ṬAHNAK HLA 2:9 - Lai (Hakha) Common Language Bible 2006

⁹ A kutka hna cu vawlei chungah an pil, Kutka hrolh hna cu a den hna i a tan dih hna; A siangpahrang le a uktu bawi hna cu Jentail mi sinah an um i phung cu a um ti lo; A profet hna zong nih Bawipa sinin langhnak an hmu fawn lo.

ṬAHNAK HLA 2:9 ပူးပေါင်းရင်းမြစ်များ

2 SIANGPAHRANG 25:7

Zedekiah fapale cu a hmaika hrimhrim ah khan an thah hna i Zedekiah cu a mit an khoih i hreng an khenh i Babilon ah an kalpi.

2 CHANRELNAK 15:3

Caan saupi chung Israel cu Pathian ngaingai ngei lo le cawnpiaktu tlangbawi ngei lo le phungbia loin an um;

NEHEMIAH 1:3

Cun annih nih an ka thawh i, “Saltannak chungin a luatmi khika ram i a nung rihmi hna cu harnak nganpi chung le ningzahnak chungah an um ko; Jerusalem kulhnak vampang hna cu an cim dih i a kutka hna cu mei nih a hrawh dih hna,” an ti.

SALM 74:9

Kan thil thiang kha an lo dih, profet an um ti lo, hi bantukin thil kha zei can dah a um ti kha ahohmanh nih an hngal lo.

ISAIAH 24:12

Khuapi cu a rawk i a kutka cu an baoh dih hna.

JEREMIAH 14:14

Cun Bawipa nih a ka thawh i, “Profet hna nih keimah min in lihbia kha an chim; keimah nih ka thlah hna lo, nawl zong ka pe hna lo, a chawnh zong ka chawn hna lo. Annih nih annih cu lih a simi langhnak le santlailo bong le anmah lung chung ruahnak menmen kha an chimh hna.

JEREMIAH 23:16

Ralkapbu Bawipa nih hi bangin a ti: Profet nih an chimmi bia kha ngai hlah u, Ruahchannak pakpalawng in nan lung an thawhtertu hna kha an bia ngai hna hlah u; Annih nih an chimmi langhnak kan hmuh an timi cu anmah lung chungin thil an suaimi chungin a chuakmi a si, Bawipa kaa chungin a chuakmi a si lo.

JEREMIAH 39:2

Zedekiah a bawi kum hleikhatnak thla linak thla, cu thla ni kua ni ah cun khuapi kulhnak cu an bauh.

JEREMIAH 39:8

Khaldi mi hna nih cun siangpahrang inn le Bawipa inn le mi zapi inn hna kha an khangh hna i Jerusalem kulhnak vampang cu an chimh hna.

JEREMIAH 51:30

Babilon ralkap hna nih raltuk an ngol cang, An ralhruang chungah khan a thuh in an i thup; An ralṭhatnak a dong cang i nu bantuk an si cang. A inn cu mei in an khangh hna i a kutka hrenhnak hna cu an kiak cang.

JEREMIAH 52:14

Ralvengtu ralkap hna haotu le Khaldi mi ralkap hna nih cun Jerusalem velchum i kulhnak vampang cu an chimh dih.

ṬAHNAK HLA 1:3

Saltang harnak chungah le A dong lo rian hrang ṭuannak chungah Judah cu a lut cang, Miphun hna lakah khua a sa i dinhnak hmun a hmu lo; Amah a harnak chungah khan A dawitu hna nih khan an phak.

ṬAHNAK HLA 4:15

‘Kal u, kal u, mithurhnawm hna!’ tiah mi nih an hauh hna. ‘Kal u, kan naih hlah u,’ tiin, Khulrang in an kal, miphun hna lakah khan an vai i Dinhnak hmun zeihmanh an hmu lo.

ṬAHNAK HLA 4:20

Bawipa chiti thuhmi, kan nunnak thaw a simi kha, Amah cu miphun hna lakah a thlazung in a ka hupphengtu a si lai, tiah kan rak i ruahchan.

EZEKIEL 12:13

Sihmanhsehlaw ka sur in ka vorh lai i aa awh lai. Khaldi mi hna umnak Babilon ram ah khan, a hmu lai lo nain ka kalpi lai; cun khika ah khan a va thi lai.

EZEKIEL 17:20

Sur rap ka chiah lai i aa foih lai. Ka cungah zumh awk tlak in a um lo caah Babilon ah ka kalpi lai i khika ah dan ka tat lai.

EZEKIEL 7:26

Thlichia kha pakhat hnu pakhat an i zul lai i thawngchia kha pakhat hnu pakhat an i zul ve lai. Langhnak kawl ah mi nih profet cu an fuh hna lai, sihmanhsehlaw tlangbawi nih lam ṭhit an thiam ti lai lo i upa nih fimchimh an thiam ti lai lo.

HOSEA 11:6

Ral nih an khua kha an lak dih hna lai i khua kutka hrenhnak thingtluan hna cu an khiah dih hna lai. Lungthin cheuhnak ṭhalo kha ka mi nih an zulh caah ral nih cun an hrawh dih hna lai.

HOSEA 3:4

Zeicaahtiah Israel mi cu caan sau nawn chung kha siangpahrang siseh, bawi siseh, raithawinak siseh, tung thiang siseh, siasal siseh, innchungkhar pathian si hna seh, ngei loin an um lai;

AMOS 1:5

Damaskas mingan vialte cu ka den dih hna lai i Aven nelrawn i a ummi vialte le Beth-eden a uktu bawifung aa putmi cu ka hloh dih hna lai; Aram mi hna cu Kir ah sal ah hruai an si lai. Cucu Bawipa bia a si.

DEUTERONOMI 28:36

“Nanmah nih siseh nan pupa hna nih siseh nan hngalh bal lomi miphun sinah, nanmah le nan cungah nan chiahmi nan siangpahrang cu Bawipa nih ah kalpi hna lai i, khika ah thing le lung in sermi khuazing dang kha nan biak hna lai.

DEUTERONOMI 28:63

Cun Bawipa nih nan ca i ṭhatnak tuah le nanmah karhter kha a rak duh tawn bangin, nanmah cung i rawknak tlunter le nanmah hrawh ah Bawipa cu aa lawm lai i; co awkah nan va luhhnawhmi ram chungin phawi nan si lai.

1 SAMUEL 28:6

Cun Saul nih Bawipa kha a hal tikah Bawipa nih mang in siseh, Urim in siseh, profet hna in siseh, a let lo.