SOLOMON HLA 4:9 - Lai (Hakha) Common Language Bible 2006

⁹ Ka dawt far can mitsirthli ka ven cang zongah, Ka lung mawl in ka hlo ai dah kaw, Na mitfang le na hromhreng lungvar rual zong nih.

SOLOMON HLA 4:9 ပူးပေါင်းရင်းမြစ်များ

GENESIS 20:12

Amah cu ka far cu a si taktak, ka pa fanu cu a si nain ka nu fanu cu a si lo, cucaah ka ṭhit.

GENESIS 41:42

Faro nih cun a minkhenhnak kutdonghrolh kha aa phoih i Josef kutdong ah cun a hrolh; la hmangṭhia puan dawh ngaingai kha a aihter i a hngawng ah sui ṭhi a oih.

SALM 45:9

Na inn i a ummi bawinu hna lakah khan siangpahrang fanu zong an um, cun na bawiṭhutdan orhlei kamah khan siangpahrang bawinu cu a dir, sui ṭha bik in sermi hlawn in aa ṭamh.

PHUNGTHLÛKBIA 1:9

Zeicahtiah na lu caah aa dawhmi pangpar ṭhi rual an si lai i Na hngawng caah pumṭek ṭhi an si lai.

PHUNGTHLÛKBIA 6:25

Aa dawhnak cu na lung chungin duh hlah, a mithmul nih nangmah cu in hreng hlah seh;

SOLOMON HLA 1:10

Na bel nih i dawh kaw na liang cung sam sawm-ai phiar he, Na lungvar ceu tleu le na sui ṭhi, rual nih duum hna na hngawng velchum tiang zong in.

SOLOMON HLA 1:15

In zoh rih lang ka dawt na muisam a ṭha, Naa dawh tuk ah zei na lo dah maw, Na mitte zong ṭhuro mit lo ai hna dah ngai.

SOLOMON HLA 3:11

Khun a torh le a sunlawi ni ah A chinh cang maw sunghno a nu nih sunpar luchin rem dawh hlei, Cuan cio u law Solomon mangbawi cu, A suiluchin rem he in, Zion ngaknu leng rual hna.

SOLOMON HLA 4:10

Zei bangin dawh maw far can ka thainu, Mitsur hang thaw le maw na sathau rimhmui ṭha, lo ai na ka dawtnak sung cem cu.

SOLOMON HLA 4:12

Aanka tiam cia le maw ka dawt cu Cerhti put le kulh dum tikhor bang.

SOLOMON HLA 6:12

Ka hngal lo nain lung ka tum lengnu nih, Ka ruahter maw mi thong sang uktu, mangbawi cungchin sanghlei ah.

SOLOMON HLA 6:5

Ka zoh hlah law nang mit nih ee tang koin ka tlai, Na sawm-ai nih Gilead tlang cungin a ṭum me runrual hna bang.

SOLOMON HLA 7:10

Kei cu nang ta si ai ing ee, Cia loin ee ruahzun len ka si.

ISAIAH 54:5

Nangmah an sertu cu na va bantuk a si lai — a min cu Ralkapbu Bawipa a si! Israel Pathian thiang nih cun an khamh lai — amah cu vawlei cung dihlak uktu a si.

ISAIAH 62:5

Tlangval nih ngaknu a ṭhit bantukin Nangmah an Sertu nih an ṭhit lai. Tlangval cu a mo cungah aa lawmh bantukin Na Pathian cu na cungah aa lawm lai.

EZEKIEL 16:11

Hlawn caah kutkhih kan khih i na hngawng ah ṭhi kan oih;

EZEKIEL 16:8

“Cun na pawngah ka ra ṭhan i va ngeih cu na si cang ti kha kan hmuh. Ka puan cu kan zawnh i na taklawng cu kan huh. Cun kan hamnak kha ka fehter i nupi ah kan ṭhit i keimah ta ah na cang, tiah Bawipa Pathian nih a ti.

DANIEL 5:7

Khuachia ṭhawlthiam hna le camhthiam hna le mang ihthiam hna kha, runpi hna u, tiah fak piin a au i Babilon mifim hna cu. “Hi ca ṭialmi hi a rel kho i a sullam a ka chim khotu paoh cu puan sen aih an si lai i a hngawng ah sui ṭhi rual oih an si lai i ka pennak chungah bawi ngan pathumnak an si lai,” tiah a ti.

ZEFANIAH 3:17

Bawipa na Pathian cu, nangmah kha him tein umter awkah na chungah ralkap bantukin a um ko; Na cungah a lung aa lawm lai i a tha a nuam lai; A dawtnak cu an hmuhter ṭhan lai; Hlanlio bantuk khan na cungah lunglawmhnak au thawng he aa lawm lai.

MATTHAI 12:50

Vancung i a ummi ka Pa nih tuah hna seh ti a duhmi a tuahmi paoh cu, ka nau le ka far le ka nu an si ko,” tiah a ti.

JOHAN 3:29

Ṭhitmi ngaknu cu a ṭhitu tlangval ta pei a si cu. Nupi ṭhitu tlangval kawi cu a pawng khan a dir i nupi ṭhitu aw a theih tikah khan a lung aa lawm. Kei ka lunglawmhnak tlinter a sining zong cuticun a si ko.

1 KORIN 9:5

Lamkaltu dang hna le kan Bawipa naule hna le Peter nih, khualtlawnnak ah an nupile kha an i ṭhit hna bantukin kei zong nih Khrihfa nupi kaa tlawnpi ve awk a si lo maw?

2 KORIN 11:2

Pathian nih an sian hna lo bantukin kei zong nih kan siang ve hna lo. Nannih cu Khrih he i um dingin ka ham cangmi ngaknu thiang bantuk nan si.

BIAPHUAN 21:2

Cun Khua Thiang, Jerusalem thar kha Pathian sinin vancung in a rung ṭum cu ka hmuh, va ngei lai ngaknu nih a va ding ton awkah aa ṭamh bantuk khin aa ṭamh.