ṬAHNAK HLA 3:26 - Lai (Hakha) Common Language Bible 2006

²⁶ Cucaah a kan khamhnak ding cu lungsau in kan hngah awk a si.

ṬAHNAK HLA 3:26 ပူးပေါင်းရင်းမြစ်များ

GENESIS 49:18

“Maw Bawipa na khamhnak cu ka hngak ko.

2 CHANRELNAK 20:17

Hi i tuknak chungah hin nannih nih nan tuk a hau lai lo; nan um hmun kha i tlaih u law dai tein dir ko u law nanmah ca i Bawipa nih teinak an tuahpiakmi hna kha zoh ko u, maw Judah le Jerusalem hna,’ a ti. Nan thinphang hlah u, nan lungdong hlah u; thaizing ah chuahhnawh hna u law Bawipa cu nan sinah a um lai,” tiah a ti.

SALM 119:166

Maw Bawipa, na khamhnak cu kaa ruahchan i nawl na ka pekmi cu ka tuah hna.

SALM 119:174

Zeitluk in dah na khamhnak hmuh cu ka duh, Maw Bawipa! Na phunglam zulh hi kaa lawmhnak a si.

SALM 130:5

Bawipa bawmhnak cu i hngahhlang ngaiin ka hngak ko, a bia cu kaa bochan.

SALM 37:34

Bawipa cu i bochan u law a nawl kha zul tuah u; ram kha co awkah thazang an pek hna lai i miṭhalo cu pawnchuah an si kha nan hmuh lai.

SALM 37:7

Bawipa hmaiah cun dai tein um ko law zeidah a tuah lai ti kha lungsau in hngak ko; thil ṭhalo an i tinhmi a tuah kho lengmangmi hna le an rian ṭuannak ah a hlawh a tlingmi hna kong ah zei poi loin va um ko.

SALM 52:9

Maw Pathian, na tuahmi thil ruangah kan lawmh zungzal lai; na mi hna lakah nangmah ṭhatnak kha ka chim zungzal lai.

SALM 54:6

Bawipa, nangmah cu na ṭhat caah lunglawm tein thawinak cu kan pek lai i na sinah lawmhnak ka langhter lai.

SALM 62:2

Amah lawnglawng hi a ka hupphengtu le ka Khamhtu a si, amah cu ka ralhruang a si i ahohmanh nih an ka tei bal lai lo.

SALM 73:28

Sihmanhsehlaw kei ca tu ah cun, Pathian pawng um le, Bawipa Pathian chungah i dor le a tuahmi thil thanh hi a va nuam hringhran dah!

SALM 92:1

Bawipa sinah lawmhnak hla sak cu zeitluk in dah a nuamh! Cungnung Bik Pathian, nangmah min upat in hlasak cu zeitluk in dah a nuamh!

EXODUS 14:13

Moses nih khan mi zapi cu a leh hna i, “Nan thinphang hlah u! Fek tein dir u law nanmah khamh awkah Bawipa nih zeidah nihin ah a tuah lai kha zoh tuah u: cu a tuah laimi cu hihi a si lai, nihin i nan hmuhmi Izipt mi hna hi zeitikhmanh ah nan hmu ṭhan ti hna lai lo.

EXODUS 14:14

Bawipa nih nan ral cu an dohpiak hna lai, nannih cu zeihmanh nan tuah a herh lai lo,” a ti.

ISAIAH 30:15

Bawipa Pathian, Israel Pathian Thiang nih cun a mi cu a thawh hna i, “Ra kir u law dai tein keimah kha ka bochan ko u. Cu ti nan um ahcun nan ṭhawng lai i him tein nan um lai,” a ti hna. Sihmanhsehlaw cu bantukin um cu nan duh lo.

ISAIAH 30:7

Izipt nih bawmhnak a pekmi hna cu santlailo a si. Cucaah Izipt cu ‘Ṭih awk tlak lo rulpi’ tiah min ka sak.

ISAIAH 7:4

Amah cu, i ralring peng in lungdai tein um ko, lau hlah, awlokchong in um hlah, nan va ti lai. Rezin Siangpahrang le a mi Siria mi hna thinhunnak le Siangpahrang Pekah thinhunnak cu a mit dengmangmi thingthu bul pahnih khu tluk fang men a si ko.

JEREMIAH 14:22

Miphun dang pathian, pathian deu a simi hna lakah ruah surter kho an um maw? Asiloah, van hna nih khin ruahpi an surter kho maw? Nangmah cu kan in bochan nakhnga, Pathian na si lo maw, Maw Bawipa? Hi thil vialte hna a tuahtu hi nangmah lawnglawng na si.

ṬAHNAK HLA 3:27

Cu lungsau cu kan no lio i kan hngalh ah a ṭha bik.

HABAKKUK 2:3

Na hmuhmi langhnak a tlin caan cu a phak rih lo caah a ṭial in ṭial. Asinain a caan cu khulrang in a ra lio ko i, Kan hmuhsakmi cu a tling hrimhrim ko lai. A caan cu a raumi a lo lai, sihmanhsehlaw hngak ko, a tling hrimhrim ko lai i sau a rau ti lai lo,” a ti.

GALATI 4:18

Ṭan ngai hi, tinhmi a ṭhat ahcun a ṭha, nan sin i ka um lawngah si loin a zungzal in a ṭha.

HEBRU 10:35

Cucaah nan ralṭhatnak kha thlau sual hlah u, nan ralṭhatnak nih cun laksawng nganpi an phorh hna lai.

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

1 PETER 1:13

Cucaah nan lung in rianṭuan awkah timhcia tein um u. Ralring tein um u law, Jesuh Khrih a langh tikah nan hmuh laimi velngeihnak laksawng cungah khan nan i ruahchannak cu bunh ko u.