ṬAHNAK HLA 2:13 - Lai (Hakha) Common Language Bible 2006

¹³ Maw Jerusalem fanu, na caah zeidah ka chim khawh lai i Zei he dah kaan tahchunh khawh lai? Nangmah hnemh awk caah zei he dah kan tahṭhimh khawh lai Maw Zion fanu thiang? Zeicahtiah na hma cu rili ngaw a ti i aho nih dah aan damter khawh lai?

ṬAHNAK HLA 2:13 ပူးပေါင်းရင်းမြစ်များ

2 SAMUEL 5:20

Cun David cu Baal-perazim ah a ra i khika ah annih cu a tei hna i amah nih, “Bawipa nih ka ral hna cu, tilian aa sah phut bantukin ka hmaiah a sah hna,” tiah a ti. Cucaah cu ka hmun cu a min ah Baal-perazim ti a si.

2 SIANGPAHRANG 19:21

Mah hihi amah kong ah Bawipa nih a chimmi bia cu a si: Maw Sennakherib, nangmah cu Zion fanu nih an zawmhtaih i an nihsawh, Jerusalem fanu nih na hnulei in a lu an thinhnawh.

SALM 60:2

Vawlei kha na hninhter i na kahter; atu cu a hma kha damter ṭhan ko, zeicahtiah kuai dih aa zal cang.

ISAIAH 37:22

Bawipa nih cun, “Sennakherib, nangmah cu Jerusalem khua nih khan a nih in an nihsawh men ko, capo men ah an saih ko.

JEREMIAH 14:17

Cucaah annih na chimh ding hna bia cu mah hihi a si: Chun zan in ka mitthli cu hul loin luang camcin ko seh, Zeicahtiah ka mi hna ngaknu thiang cu kuai cikcek in den a si i fak piin hma a ing.

JEREMIAH 14:19

Judah cu na hlawt hrimhrim ko cang maw? Zion cu na fih ko cang maw? Kan caah damnak a um khawh ti lo tiangin zeicahdah na kan tuk? Zeicahdah caan ṭha deuh cu na kan ruahchanter ṭung, zeihmanh a ṭhami kan hmuh ṭung lo, Zeicahdah damnak caan cu na kan ruahchanter ṭung i rawknak lawnglawng a si ṭung?

JEREMIAH 8:22

Gilead ah damnak si-ai a um ti lo maw? Khika ah sibawi pakhat tal an um lo maw? Zeicahdah ka mi hna hi an dam lo?

JEREMIAH 9:18

Khulrang in ra hna seh law ka ṭah hna seh, Kan mitthli a luan i kan mitthli a tlak nakhnga.

ṬAHNAK HLA 1:12

Lam i aa chawkmi hna nan caah, Mah hihi zeihmanhlo maw a si ko? A zoh tal cu ka zohpiak ko sawh u: Ka lungfahnak bantuk lungfahnak hi a um maw? Bawipa nih a thinhun ni ah zaangfahnak um loin dan a ka tatnak hremnak bantuk hi a um ti maw?

EZEKIEL 32:31

Faro nih khan a rak hmuh hna lai i a rak sunghmi a mi hna caah khan a hna a ngam phah lai — Faro cu a ralkap bu he vainam in thah a si, tiah Bawipa Pathian nih a ti;

DANIEL 9:12

Kanmah kong ah siseh, a kan uktu hna kong ah siseh, na chimmi vialte kha na tlinter i kan cungah le Jerusalem khua cungah vawlei cung dihlak i a tlung tawnmi harnak vialte hna nakin a ngan deuhmi harnak kha na tlunter;