ṬAHNAK HLA 2:8 - Lai (Hakha) Common Language Bible 2006

⁸ Bawipa nih Zion fanu kulhnak vampang hna cu hrawh awkin a ruah hrimhrimmi a si; A hri in an hmetngan kha a tah hna i Hrawh awkah khan a kut aa sum lo; Ralhruang chuntlung le vampang hna kha a ṭahter hna i An pahnih in hnabeidong in an ril ko.

ṬAHNAK HLA 2:8 ပူးပေါင်းရင်းမြစ်များ

2 SAMUEL 8:2

Cun Moab kha a tei i tahnak hri in a tah hna i vawlei ah a ihter hna; tlang hnih cu thah awkin a tah i tlang khat cu pum tein zuah awkin a tah. Cun Moab mi cu David sal ah an cang i David sinah khan ngunkhuai an thawh.

2 SIANGPAHRANG 21:13

Cun Jerusalem cungah hin Samaria tahnak hri le Ahab innchungkhar suthri thlaimi cu ka zam hna lai i mi nih kheng cu an hnawh i an hnawh dih in a khup in an chiah bang khin Jerusalem cu ka hnawh lai.

JOB 13:21

Ka sin hin na kut cu la ṭhan law Na ṭihnunnak nih hin ka thin ka phanter hlah seh.

ISAIAH 22:5

Atu caan hi lau caan, sungh caan, i tuai caan, Langhnak Nelrawn caah a si i, hihi Bawipa Ralkapbu Bawipa nih kan cungah a tluntermi a si. Kan khua kulhnak vampang cu an chimh dih hna i kan bawm u ti au thawng cu tlang ah a thang.

ISAIAH 28:17

A hram a phei lei in an tahnak hri cu dinnak a si lai i a tunglei in an tahnak hri cu lihchim lonak a si lai. Sihmanhsehlaw nan i hngatchanmi lih bia cu rial he a rami ṭotho nih a choih dih lai i nan himnak cu tilian nih a fenh dih lai,” a ti.

ISAIAH 3:26

Khua kulhnak vampang kutka hna cu zuun ngaiin an ṭap lai i khuapi hrimhrim zong hi, hni lo puan loin vawlei ah a ṭhu komi nu bantuk a si lai.

ISAIAH 34:11

Chimbu le langak lawng nih an hngah lai. Bawipa nih, zeihmanh a um lomi ram, ramcar ah a ser ṭhan lai.

ISAIAH 5:5

“Cucaah cun ka dum cu hitihin ka tuah lai. A kulhnak kha ka baoh hna lai i a hau kha ka hrawh hna lai i saram kha ka eiter dih hna lai i ka nanter dih hna lai.

JEREMIAH 14:2

“Judah cu a uai i a khua hna cu zeihmanh tuah zuam loin an um, A mi hna cu vawlei ah an pil i Jerusalem ṭahnak cu a kai.

JEREMIAH 5:10

A mitsur ruang tlar hna lakah cun hung kal law hung hrawk hna, Sihmanhsehlaw donghnak taktak cu hung tuah hlah; An nge cu hung sam dih hna, Bawipa ta an si lo caah.

JEREMIAH 52:13

Bawipa inn le siangpahrang inn le Jerusalem i inn ngan vialte kha a khangh dih hna, Gedaliah inn zong kha a khangh fawn.

ṬAHNAK HLA 2:17

Bawipa nih aa timhmi cu a tuah cang, A hronak hna cu a tlinter cang; Hlan liopi in a ruah cang bantukin Zaangfahnak um loin aan hrawh i Na ral cu na cungah a lawmhter hna i Nangmah an dohtu cu a lianhnganter hna.

ṬAHNAK HLA 2:18

Bawipa sinah cun lungriam tein ṭap tuah, Maw Zion fanu vampang; Na mitthli cu a chun a zan in tla thluahmah ko seh. Caan tlawmte hmanh i din hlah Na mitthli zong hul hrim hlah seh.

ṬAHNAK HLA 2:2

Bawipa nih zaangfahnak um loin Jakob umnak vialte cu a hrawh dih. A thinhun in Judah fanu ralhau vialte kha a chimh dih; Pennak le a bawi hna cu vawlei ah a ṭhumh hna i a thurhhnawmhter hna.

ṬAHNAK HLA 2:5

Bawipa cu ral bantuk ah a cang cang i Israel cu a hrawh cang; An inn sangsang hna cu a hrawh hna i An ralhruang hna cu a chimh dih hna; Judah fanu cungah ngaihchiatnak kha, A chonh chin luaimai ko.

EZEKIEL 20:22

Sihmanhsehlaw ka chuahpi hna kha a ka hmumi miphun hna mithmuh ah ka min cu thurhhnawmh a si nakhnga lo, ka min hmaizah in ka ṭuan ṭhan.