SOLOMON HLA 2:17 - Lai (Hakha) Common Language Bible 2006

¹⁷ Ni nih liam lai aa zal, thlizil nih hrang siarmar, Ka dawtte aw nakzik fing thuk hlum, Saza le maw nengno bang lang ṭhan ai law.

SOLOMON HLA 2:17 ပူးပေါင်းရင်းမြစ်များ

PHUNGTHLÛKBIA 5:19

Amah cu sazuk duhnung ngai le aa dawhmi sakhi bantuk a si; a hnuk nih cun zeitik paoh ah na lung in riamhter seh law a dawtnak nih cun in lawmhter zungzal ko seh.

SOLOMON HLA 2:7

Maw Jerusalem leng rual hna, Ram hlum sazuk le maw saza min cem chih in chiat an ser bang, Ka dawtte cu tho law i hlau ko tiin, Ṭhangh lai ka senh hna lo cu.

SOLOMON HLA 4:6

Khua nih dei lai aa zal, thlizil nih hrang siarmar, Mura umnak tlangpar sang ah le frankinsen umnak mual ah cun kal ai lang.

SOLOMON HLA 8:14

Ka dawtte aw ra lang cang tuah law, Rimhmui tlang i sazuk le maw saza nochuan bang, Ra lang ko sawh law.

LUKA 1:78

Zeicahtiah, kan Pathian cu zaangfah thiammi le minunnem a si: Khamhnak khuaceu ṭha cu kan cungah a tlunter lai i

ROM 13:12

Zan cu a dih dengmang cang, khua a ceu dengmang cang. Muihnak thil a simi tuah kha ngol cang u si law ceunak chung i raldoh awkah hriamnam kha i lak u sih.

HEBRU 10:1

A taktak le a ngaingai a simi thil kha Judah phung nih hin tling ngaingai le hmaan ngaingai in a langhter kho lo. A ra dingmi thil ṭha muithlam ceo a rak si. An tuah tawnmi raithawinak kha kum fate in tuah lengmang a si ko. Cucaah cun zeitindah hi Nawlbia nih hin, Pathian a biami hna cu, cu raithawinak an tuahmi thawng cun mithiang ah a ser khawh hna lai?

HEBRU 8:5

Asinain cu tlangbawi hna nih rian an ṭuannak biakinn cu vancung i a ummi biakinn a mui le a thlam sawhsawh men a si. Puan biakinn kha Moses nih a ser lai tikah Pathian nih, “Tlang cung i a muisam kan hmuhsakmi bantukte khan zeizong vialte na tuah dih lai,” tiah a chimhmi bia nih khan a sawhmi cu hihi a si.

2 PETER 1:19

Cucaah cun profet hna nih an rak chimmi bia kha kan zumh chinchin. Cu bia cu nannih zong nih ṭha tein nan ngaih ahcun a ṭha lai, zeicahtiah khua a hung dei i deirel arfi nan lung chung i a hung ceu hlantiang, muihnak hmun i a ceumi mei-inn bantuk khi, cu bia cu a si.