SOLOMON HLA 5:16 - Lai (Hakha) Common Language Bible 2006

¹⁶ A anka nih thlum hliarmar tein, Duhcuang ṭhahlei si ai hrim dahkaw, Ka dawtte cu duh nun ṭha si ai, Jerusalem leng rual hna.

SOLOMON HLA 5:16 ပူးပေါင်းရင်းမြစ်များ

2 SAMUEL 1:23

Saul le Jonathan, duh a nung i aa dawhmi hna, nunnak ah siseh thihnak ah siseh an i ṭhen lo; muvanlai nakin an khul a rang, chiandeih nakin an ṭhawng.

SALM 119:103

Zeitluk in dah na nawlbia cu an thlum, khuaihliti nakin an thlum deuh.

SALM 148:13

An dihlak in Bawipa min cu thangṭhat hna seh! A min cu min dang vialte nakin a ngan deuh; a sunparnak nih van le vawlei a lonh hna.

SALM 19:10

Sui nakin duh deuh awk an si, sui thiang bik phun nak hmanh in duh deuh awk an si, Khuaihliti nakin an thlum deuh, khuaihliti thiang bik nakin an thlum deuh.

SALM 45:2

Pa vialte lakah pa dawh bik na si, bia chim a thiam ngaingaimi na si; Pathian nih zungzal in thluachuahnak an pek!

SALM 89:6

Bawipa, vancung i a ummi khi nangmah bantuk ahohmanh an um lo, pathian hna lakah hin ahohmanh nangmah tluk an um lo.

SOLOMON HLA 1:16

Zoh cim loin naa dawh ka dawt aw, Nang rei pawng ṭhut awi loin!

SOLOMON HLA 1:2

Ra ka hnam law duh ai ing, Na dawtnak nih mitsur hang thlum hluan,

SOLOMON HLA 1:5

Nak hmanh ning law iangngei ngai ka si ko ve cu, Maw Jerusalem leng rual hna; Keimah cang ah Kedar thlam le maw Solomon dumdang puanzar hna bangin.

SOLOMON HLA 2:1

Kei cu Sharon bingbir le maw Nelrawn lili pangpar ngai ka si.

SOLOMON HLA 2:16

Ka dawtte aw nang ka ta si i kei zong nang ta si ve ci, Lenter hna law na tuurun hna cu lili pangpar hna lakah.

SOLOMON HLA 2:3

Ka duh dah ngai a val hawi lakah hnak thlai rem, Hung lang ai ngai thing ṭha hmawng lakin epalte khi bang, Hei ei ning law a thladem tangah thlum riangmang tein.

SOLOMON HLA 4:3

Na hmurte nih sen sirsiar in maanla te khi bang, Aan dawh nunnem iang ngei hmurka ṭha, Hmaikhuh dumdang puanzar phen na bel, taleti cheute vun iang.

SOLOMON HLA 6:3

Ka dawtte aw kei ta na si i, kei zong nang ta ka si ve, Lenter hna ai a tuurun rual cu, lili pangpar hna lakah.

SOLOMON HLA 7:9

Na mi hnamh nih mitsur hang thaw bang, Nal ziahmah in hmur le ha cungah a lan kho bikcem.

JEREMIAH 15:16

Na bia zei ah a rel lomi cu ka in hna a hau, Na bia cu kei ka caah cun lawmhnak le thanuamnak a si; Zeicahtiah nangmah nih keimah cu na ta si awkah min na ka bunh cang, Maw Bawipa, Ralkapbu Pathian.

JEREMIAH 3:20

Sihmanhsehlaw zumh awk tlak lomi nupi bantukin Ka cungah zumhawktlak loin nan um, maw Israel mi hna, tiah Bawipa nih a ti.

HOSEA 3:1

Bawipa nih a ka thawh i, “Bawipa keimah nih Israel mi hna cu pathian dang kha an bia hna nain le siasal pekchanhmi mitsur tlai car changreu thlum kha an duh nain ka dawt ṭhiamṭhiam ko hna bantukin, Va kal law midang nih an duhmi, va cung pa duh nu nu pakhat cu va daw tuah,” tiah a ti.

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.

JEIM 2:23

Cucaah cun, “Abraham nih Pathian a zumh i cu a zumhnak thawng cun Pathian nih miding ah a cohlan,” tiah a titu Cathiang bia cu a tling. Cucaah Abraham cu, “Pathian hawi,” tiah ti a si.

JEIM 4:4

Zumh awk tlak lo minung hna! Vawlei he i hawikomh hi Pathian he i ral a si ti kha nan hngal lo maw? Vawlei hawikom si a duhmi paoh nih cun Pathian ral ah an i ser ko.