ṬAHNAK HLA 3:31 - Lai (Hakha) Common Language Bible 2006

³¹ Zeicahtiah Bawipa nih cun a sal hna cu zungzal in a hlaw hna lai lo.

ṬAHNAK HLA 3:31 ပူးပေါင်းရင်းမြစ်များ

2 SAMUEL 14:14

Kannih cu kan dihlak in kan thi hrimhrim ko lai, vawlei i thletmi ti ruh ṭhan khawh ti lomi bantuk khi kan si; sihmanhsehlaw hi a zammi fapa hi phung leng chuahmi si lo dingin khua a khangtu cu a nunnak Pathian nih a lakpiak lai lo.

1 SIANGPAHRANG 11:39

Cun hi ruangah hin David tefa hna cu hremnak ka pek hna lai, asinain zungzal cun a si lai lo,’ a ti,” tiah a ti.

SALM 77:7

Bawipa nih hin a zungzal in maw a ka hlawt ko lai? Ka cungah hin lawmhnak a ngei ṭhan ti lai lo maw?

SALM 94:14

Bawipa nih a mi cu a hlaw hna lai lo, amah ta a simi cu a zamtak hna lai lo.

ISAIAH 27:8

Bawipa nih a mi hna dan a tat hna cu, ramdang i a kalter hna kha a si. A ṭhawngmi thli, nichuahlei thlitu kha a choihter hna.

ISAIAH 57:16

Ka mi cu nunnak kha ka pek hna i sual ka phaw lengmang hna lai lo, a zungzal in an cungah ka thin zong a hung lai lo.

JEREMIAH 31:37

Cunglei van khi aho tal nih tah kho in tanglei vawlei hi aho tal nih a thuknak hlai khawh si seh law, cu tik bel ah Israel tefa vialte hna cu an tuahmi ruangah khan ka hlawt khawh hna hnga, tiah Bawipa nih a ti.

JEREMIAH 32:40

Annih he zungzal in a hmunmi biakamnak kha ka ser lai i donglo in ka ṭhatnak in ka vorh hna lai; an lung kha keimah ṭihnak in ka khahter lai i keimah sinin an pial ti lai lo.

JEREMIAH 33:24

“Israel le Judah, ka thimmi innchungkhar pahnih hna hi Bawipa nih a hlawt cang hna, tiah mi nih an ka timi hi na ngia maw? Cucaah ka mi hna cu an nehsawh hna i miphun ah an rel ti hna lo.

MIKAH 7:18

Bawipa, nangmah bantuk Pathian ahodah a um? Nang nih cun kan ṭhat lonak kha na kan ngaihthiam i na mi a tangmi hna kan sualnak kha na lanhtak, Na thinhunnak kha a zungzal in linhter loin, Aa thleng lomi na dawtnak tu kha na kan hmuhsak.

NAHUM 1:12

Hihi Bawipa nih a mi Israel mi hna sinah a chimmi cu a si; “Assiria mi cu ṭhawng in tam hna hmanh seh law an rawk lai i an lo lai. Ka mi hna, harnak kan inter hna, sihmanhsehlaw kan inter ti hna lai lo.

1 SAMUEL 12:22

Nannih cu amah ca miphun i ser kha Bawipa lawmhmi a si caah, a min ngan ruang ah hin, Bawipa nih a mi cu an hlonh hna lai lo.