ṬAHNAK HLA 3:39 - Lai (Hakha) Common Language Bible 2006

³⁹ Zeicahdah minung, a thi khomi minung nih hin, a phun a zai lai?

ṬAHNAK HLA 3:39 ပူးပေါင်းရင်းမြစ်များ

2 SIANGPAHRANG 3:13

Cun Elisha nih khan Israel siangpahrang cu, “Nangmah he kan i tlaknak zeidah a um? Na pa profet hna le na nu profet hna sinah khan va kal ko,” tiah a ti. Sihmanhsehlaw Israel siangpahrang nih amah cu a thawh i, “Asilo; Moab kut chung i pek awkah hi siangpahrang pathum hna a autu hna hi Bawipa a si ko,” tiah a ti.

2 SIANGPAHRANG 6:32

Elisha cu a inn ah khan a ṭhu ko i upa hna cu amah sinah khan an ṭhu ve. Cun siangpahrang nih amah sinin mi pakhat a thlah i lamkaltu kha a ra phak hlanah khan Elisha nih cun upa hna cu, “Zeitindah lainawngpa nih hin keimah lu kha tan awkah a mi a thlah ti kha nan hngal maw? Zohhmanh u, lamkaltu kha a rat tikah, innka kha khar u law innka kha fek tein hrenhkanh u. A bawipa ke lamh thawng nih amah cu a zulh colh a si lo mei?” tiah a ti.

2 SIANGPAHRANG 6:33

Cun an sin i bia a chim lengmang lioah cun, siangpahrang cu a sinah a rung i, “Hi harnak hi Bawipa sinin a si. Zeicahdah Bawipa nih zeidah a tuah lai ti cu ka ngan len ti lai?” tiah a ti.

EZRA 9:13

Cun kan ṭhat lonak le kan mawhnak a nganmi ruang i kan cung i a tlungmi thil vialte hna hnuah hin, kan Pathian, kan ṭhat lonak nih a hmuh awk hnga nakin tlawm deuh in nangmah nih dan na kan tat i hi bantuk a tangmi hi na kan pek ti kha kan hmuh caah

JOB 11:6

Fimnak hi thap tampi a um i Minung fimnak nih a phak khawh lomi thil thuk an um ti kha an chimh hnga. Pathian nih na sualnak a cheu cu hmu duh loin an umpiak kha hngal tuah.

JOB 15:13

Zei nih dah na thinhunnak kha Pathian cungah an chuahnawhter i Cu bantuk bia hna cu na kaa in na chuahter len hna?

SALM 107:17

A cheu cu an sual ruangah an zaw, ṭhat lonak an tuah ruangah temhnak an ing;

PHUNGTHLÛKBIA 19:3

Minung cu a hruhnak nih khan rawhnak ah a phakter i Cu tikah Bawipa cungah khan a lung chungin a thin a hung.

ISAIAH 51:20

Lam ṭeka kip ah na mi hna cu an der tuk caah an ril; annih cu rap nih a foihmi sa bantuk an si. Pathian thinhunnak a ṭhawnnak cu an hngalh cang.

JEREMIAH 10:19

A, ka hma cu an va fak hringhran dah, Ka inmi tuknak cu an zualhma ko. Sihmanhsehlaw hihi cu ka sining pei a si cu, ka in awk pei a herh cu, ka ti.

JEREMIAH 30:15

Zeicahdah na hliamhma ruangah na phunzai len ko i Ka hma cu an dam kho ti lai lo, na ti? Na ṭhat lonak cu a ngan i na sualnak a tam ngaingai caah pei hi bantukin dan kan tat cu.

ṬAHNAK HLA 3:22

Bawipa dawtnak a fekmi cu, a dong hrimhrim lai lo, A zaangfahnak zong a cat lai lo;

LEVITIKAS 26:41

cu ruang i anmah ralchanh in ka kal i an ral hna ram chung i ka luhpinak hna cu an i phuan i cuarpar tan lo an lung cu a nem i an ṭhat lonak kha an i remh ahcun;

LEVITIKAS 26:43

Sihmanhsehlaw ram cu an kaltak lai i anmah um loin a ṭhin lioah a sabbath hna cu aa lawmhpi lai; cun ka phunglam kha zei ah an rel lo i an nunnak nih ka nawlbia kha an huat caah an ṭhat lonak dantatnak cu an co lai.

MIKAH 7:9

Bawipa cungah cun ka sual cang, cucaah a thinhunnak cu tu caan tlawmte chung cu ka in lai. Sihmanhsehlaw a donghnak ah cun keimah kha a ka ṭanh lai i ka cung i ṭhat lonak an tuahmi vialte kha ding tein a tuah ṭhan dih lai.

NAMBAR 11:11

Moses nih Bawipa sinah, “Zeicahdah na sal hi ṭhalo in na ka tuah? Zeicahdah na mit ka tlin lo i hi mi vialte hna phorhrit hi ka cungah na ka khinh?

NAMBAR 16:41

Sihmanhsehlaw a thaizing ah Israel mi nih an bu ningin Moses le Aaron cungah an zai i, “Bawipa mi kha nan thah hna,” tiah an ti.

NAMBAR 17:12

Cun Israel mi hna nih Moses sinah, “Zohhmanh, kan lo dih ai, kan rawk dih ai, kan rawk dih cikcek ko hi ta.

BIAPHUAN 16:9

Ni lin nih cun mi kha a kangh hna i hi hremnak cung i nawl a ngeitu Pathian min kha an thang chiat. Asinain an sualnak kha an mertak duh lo i Pathian lianhngannak kha an thangṭhat duh lo.