ṬAHNAK HLA 2:15 - Lai (Hakha) Common Language Bible 2006

¹⁵ A kalmi paoh nih khan an kut an in benghhnawh i An in cekcekhnawh i an lu an in thinhnawh, Maw Jerusalem fanu; “Hi khua hi maw, dawhnak ah a tlingmi vawlei cung dihlak lawmhnak, rak timi cu a si?” an ti.

ṬAHNAK HLA 2:15 ပူးပေါင်းရင်းမြစ်များ

2 SIANGPAHRANG 19:21

Mah hihi amah kong ah Bawipa nih a chimmi bia cu a si: Maw Sennakherib, nangmah cu Zion fanu nih an zawmhtaih i an nihsawh, Jerusalem fanu nih na hnulei in a lu an thinhnawh.

2 CHANRELNAK 7:21

Cun hi inn a sunglawimi ah hin a pawng i a kalmi paoh an khuaruah a har lai i, ‘Zeicahdah mahtihin Bawipa nih hi ram cung le hi inn cungah hin a tuah hnga?’ tiah an ti lai.

SALM 109:25

Mi nih an ka hmuh tikah an ka nihsawh, keimah serhsatnak ah an lu lawng an thing ko.

SALM 22:7

A ka hmumi paoh nih capo ah an ka saih, an lei an ka chakhnawh i an lu an ka thinhnawh.

SALM 48:2

Pathian tlang Zion cu a sang i aa dawh; a liannganmi siangpahrang khuapi nih vawlei cung vialte kha lawmhnak a pek hna.

SALM 48:3

Pathian cu a chungah a um caah a ralhau chungah khan himnak a um.

SALM 50:2

Pathian cu Zion in ni bangin a rung tlang, dawhnak ah a tlingmi khua chung cun a rung tlang.

SALM 64:8

An bia nih khan rawhnak a phakpi hna lai i a hmumi paoh nih an lu an thinhnawh hna lai.

ISAIAH 28:21

Perazim Tlang le Gibeon nelrawn ah Bawipa nih ral a rak tuk hna bantuk khan, aa timhmi tuah awkah an tuk hna lai i cu a tuahmi cu khuaruahhar ngai a lo ko lai nain an tuk taktak ko hna lai. A rian cu a lim lai i cu a rian cu khuaruahhar ngaingai a si.

ISAIAH 37:22

Bawipa nih cun, “Sennakherib, nangmah cu Jerusalem khua nih khan a nih in an nihsawh men ko, capo men ah an saih ko.

ISAIAH 64:11

Kan pu le kan pa hna nih an in thangṭhatnak hmun, hmun dawh le hmun thiang, kan Biakinn cu mei nih a hrawh cang, a nuammi kan hmun cu an rawk dih cang.

JEREMIAH 18:16

Anmah nih an ram cu pakpalawng ah an ser i Zungzal in mi nih an nihsawh lai. A pawng i a kalmi paoh cu an thla a hlauh hna lai i an lu an i thin sek len lai.

JEREMIAH 19:8

Cun hi khua hi mi thla a hlauhmi khua le cekcekhnawh thluahmah awk khua ah ka ser lai; a cung i ṭhat lonak a tlungmi vialte ruangah hin a pawng i a kalmi paoh cu an thla a hlauh hna lai i an cekcek len lai.

JEREMIAH 25:18

cu hna cu hihi an si: Jerusalem le Judah khuapi hna le a siangpahrang hna le a bawi hna, annih cu nihin tiang i an si bang hin, ningzak le tuksapur le nihsawh awk thil le serhsat awk thil ah ka canter hna;

JEREMIAH 25:9

chaklei miphun vialte kha ka cah hna lai, tiah Ralkapbu Bawipa nih a ti. Ka sal Nebukhadnezzar, Babilon siangpahrang kha ka cah fawn lai. Hi ram le a chung i a ummi hna le a pawngkam i a ummi miphun vialte hna doh awkah ka ratpi hna lai i ka hrawh cikcek hna lai, tuksapur le cekcekhnawh thluahmah awk le zungzal nihsawh awkah ka ser hna lai.

JEREMIAH 26:6

hi inn hi Shiloh bantuk ah ka canter lai i hi khuapi hi vawlei cung miphun vialte caah nihsawh awk thil ah ka ser lai, a ti, na ti hna lai,” tiah a ti.

JEREMIAH 29:18

Annih cu vainam le mangṭam le rai in ka zulh hna lai i vawlei cung ram kip ah tuksapur ah ka ser hna lai, ka ṭhawl hnanak miphun kip sinah khan fihnung le ṭeifiak, zawmhtaih awk le nihsawh awkah ka ser hna lai.

