SOLOMON HLA 5:14 - Lai (Hakha) Common Language Bible 2006

¹⁴ A ban bom nih sui thluan pum le lungvar ṭamh khi bang, A tungtai nih vui ho le maw lapis lazuli lungvar ṭamh lo ai.

SOLOMON HLA 5:14 ပူးပေါင်းရင်းမြစ်များ

JOB 28:16

Ofir sui in a man tuak khawh a si lo i Oniks le lapis lazuli lungvar zongin tuak khawh a si lo.

SALM 99:4

A liannganmi Siangpahrang, nang cu ahmaanmi thil a duhmi na si; Israel mi cungah ding tein le a tlari in thil na tuah.

EXODUS 15:6

Bawipa, na orhlei kut a ṭhawngmi cu khuaruahhar a si; ral pawl kha a den cikcek hna.

EXODUS 24:10

Israel mi Pathian kha an hmuh. A ke toiah khin safaiar lungvar dum an phahmi ṭuang bantuk a um i cu ṭuang cu van bantuk khin a ceu.

EXODUS 28:18

tlar hnihnak ah emeral, safaiar le daimon an si lai;

EXODUS 28:20

tlar linak ah beril, oniks le jasper an si lai.

EXODUS 39:13

a tlar linak ah beril le oniks le jasper an si. Sui tlangkawm chungah ṭhutter an si.

SOLOMON HLA 7:2

Na laite nih mitsur thlum cia chiahnak khengkuar bial khi bang, Lili par dawh kulhmi fahum tlunte khi, lo ai dah kaw nang paw nih.

ISAIAH 52:13

Bawipa nih aa thawh i, “Ka sal cu a rianṭuanmi ah khan khuaawng a tong lai; a lian a ngan lai i upatnak a hmu lai.

ISAIAH 54:11

Bawipa nih aa thawh i, “Maw Jerusalem, nang cu harnak na ing i bawmtu na ngei lo, ahohmanh hnemtu na ngei lo. Asinain na hram cu lungvar man sung in ka ser ṭhan hna lai.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

EZEKIEL 1:16

Cu leng kekual an muisam le an umtuning cu hi bangin a si: an mui cu topaz lungvar bantukin a tleu; an pali cun an i lo dih i an umtuning cu leng kekual chungah khin a kual chin si hna seh law cucu an lo.

DANIEL 10:6

A pum cu topaz lungvar bantukin a tleu i a hmai cu nimtlau bantukin a ceu; a mit cu mei ceu bantukin a ceu i a ban le a ke hna cu dar kheng bantukin an cer; cun bia a chim tikah a aw cu mibupi aw thawng bantuk a si.