ṬAHNAK HLA 3:53 - Lai (Hakha) Common Language Bible 2006

⁵³ Khor chungah cun an ka nam i Ka cungah khor cu lung in an chinh;

ṬAHNAK HLA 3:53 ပူးပေါင်းရင်းမြစ်များ

JEREMIAH 37:16

cu inn tang khor ah cun Jeremiah cu an chiah i cuka ah cun saupi a um.

JEREMIAH 37:20

Cucaah, maw siangpahrang ka bawipa, kan nawlnak cu ka ngaihpiak ko sawh: caṭialtu Jonathan inn ah cun ka kua ṭhan ti hlah, na ka kuat a si ahcun, khika ah ka thi taktak ko lai,” tiah a ti.

JEREMIAH 38:6

Cucaah cun Jeremiah cu an lak i ralvennak inntual i a ummi tikhor ah khan an thlak, hri in an vun thlak. Khor chungah cun ti a um lo, nawncek lawng a um i nawncek chungah cun Jeremiah cu a pil.

JEREMIAH 38:9

“Siangpahrang ka bawipa, hi mi hna nih profet Jeremiah cung i an tuahmi hi a ṭha hrimhrim lo. Annih nih khor chungah an hlonh i khua chung i rawl a um ti lo tikah a umnak hmun ah khan rawl ṭam in a thi lai,” tiah a ti.

DANIEL 6:17

Lungpi pakhat kha an rak put i thong inn ka ah cun an chiah, ahohmanh nih Daniel cu khamh awkah a karlak ah rian an ṭuan khawh nakhnga lo siangpahrang nih cun a ca khenhnak in le a bawi hna ca khenhnak in a khenh.

DANIEL 6:18

Siangpahrang cu a inn ah a kal i cu zan cu rawl a ul; nu ahohmanh a sinah ratter a duh hna lo i i hngilh kho loin a um.

JONAH 2:1

Cun Jonah nih nga pawpi chung cun Bawipa a Pathian sinah thla a cam i,

MATTHAI 27:60

amah thlan ca i lungkua ah a cawhmi thlan tharte ah cun a vui. Cun lung nganpi kha thlan khar ah cun a khar i a kal.

MATTHAI 27:66

Cucaah an va kal i thlan cu him tein an cawnghter hna; lung kha ca an khenh i ralvengtu pawl kha, run veng u, an ti hna.