JEREMIAH 48:27

Moab, Israel mi kha zeitindah nihchuak capo i na ser hna kha philh hlah. Mifir hna lakah tlaihchihmi si hna seh law cu bang, cuticun na tuah hna khah.

JEREMIAH 51:37

Cun Babilon cu a rawkmi thil pon, Cenghngia tlonnak hmun, tuksapur le cekcekhnawhmi hmun, A chung i mi a um lomi hmun ah a cang lai.

ṬAHNAK HLA 1:21

Hnemtu zeihmanh ngei loin ka aihram len ko hi ka theihpiak ko. Ka ral vialte hna nih ka harnak hi an theih tikah, Nangmah tuahmi ah hin an i lawm; Sihmanhsehlaw nangmah nih, keimah bantuk an si ve naklai ni bia na kammi kha khulrang in tlunter ko.

ṬAHNAK HLA 1:8

Jerusalem cu fak piin a sual ko, Cucaah puanchia thur bantuk ah rel a si cang; A rak upat tawntu vialte nih khan zei ah an rel ti lo, Zeicahtiah a taklawng in a um kha an hmuh. Cucaah a hrum a ai i ningzak in mi hmai a zoh ngam ti lo.

ṬAHNAK HLA 2:16

Na ral vialte hna nih khan an in nihsawh: An in cekcekhnawh i an hacang an in rial hnawh i, Aa, hika hi kan phan cang, Hi ni hi pei kan rak ngan lengmangmi kha a si cu; Kan hmuh taktak cang hi ta,’ an ti.

ṬAHNAK HLA 2:6

Mitsur ruang kha a thei lawh a si bangin a puan biakinn kha a ramh i Pumhnak hmun kha a rawkmi hmun ah a ser. Bawipa nih Zion ah cun puai pumhnak le sabbath hngalhnak vialte kha a hloh dih; A thinhunnak a fah caah, Siangpahrang he tlangbawi he zei ah rel loin a um hna.

EZEKIEL 16:13

Na hlawn cu sui le ngun an si, na thilthuam cu puan hmangṭhia le pu le ṭamhmi puan an si. Na rawl ah changvut le khuaihliti le oliv chiti an si i na hun i dawh ngaingai i siangpahrangnu na hung si.

EZEKIEL 16:14

Naa dawh minthannak cu khuazakip ah a thang, zeicahtiah keimah nih kan thuamhnak sunparnak nih cun naa dawhnak cu a tlinter, tiah Bawipa Pathian nih a ti.

EZEKIEL 23:32

Mah hihi Bawipa Pathian bia an si: Na u nu hrai kha na din lai, a kau i a thukmi hrai kha; A chungah cun nihsawhnak le serhsatnak a khat, Hrai nih a tlum khawh leng a si.

EZEKIEL 25:6

Bawipa Pathian bia cu hihi a si: Nannih nih nan kut nan i bengh i nan ke nan tengh i Israel ram cu lungkhat tein nan serhsat i a cungah nan i hlorh caah,

EZEKIEL 5:15

Nannih cu nihsawh awk le zawmhtaih awk thil ah nan cang lai i nan cung i biachahnak le biakhiahnak thinhung le thinlin in ka tuah tikah nan velchum i a ummi miphun hna caah i zohchunh awk thil ṭihnung nan si lai.

DANIEL 9:16

Maw Bawipa, nang cu na ding ko, cucaah Jerusalem khua cungah na thin hung ti hlah. Jerusalem cu nangmah khua a si, na tlang thiang a si. Kan sualnak le kan pupa hna nih an rak tuahmi ṭhat lonak ruangah kan pawngkammi hna nih na mi le Jerusalem cu an kan zohchuk cang.

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

NAHUM 3:19

Na hma cu damh khawh an si lo, naa hliamnak cu thih phu a si; Nangmah na sicannak thawng a rak theimi vialte nih lunglawmhnak in an kut an bengh. A dongh in a dong lomi na puarhrannak nih, a tongh lomi aho tal an um maw?

ZEFANIAH 2:15

Hi khua hi, ka him ko, tiah amah le amah aa porhmi khua a si i, “Keimah hlei in a dang ahohmanh an um ti lo,” tiah aa timi a si. Atu tah zeidah a si cang kun? Pakpalawng hmun, ramlak saram tlonnak hmun, a pawng i a kalmi paoh nih an cekcekhnawhmi le an kuttum thinhnawhmi a si ko cang.

MATTHAI 27:39

Cun aa chawkmi paoh nih khan an lu an thinhnawh i an bia-eng in,

MARKA 15:29

Aa chawkmi hna nih khan Jesuh cu an lu an thinhnawh i an nihsawh: “Biakinn cu na ṭheh dih i ni thum chungah na sak dih ṭhan taktak hi ta!