ṬAHNAK HLA 1:20 - Lai (Hakha) Common Language Bible 2006

²⁰ Maw Bawipa, zeitluk in dah ka lungre a theih hi run zoh tuah. Ka lung si a vang i Ka chungthin aa let dih, Nangmah kha zeihmanh ruat loin kan doh caah a si. Vainam nih khualak lam ah ngakṭah a ser hna i Rai nih inn chungah ngakṭah a ser hna.

ṬAHNAK HLA 1:20 ပူးပေါင်းရင်းမြစ်များ

JOB 30:27

Ka thin hi a vamh in aa vam i a dai ziar bal lo; Harnak ni hna cu keimah ton awkah an ra.

JOB 33:27

Cun mi vialte hmaiah, ‘Ka sual cang, Dinnak kha dinlonak ah ka ser cang i cucu ka rak ruat bal lo,’ a ti ahcun,

SALM 22:14

Ka thazang a dih cang, vawlei i thletmi ti bantukin a dih cang. Ka ruh vialte kha ka hliahhlok in an pong dih, ka lung cu ka chungah a timi khuailul bantuk a si.

SALM 38:8

Ka tha a dih cikcek i ka ril ko, lungrethei le sivang in ka hram.

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.

ISAIAH 16:11

Moab caah ngaihchia in ka hram i Kir Heres caah lungfak in ka ai.

ISAIAH 38:14

Ka aw kha a lo riahmah i ṭhuro hrum in ka hrum. Van ka zoh ah ka mit re a thei. Bawipa, hi harnak vialte chung hin ka chuah ko.

JEREMIAH 14:18

Lo i ka va chuah tikah vainam nih a thahmi hna an rilh liangluang ko kha ka hmuh hna; Khua chung i ka va luh ah, mangṭam in a thi cuahmahmi kha ka va hmuh hna; Profet hna le tlangbawi hna cu rawl hal in ram chungah an vak lengmang i dinh mui an hmu lo.

JEREMIAH 14:20

Kan ṭhat lonak le kan pupa hna sualnak kha na sinah kan phuan ko, Maw Bawipa, na cungah kan sual ko.

JEREMIAH 2:35

Nangmah nih cun naa thawh i, ‘ka sual lo, a thinhunnak a dam diam cang,’ na ti. Zohhmanh, ‘Ka sual lo,’ na timi cu kan zuam lai.

JEREMIAH 3:13

Palhnak na tuahmi kha ka tuah taktak ti ko law Bawipa na Pathian na dohnak kha i phuang ko. Thing thladem toi kip ah ram dang pathian hna he nan i duhnak kha i phuang law Ka bia na ngaih lonak kha i phuang ko, tiah Bawipa nih a ti.

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

JEREMIAH 4:19

Maw ka thin aw, maw ka thin aw! Ka ngan a fah tuk caah a ngerh in kaa ngerh. Ka lung cu a tor dutmat i dai tein ka um kho lo, Zeicahtiah raltuk launak thawng, muko thawng kha ka theih.

JEREMIAH 48:36

An ngeihmi chawva vialte kha a rawk dih cang caah Moab le Kir-heresmi hna cu, mi nih mithi zunngaih hla thonglawi in an tum bantukin, ka lung nih a ṭah hna.

ṬAHNAK HLA 1:11

A mi vialte hna cu an hrum an ai, Rawl kha heh tiah an hal; An thazang kha hmuh ṭhan awkah An rothil cu rawl ah an zuar hna. “Maw Bawipa, run ka zoh law, Zeitluk in dah zohchuk ka si kha run ka hmu tuah,” tiah a ṭap.

ṬAHNAK HLA 1:18

Bawipa cu a ding ko; A nawl a altu cu keimah ka si. Ngai tuah u, nannih miphun vialte hna, ngai tuah u law ka lungfahnak hi ka zohpiak tuah u: Ka ngaknu thiang hna le ka tlangval hna cu saltannak chungah an kal cang.

ṬAHNAK HLA 1:8

Jerusalem cu fak piin a sual ko, Cucaah puanchia thur bantuk ah rel a si cang; A rak upat tawntu vialte nih khan zei ah an rel ti lo, Zeicahtiah a taklawng in a um kha an hmuh. Cucaah a hrum a ai i ningzak in mi hmai a zoh ngam ti lo.

ṬAHNAK HLA 1:9

A hni ah thurhnawmhnak cu aa beh i Hmailei a sicannak ding kha a ruat lo. A tluknak cu zumh khawh lo tiangin a si i Amah hnemtu ah ahohmanh an um lo. Bawipa, a harnak hi nangmah nih run zohpiak law, Zeitindah a ral nih an tei kha run hmuhpiak ko.

ṬAHNAK HLA 2:11

Ka ṭahnak ah ka mit a phing dih i Ka chung a vang; Ka lung cu ngaihchiatnak in vawlei ah bungh a si, Zeicahtiah khualak lam ah khan ngakchia le bawhte hna cu an ba i

ṬAHNAK HLA 5:16

Pangpar ṭhirual cu kan lu cungin an tla cang; Harnak nih a kan khuh cang, misual kan si caah.

EZEKIEL 7:15

“Lengah vainam a um, chunglei ah rai le mangṭam an um; ramlak ah khan mi cu vainam in an thi lai i khua chungah mangṭam le rai nih a thah hna lai.

DANIEL 9:5

kannih cu kan sual cang, palhnak le thil ṭhalo kha kan tuah cang; kannih nih nangmah cu kan in doh i na nawlbia le na phunglam hna kha hnulei kan chit hna.

HOSEA 11:8

Zeitindah kan hlawt khawh lai, Efraim? Zeitindah kan thlah khawh lai, Israel? Admah ka rak hrawh bantuk khan kan hrawh lai maw? Zeboiim cung i ka rak tuah bantuk khan na cungah ka tuah lai maw? Ka tuah kho lai lo, ka chungah ka lung cu aa thleng cang i ka ngaihchiatnak cu a alh in a alh cang.

HABAKKUK 3:16

Hi thil vialte hi ka theih tikah a therh in a ka therh, Cu thawng ka theih ah ka hmur cu a ther, Ka ruh cu ti bantuk ah an i cang i ka kal ah ka ke cu an ther; Kannih a kan dohtu hna cung i a tlung ding harnak ni ka ruah ah a ther in ka ther ko.

DEUTERONOMI 32:25

Tlangval he ngaknu he, Hnuktlai lio he ṭuakpar he, Lengah vainam nih a thah hna lai i Inn chungah tuksapur thil a um lai.