNAK HLA 3:58 - Lai (Hakha) Common Language Bible 2006

⁵⁸ Bawipa, nangmah nih ka bia cu na ka chimpiak i ka nunnak cu na tlanh;

ṬAHNAK HLA 3:58 ပူးပေါင်းရင်းမြစ်များ

GENESIS 48:16

Harnak phun zakip chungin a ka chuahtu vancungmi nih thluachuah pe ko hna seh. Keimah ka min le ka pu Abraham min le ka pa Isak min cu an chungah hin nung seh. Fa tampi ngei hna seh law bu nganpi ah i chuah hna seh,” a ti.

JOB 35:14

‘A ka hmu lo,’ tiah na ti tikah hin na caah a ṭha lo chinchinmi a si.

SALM 103:4

thlan chungin a ka khamh i dawtnak le zaangfahnak he thluachuah a ka pek;

SALM 34:22

Bawipa nih a sal cu a khamh hna lai; amah tangah aa dormi cu him tein an um lai.

SALM 71:23

Nangmah thangṭhat in tingtang ka tum pah in lunglawm in ka au lai, nangmah nih na ka khamh caah ka minung sinak a dihlak in kan thangṭhat lai.

SALM 9:5

Lawkihmi kha sual na phawt hna i miṭhalo kha na hrawh hna, annih cu hngalh ṭhan, ti a um ti lai lo.

ISAIAH 51:22

Nannih cu Bawipa nan Pathian nih an huhphenh hna i, “Thinhun in kan pekmi hna hrai kha nan kut chungin ka lak lai. An sawntertu hna zu kha nan din a herh ti lai lo.

JEREMIAH 11:20

Maw Ralkapbu Bawipa, ding tein bia a ceih i Minung lungchung le ruahnak a hneksak dihtu, Ka cung bia hi nangmah kan pek, Phu na hlam hnanak cu ka hmuhter ko.

JEREMIAH 31:11

Bawipa nih Jakob cu a tlanh ṭhan cang i A ṭhawngmi a ral kut chung khan a chuah ṭhan cang.

JEREMIAH 38:13

Cun Jeremiah cu hri in an hnuh i tikhor chung cun an chuah. Jeremiah cu ralvennak inntual ah cun a um.

JEREMIAH 50:34

Sihmanhsehlaw bawmtu ṭhawng an ngei, A min cu Ralkapbu Bawipa a si; Amah hrimhrim nih an bia cu a chimpiak hna lai, Babilon le a mi hna cungah cun harnak le hnahnawhnak a tlunter lai.

JEREMIAH 51:36

Cucaah hi bangin Bawipa nih a ti: Zohhmanh, na bia cu kan chimpiak lai i na phu kha kan hlampiak lai; A rili cu ka kaoter lai i a tiput hna cu ka carter hna lai;

1 SAMUEL 25:39

David nih Nabal kha a thi tiah a theih tikah, “Nabal kut ah ningzahnak ka hmuhmi phu a hlam i a sal kha ṭhat lonak tuah loin a ka khamtu Bawipa cu thangṭhat si ko seh; Bawipa nih Nabal cu ṭhat lonak a tuahmi kha amah lu cung lila ah a tlunter ṭhan,” tiah a ti. Cun David nih mi a hei thlah hna i Abigail kha a nupi caah an len.