ṬAHNAK HLA 2:10 - Lai (Hakha) Common Language Bible 2006

¹⁰ Zion fanu upa hna cu vawlei ah an ṭhu i an hrum; An lu cungah leidip an i phulh i Buri kha an i aih; Jerusalem ngaknu thiang hna nih Vawlei ah an lu kha an khun.

ṬAHNAK HLA 2:10 ပူးပေါင်းရင်းမြစ်များ

2 SAMUEL 13:19

Cun Tamar nih cun a lu ah vutcam aa phulh i a ban a saumi a angki fual aa hrukmi cu a thleh i a lu cungah a kut kha aa chuan i a kal, a kalpah cun thang piin a ṭappah lengmang.

ISAIAH 15:3

Zalam i aa chawkmi hna cu buri puan an i aih i khua chung mi zapi pumhnak hmun le inn chung hna ah khan mi cu an ṭap i an ai.

ISAIAH 3:24

Zihmui kha hmang ti loin a thut in an thu lai, taisawm ṭhaṭha kha hmang ti loin hrihrual hrat pipi tu kha an hman hna lai, samthlairem dawh si ti loin lukolh an si cang lai; puan ṭhaṭha kha i aih ti loin puan tlek chia pipi kha an i aih lai; an i dawhnak cu ningzahnak ah aa thleng lai!

ISAIAH 3:26

Khua kulhnak vampang kutka hna cu zuun ngaiin an ṭap lai i khuapi hrimhrim zong hi, hni lo puan loin vawlei ah a ṭhu komi nu bantuk a si lai.

ISAIAH 36:22

Cun Eliakim, Shebna le Joah nih an puan kha ngaihchiatnak langhternak ah an thleh i Assiria ralbawipa nih a chimmi cu siangpahrang kha an va chimh.

ISAIAH 47:1

Bawipa nih, “Babilon, na bawiṭhutdan cung khan rung ṭum law leidip lakah i bual tuah. Hmasa ah cun ngaknu thiang bantuk na rak si, ahohmanh tei lo na rak si. Asinain atu cu nem hniphnepte le no cipcep tein na um ti lo, atu cu sal na si cang.

ISAIAH 47:5

Bawipa nih Babilon cu a thawh i, “Dai zuar in ṭhu ko cang law a muihnak ah khan um ko; nangmah cu, miphun tampi hna bawinu, an in ti ti lai lo.

JEREMIAH 8:14

Zeicahdah nan ṭhut sawhsawh ko? Hmunkhatte ah nan dihlak in tho tuah u, Kulhnak hau a ngei mi kan khua hna ah khan va kal u si law Khika ah khan va thi dih hna u sih; Zeicahtiah Bawipa cungah kan sual caah, Bawipa kan Pathian nih hrawh awkah a kan ruah cang i Sivai paihmi ti kha din awkah a kan pek cang.

ṬAHNAK HLA 1:1

Hmasa i minung a rak khat tawnmi khua kha, Zeitindah umhar in a ṭhut ko ee! Hmasa i miphun hna lak i khua lianngan a rak simi kha, Zeitindah nuhmei ah a can; Ram uktu bawinu a rak simi kha hnekmi rianṭuantu ah a cang ko ee!

ṬAHNAK HLA 1:4

Zion lei kalnak lam kha an ṭap, zeitintiah a puai thiang ah khan a rami an um lo; A kutka vialte cu an rawk dih, a tlangbawi hna cu an hrum an ai; A ngaknu hna cu lamhlatpi ah an hnuh hna i Amah hrimhrim nih fak piin a in.

ṬAHNAK HLA 3:28

Harnak kan in tikah kanmah lawng tein daite le lungsau in kan ṭhut awk le

ṬAHNAK HLA 4:16

Bawipa hrimhrim nih a ṭhek hna, annih kha a ruat ti hna lo; Tlangbawi kha a duhdanh ti hna lo i Upa kha a zaangfah ti hna lo.

ṬAHNAK HLA 4:5

Rawl thawthaw in cawm a rak simi hna kha zeihmanh ngei loin khuachung lam ah an ṭhu ko, Puan ṭhaṭha a rak i aih tawnmi hna kha ekpon cungah an ṭhu ko.

ṬAHNAK HLA 5:12

Bawi hna cu an kut in thlai an si i upa nih upatnak an hmu lo.

ṬAHNAK HLA 5:14

Upa nih hauka i an biaceihnak kha an ngol i Tlangval nih tingtang hri kha an pet ti lo.

EZEKIEL 27:30

Na cung i a tlungmi thil kong kha an thanh lai i Fak piin an ṭap lai; An lu ah leidip kha an i phulh i vutcam kha an i theh.

EZEKIEL 27:31

Na cung i a tlungmi thil ṭhalo ruangah khan an sam an i phawi i buri puan an i aih; Nangmah kha fak piin an in ṭah, lungfak ngaiin an ṭap thluahmah ko.

EZEKIEL 7:18

Buri puan i aih in an i chawk lai i an lu in an ke tiang an ther lai, an hmai cu vawlei kha an bih lai i an lu kha an i kongh dih lai.

JOEL 1:8

Maw mi hna, a vat laimi tlangval nih a thihtakmi ngaknu nih a ṭah bantukin nannih cu ṭap tuah u.

AMOS 5:13

Cucaah khi caan ah cun khuaruat thiammi cu dai tein an um ziar ko lai, Zeicahtiah khi caan cu caan chia a si lai.

AMOS 8:13

Khi ni ah cun ngaknu dawhdawh hna le tlangval hna cu tihal in an baa lai;

AMOS 8:3

Khi ni ah cun siangpahrang inn i hla a sa tawnmi nu hna kha a ai in an ai lai i, ‘A kenkip ah miruak tam tuk an hlonh liangluang ko hna. Hnachet loin um u,” an ti lai,” tiah a ti.

JONAH 3:6

Cu thawng cu Nineveh khua siangpahrang nih a rak theih tikah a bawiṭhutdan cung khan a tho i a siangpahrang puan kha aa phoih i buri kha aa aih i vutcam lakah a ṭhu.

JOSHUA 7:6

Khi tikah Joshua nih a puan kha a thleh hna i Bawipa kuang hmaiah cun zanlei tiang vawlei ah a bawk, amah le Israel upa hna cu an bawk; cun an lu ah leidip an i phulh.

BIAPHUAN 18:19

An lu ah lei dip an i phulh, an ṭap an ai i, “Khua lianngan kha zeitluk in dah ṭih a nun cang. Zeitluk in dah tuksapur a si cang. Rili cungah lawng in chaw a letmi vialte hna nih amah rumnak thawngin mirum an rak si dih. Asinain suimilam pakhat chungah a chaw vialte cu an lo dih ko ee,” an ti.