ṬAHNAK HLA 3:42 - Lai (Hakha) Common Language Bible 2006

⁴² Kanmah hrimhrim te hi a sual i an dohtu cu kan si i Nangmah nih na kan ngaihthiam kho lo.

ṬAHNAK HLA 3:42 ပူးပေါင်းရင်းမြစ်များ

EZRA 9:6

“Maw ka Pathian, nangmah lei hoih hi ka ning a zak i ka hmai a sen ko, zeicahtiah kan ṭhat lonak nih kan lu a lonh i kan mawhnak cu van a tawng.

NEHEMIAH 9:26

“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.

SALM 107:11

zeicahdah hi bantukin an si ti ahcun, Lianngan Bik Pathian nawl zulh kha an duh lo i a cawnpiak hnanak kha an al caah a si.

JEREMIAH 14:20

Kan ṭhat lonak le kan pupa hna sualnak kha na sinah kan phuan ko, Maw Bawipa, na cungah kan sual ko.

JEREMIAH 3:13

Palhnak na tuahmi kha ka tuah taktak ti ko law Bawipa na Pathian na dohnak kha i phuang ko. Thing thladem toi kip ah ram dang pathian hna he nan i duhnak kha i phuang law Ka bia na ngaih lonak kha i phuang ko, tiah Bawipa nih a ti.

ṬAHNAK HLA 1:18

Bawipa cu a ding ko; A nawl a altu cu keimah ka si. Ngai tuah u, nannih miphun vialte hna, ngai tuah u law ka lungfahnak hi ka zohpiak tuah u: Ka ngaknu thiang hna le ka tlangval hna cu saltannak chungah an kal cang.

ṬAHNAK HLA 5:16

Pangpar ṭhirual cu kan lu cungin an tla cang; Harnak nih a kan khuh cang, misual kan si caah.

EZEKIEL 24:13

Cu bantukin na zuanzam thurhhnawmhnak in kan thianh tik hmanh ah cun na thiang rih lo, Cucaah na cung i ka thinhunnak ka tlinter cikcek hlantiang cu na thiang bal lai lo, a ti.

DANIEL 9:15

“Maw Bawipa kan Pathian, nangmah nih na mi hna Izipt ram in na chuahpi hnanak ah khan na ṭhawnnak cu na langhter i na ṭhawnnak cu atu tiangin hngalh camcin a si ko. Kannih cu kan sual cang, kannih cu kan palh cang.

ZEKHARIAH 1:5

Profet hna cu tah a zungzal in an nung maw?

ZEKHARIAH 1:6

Sihmanhsehlaw ka profet hna sinah ralrinnak bia le biachahnak bia ka pekmi hna nih khan nan pupa hna cu a phak hna a si lo maw? Khi tikah annih nih i ngaihchih in, ‘Ralkapbu Bawipa nih aa timhning bantukin kan cungah a tuah cang; kan nunning le kan tuahsernak he aa tlakning in kan cungah a tuah,’ tiah an ti lo maw?” tiah a ti.