ṬAHNAK HLA 3:22 - Lai (Hakha) Common Language Bible 2006

²² Bawipa dawtnak a fekmi cu, a dong hrimhrim lai lo, A zaangfahnak zong a cat lai lo;

ṬAHNAK HLA 3:22 ပူးပေါင်းရင်းမြစ်များ

2 SAMUEL 24:14

Cun David nih Gad cu a thawh i, “Harnak nganpi chungah ka um; Bawipa kut chungah cun tla ko u sih, zeitintiah anih cu a zaangfahnak a ngan, sihmanhsehlaw minung kut chungah cun tla sawh hlah u sih,” tiah a ti.

NEHEMIAH 9:31

Sihmanhsehlaw nangmah cu vel a ngei i zaangfah a thiammi Pathian na si caah le na vel ngeihnak cu a ngan caah an donghnak kha na phakter hna lo i na hlaw hna lo.

SALM 103:10

Hmuh awk kan i tlakning in dan a kan tat lo, kan sualnak le ṭhat lonak kan tuahmi ning zongin a kan lehrul lo.

SALM 106:45

A biakamnak kha a hngalh camcinpiak hna i a nganmi a dawtnak ruangah a lung kha a thlen.

SALM 69:17

Na sal hi ka thuhtak hlah; harnak nganpi ka tong — atu hrimhrim ah ka let ko sawh!

SALM 77:8

Daw ti loin maw a ka um ko lai? Bia a ka kammi cu pakpalawng maw a si ko lai?

SALM 78:38

Asinain Pathian cu a mi hna cungah khan zaangfahnak a ngei, an sualnak kha a ngaihthiam hna i a hrawk hna lo. Thinhun kha voi tampi aa sum i a thinlinhnak kha voi tampi chuahter loin a um.

SALM 86:15

Bawipa, nang cu zaangfahnak le dawtnak in a khatmi Pathian na si; thin a fual i zaangfahnak a ngei zungzal i zumhawktlak a si zungzalmi na si.

JEREMIAH 3:12

Va kal law hi bia hi chaklei ah va thanh law hitihin va ti: Zumhawktlak lo Israel, ra kir tuah, tiah Bawipa nih a ti; Nangmah cu thinhunnak in kan zoh ti lai lo, Zeicahtiah kei cu zaangfah thiammi ka si, tiah Bawipa nih a ti; Zungzal in ka thin a hung lai lo.

JEREMIAH 30:11

Zeicahtiah Bawipa nih, na sinah ka um i kan khamh lai, tiah a ti. Nannih kan ṭhek hnanak miphun vialte cu an donghnak ka phakter hna lai. Sihmanhsehlaw nang cu na donghnak kan phakter lai lo. Dantat awk naa tlakning in dan kan tat nain a hloh cu kan hlo taktak lai lo,” tiah Bawipa nih a ti.

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

DANIEL 9:9

Bawipa kan Pathian cu kan in do nain nangmah nih cun na kan zaangfah i na kan ngaihthiam.

MALAKHI 3:6

Keimah cu i thleng loin Bawipa ka si caah nannih Jakob tefa zong nan rawk dih lo.

LUKA 1:50

Amah a ṭihmi vialte kha chan khat hnu chan khat in a zaangfah hna.