ṬAHNAK HLA 3:11 - Lai (Hakha) Common Language Bible 2006

¹¹ Ka lam kha a kawiter, ka ke kha a ka beiter i cihai lileng in a ka kaltak.

ṬAHNAK HLA 3:11 ပူးပေါင်းရင်းမြစ်များ

JOB 16:7

Pathian, nangmah nih na ka batter hrimhrim ko cang; Ka hawikom vialte cu na ṭhio dih hna.

SALM 143:4

Cucaah ka celh ti lo i ka hnabei a dong.

SALM 50:22

“Zei i a ka rel lomi hna, hihi ngai tuah u, nan ngaih lo ahcun kan hrawh hna lai i ahohmanh nih an in khamh kho hna lai lo.

ISAIAH 3:26

Khua kulhnak vampang kutka hna cu zuun ngaiin an ṭap lai i khuapi hrimhrim zong hi, hni lo puan loin vawlei ah a ṭhu komi nu bantuk a si lai.

JEREMIAH 15:3

“An cungah hrawktu phun li ka chiah lai, tiah Bawipa nih a ti: thattu ah vainam, sehtu ah uico, eitu ah van i a zuangmi va hna le hrawktu ah vawlei i a kalmi saram hna.

JEREMIAH 19:8

Cun hi khua hi mi thla a hlauhmi khua le cekcekhnawh thluahmah awk khua ah ka ser lai; a cung i ṭhat lonak a tlungmi vialte ruangah hin a pawng i a kalmi paoh cu an thla a hlauh hna lai i an cekcek len lai.

JEREMIAH 32:43

Jeremiah, hi ram hi minung siseh, saram siseh, an um lonak thetse ram bantuk a si lai tiah na ti i Babilon mi sinah pek a si lai, na ti. Sihmanhsehlaw hi ram chungah hin lo kha i cawk le i zuarh an si ṭhan lai.

JEREMIAH 5:6

Cucaah tu chung chiandeih nih a thah hna lai i Thetse ram chung cenghngia nih a hrawh hna lai. Pawlai nih an khua ah a chawhhnawh hna lai i A chuak ngammi paoh kha a thleh a bauh dih hna lai; Zeicahtiah an phungbuarnak kha a tam i An tlaunak kha rel cawk lo a si.

JEREMIAH 6:8

Maw Jerusalem, i ralring tuah, Cu ti a si lo ahcun kan chuahtak lai i Ahohmanh um lonak ram, ṭiaotakmi ah kan ser sual lai.”

ṬAHNAK HLA 1:13

Vancung in mei a run thlah i Ka ruh chungah khan a vak dih; Ka ke kha foih awkah sur a phah i Hnulei ah a ka kirter ṭhan; Ṭiaonak tahchunhnak caah a ka ser i Chun nitlak zawtnak in a ka hrem.

ṬAHNAK HLA 3:10

Vom bantukin a ka bawh i Mi a bawh ziartu chiandeih bantukin a ka bawh.

DANIEL 7:23

Cun hihi a sullam an ka pekmi cu a si: “Sahrang palinak nih hin vawlei cungah pennak a hung chuak ding kha a hmuhsak. Pennak dang he khan an i dang lai i vawlei kha a ei dih lai i a lamh lai i a den lai.

HOSEA 6:1

Ra u law Bawipa sinah kir cang u sih; Zeicahtiah a kan thlehbaoh dih cang i atu cu a kan damter cang lai, a kan tuk cang i atu cu kan hma kha a kan menpiak cang lai;

MIKAH 5:8

Israel mi a cheukhat cu miphun hna lakah khan, Tu chung le phong i rawl a kawlmi chiandeih bantukin an si lai; Tuurun lak i thlahmi chiandeih no bantuk an si lai. An lakah khan a vung lut i a nam hna i a thleh a bauh dih hna i anmah chanhtu ding ahohmanh an um lo.

MATTHAI 23:38

Atu cu na inn cu kin taktak in a king cang lai.

BIAPHUAN 18:19

An lu ah lei dip an i phulh, an ṭap an ai i, “Khua lianngan kha zeitluk in dah ṭih a nun cang. Zeitluk in dah tuksapur a si cang. Rili cungah lawng in chaw a letmi vialte hna nih amah rumnak thawngin mirum an rak si dih. Asinain suimilam pakhat chungah a chaw vialte cu an lo dih ko ee,” an ti.