ṬAHNAK HLA 2:19 - Lai (Hakha) Common Language Bible 2006

¹⁹ Zan ah tho law fak piin au tuah; Zan ven thawknak kip ah Bawipa hmaiah cun na lung cu ti bangin bung ko. Na fale hna nunnak caah a sinah na kut hler tuah.

ṬAHNAK HLA 2:19 ပူးပေါင်းရင်းမြစ်များ

JOB 3:24

Ka aihramnak cu ka rawl a si i Ka hrum-ainak cu ti luan in a luang.

SALM 119:55

Bawipa, zan ah nangmah kha kan ruat i, na phunglam kha ka zul.

SALM 134:2

Thlacam in a biakinn chungah nan kut hler u law Bawipa cu thangṭhat u.

SALM 141:2

Ka thlacamnak cu zihmui bangin ka cohlanpiak law ka kut ka hlermi cu zanlei raithawinak sa bangin ka cohlanpiak ko.

SALM 142:2

Ka harnak vialte kha amah ka chimh dih i ka retheihnak vialte kha ka hngalhter.

SALM 142:3

Ka thlarau kha ka chungah a bat tikah, zeidah ka tuah awk a si kha nangmah nih na hngalh. Ka kalnak lam ah khan ka ral nih rap an ka chiahhnawh.

SALM 28:2

Nangmah bawmhhal awkah ka au i na biakinn thiang lei hoih in ka kut ka hler tikah ka aunak kha ka theihpiak tuah.

SALM 42:3

Chun nitlak zan khuadei in ka ṭap i ka mitthli lawng kha ka rawl cu a si ko; ka ral nih, “Na Pathian cu khuazei ah dah a si kun?” tiah atu le atu an ka ti lengmang.

SALM 42:4

Hlanlio kong kha ka ruah tikah ka lung a leng; Pathian inn i mi zapi he kan rak kal i kan kal tikah keimah i ka rak hrui hna i Pathian thangṭhat in lunglawm le thanuam in hla kan rak sak i kan rak au kha ka ruah tikah ka lung a leng hringhran.

SALM 42:8

Bawipa nih a dawtnak fek cu nifa kan sinah langhter ko seh! Amah cu zan fate in hla in thangṭhat ning law ka nunnak a ka pe ṭhantu Pathian sinah cun thlacam ko ning.

SALM 62:8

Ka mi hna, Pathian cu i bochan zungzal u! Amah cu kan himnak a si caah nan harnak vialte kha chim dih u.

SALM 63:4

Ka nun chung paohpaoh cu kan lawmh lai; nangmah leiah ka kut ka hler lai i thla ka cam lai.

ISAIAH 26:9

Zan ah nangmah kha kan ngai; vawlei le a cung i a ummi kha an bia na ceih tikah dinnak hi zeidah a si ti kha an hngalh lai.

ISAIAH 51:20

Lam ṭeka kip ah na mi hna cu an der tuk caah an ril; annih cu rap nih a foihmi sa bantuk an si. Pathian thinhunnak a ṭhawnnak cu an hngalh cang.

JEREMIAH 14:18

Lo i ka va chuah tikah vainam nih a thahmi hna an rilh liangluang ko kha ka hmuh hna; Khua chung i ka va luh ah, mangṭam in a thi cuahmahmi kha ka va hmuh hna; Profet hna le tlangbawi hna cu rawl hal in ram chungah an vak lengmang i dinh mui an hmu lo.

JEREMIAH 9:20

Maw minu hna, Bawipa bia cu thei tuah u law amah kaa chung bia cu nan hna nih thei tuah hna seh; Nan fanu hna cu ṭahnak hla kha cawnpiak hna u law Mithi ṭahnak hla cu pakhat le pakhat i cawnpiak cio hna seh;

EZEKIEL 5:10

Cucaah maw Jerusalem, na chungah hin pale nih an fale kha an ei hna lai i fale nih an pale kha an ei hna lai; na cungah hin biakhiahnak ka tuah lai i na chung i a tangmi hna paoh cu khuazakip ah ka ṭhek dih hna lai.

EZEKIEL 5:16

Hi bia hi Bawipa nih ka chim. Nannih cu thihnak cantiang mangṭam in kan kah hna tikah, nannih cu hrawh awkin kan kah hna lai. Nan cungah mangṭam ka tlunter lai i ni fate nan eimi nan rawl cu ka ṭhumh lai;

MIKAH 1:16

Naa lawmh tawnnak na fale ruangah khan na lu i kawngh tuah; Annih nih an in kaltak i saltannak chungah an luh cang caah langta bantukin na lu i kolh tuah.

NAHUM 3:10

No-amon zong cu ral ah a tang i sal cannak chungah an kalpi; Lam ṭe ka kip ah khan a fano tete hna cu an den dih hna i a bawi hna cu camcawhfung zuh in an i ṭhen hna i a mingan vialte hna cu cikcin in an khih hna.

MATTHAI 14:25

Cun khuangter hrawngah khin Jesuh cu an sin leiah cun a ke in ti cung cun a ra.

MARKA 1:35

A thaizing cu zingkate in, ni a chuah hlanpi ah, Jesuh cu a tho i khua leng hmun king ah thlacam awkah a kal.

MARKA 13:35

Inn ngeitu kha zeitik i a kir lai nan hngalh lo caah ṭha tein hngak ko u. Zanlei ah a si kho, zanṭim ah a si kho, khuadei hlanah a si kho, nichuak ah a si kho.

LUKA 6:12

Cu caan lioah cun ni khat cu tlang cungah thlacam awkah a kal i zan khuadei Pathian sinah thla a cam.

1TIMOTE 2:8

Pa paohpaoh nih hmun kip ah thlacam hna seh ti ka duh, Pathian sinah i pe in thinhunnak zeihmanh um lo le bia alnak zeihmanh um loin Pathian sinah cun an kut hler hna seh.

BIACEIHTU 7:19

Cucaah Gideon le a sinah a ummi za khat hna cu zan ven a laifang hramthawk, a cawngtu an i chiah kate ah khan, riahhmun tonter cu an va phan; cun muko kha an tum i an kut i an i putmi thawl cu an den hna.

1 SAMUEL 1:15

Sihmanhsehlaw Hannah nih a leh i, “Asilo, ka bawipa, lung rethei ngaingai in a ummi nu ka si; mitsur hang siseh, zu siseh ka ding lo, sihmanhsehlaw Bawipa hmaiah ka lungthin ka bungh a si.

1 SAMUEL 7:6

Cucaah Mizpah ah an i pum i ti an than i Bawipa hmaiah an thlet i khi ni cu rawl an ul. Khika ah annih nih, “Bawipa cungah kan sual cang,” tiah an ti. Cun Samuel nih Israel mi cu Mizpah ah bia a ceih hna.