ṬAHNAK HLA 1:8 - Lai (Hakha) Common Language Bible 2006

⁸ Jerusalem cu fak piin a sual ko, Cucaah puanchia thur bantuk ah rel a si cang; A rak upat tawntu vialte nih khan zei ah an rel ti lo, Zeicahtiah a taklawng in a um kha an hmuh. Cucaah a hrum a ai i ningzak in mi hmai a zoh ngam ti lo.

ṬAHNAK HLA 1:8 ပူးပေါင်းရင်းမြစ်များ

GENESIS 3:7

An ei dih cangka in hngalhnak kha an vun hmu i taklawng an si kha an i hngal; cucaah theipi hnah kha an i ṭhit i an i hruk.

1 SIANGPAHRANG 9:6

Sihmanhsehlaw nangmah siseh, na fale si hna seh, keimah zulhnak khan nan pial i nan hmaiah ka chiahmi ka nawlbia le ka phungbia kha nan zulh hna lo i nan kal i pathian dang kha an rian nan ṭuan hna i nan biak hna ahcun,

1 SIANGPAHRANG 9:7

khi tikah Israel mi cu ram ka rak pekmi hna chung khan ka hloh hna lai i ka min ca i ka thiantermi inn hi ka mit hmuh phak lo ah ka hlonh lai; cun Israel cu phungthluk bia le nihchuak capo bia ah mi vialte lakah a cang lai.

1 SIANGPAHRANG 9:9

Cun annih nih an thawh hna lai i, ‘Zeicahdah a si ti ahcun, annih an pupa hna Izipt ram in a chuahpitu Bawipa an Pathian kha an hlawt i pathian dang kha an i tlaih hna i an biak hna i an rian an ṭuan hna caah hi ṭhat lonak vialte hi Bawipa nih an cungah a tlunter,’ tiah an ti lai,” tiah a ti.

ISAIAH 47:3

Mi kuttang i na um le ningzahnak na in kha an in hmuh lai, salnu bantukin hnipuan loin na um kha an in hmuh lai. Teirul kan cham lai i ahohmanh nih an ka kham kho lai lo,” a ti.

JEREMIAH 13:22

“Zeicahdah mah thil hi ka cungah a tlun hnga?” tiah na ti ahcun, Na sualnak a tam ruangah na hni cu phoih na si i Na ke cu langhter an si.

JEREMIAH 13:26

Cucaah keimah hrimhrim nih nan hni kha kan phoih hna i Nan ningzahnak kha ka langhter.

JEREMIAH 15:4

Cun Judah siangpahrang Hezekiah fapa Manasseh nih Jerusalem khua chung i a tuahmi sualnak ruangah annih cu vawleicung ram vialte hna sinah tuksum ah ka ser hna lai.

JEREMIAH 24:9

Vawlei cung ram kip ah annih cu tuksapur ah ka ser hna lai, annih cu ka dawi hnanak ram kip ah nihsawh awk le phungthluk bia le zawmhtaih awk le chiatserh awkah ka ser hna lai.

JEREMIAH 32:23

Sihmanhsehlaw hi ram chungah an luh i an co tikah annih nih na nawlbia kha an ngai lo i na cawnpiak hna ningin an nung lo; na fialmi hna kha zeihmanh an tuah duh lo. Cucaah hi ṭhat lonak vialte hi an cungah na tlunter.

JEREMIAH 34:17

Cucaah hitin Bawipa nih a ti: Ka bia nan ngai lo; nan phunhawi Hebru mi kha luatnak nan pe hna lo. Cucaah keimah zong nih luatnak kan pek ve ding hna cu: tuknak le rai le mangṭam in thihnak kha a si lai. Nan cung i ka tuahmi ruangah vawlei cung ram vialte cu an tuksa nan purh hna lai.

JEREMIAH 4:31

Nau nganfah a ing liomi nu aihramnak bantuk a simi aihramnak, A fater a hring liomi nu nganfahnak bantuk a simi aikionak kha ka theih. Zion fanu, a thaw a suk in aa su i a kuttum heh tiah a rengmi kha a si. Aize! ka ba tuk ko cang, thah len ko cu ka ba tuk ko cang.

JEREMIAH 6:28

An dihlak in midohhmang, milungkhong, Mi congoih i a vak lengmangmi an si.

ṬAHNAK HLA 1:11

A mi vialte hna cu an hrum an ai, Rawl kha heh tiah an hal; An thazang kha hmuh ṭhan awkah An rothil cu rawl ah an zuar hna. “Maw Bawipa, run ka zoh law, Zeitluk in dah zohchuk ka si kha run ka hmu tuah,” tiah a ṭap.

ṬAHNAK HLA 1:17

Zion nih a za a zao, Sihmanhsehlaw a hnemtu ahohmanh an um lo; Bawipa nih Jakob innpa hna cu, Amah ral ah nan cang lai, tiah nawl a pek hna; Jerusalem cu an lakah Puanchia fihnung ah a cang cang.

ṬAHNAK HLA 2:10

Zion fanu upa hna cu vawlei ah an ṭhu i an hrum; An lu cungah leidip an i phulh i Buri kha an i aih; Jerusalem ngaknu thiang hna nih Vawlei ah an lu kha an khun.

ṬAHNAK HLA 4:21

Uz ram ah a ummi Edom fanu, I lawm law na tha nuam ko; Asinain, na caan a phak tikah hrai cu na sin a phan ve lai i, Na rit tikah nangmah le nangmah cu ningzahnak ah naa paih te lai.

EZEKIEL 23:29

an in huatnak cu an in hngalhter lai. Na hmuhmi thil vialte kha an in chuh lai i hni lo le puan loin an in kaltak lai; hlawhhlangnu naa celhnak pum kha a lang dih lai. Hi thil nangmah cungah a tluntertu hi na zuanzamnak le an hornak hi an si,

EZEKIEL 23:46

“Mah hihi Bawipa Pathian bia an si: Ramhtu ralkapbu cu au hna; ṭihnak le ramhnak chungah khan annih cu kaltak hna.

EZEKIEL 39:23

Miphun dang hna nih khan Israel mi sal i an tan kha an ṭhat lo ruang le ka sinah zumhawktlak loin an um ruangah a si ti kha an hngalh lai. Cucaah ka hmai kha ka rak thuhkanh hna i an ral hna kut chungah ka rak chanh hna, cun annih cu an dihlak tein vainam in an thi.

HOSEA 2:10

Cuticun zei bantuk mihur dah a si kha ka langhter lai i Ahohmanh nih ka sinin amah fir kha an duh ti lai lo.

HOSEA 2:3

Cu ti a si lo ahcun ka phoih dih lai i a chuah ni i taklawng in a um bantuk khan ka hlih dih sual lai; Ram car bantukin ka tuah lai i thetse car in ka car sual lai i tihal in ka thihter sual lai.

BIAPHUAN 3:18

Cucaah ruahnak kan cheuh duhmi cu, keimah sinin sui thiang taktak kha ka caw law na rum lai. Cun naa thuamhnak ding le taklawng in na umnak ningzahnak khuhnak ding caah, thil rang i cawk fawn. Cun na mit thuh awkah si zong i cawk law cuticun khua na hmu kho lai.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.