SOLOMON HLA 2:16 - Lai (Hakha) Common Language Bible 2006

¹⁶ Ka dawtte aw nang ka ta si i kei zong nang ta si ve ci, Lenter hna law na tuurun hna cu lili pangpar hna lakah.

SOLOMON HLA 2:16 ပူးပေါင်းရင်းမြစ်များ

SALM 48:14

Pathian cu a zungzal in kan Pathian a si i hmailei i a ra ding caan vialte ah a kan hruai lai, tiah nan chimh khawh hna lai.

SALM 63:1

Maw Pathian, nangmah cu ka Pathian na si, nangmah cu kan ngai. Ka nunnak nih hin an hlam i ka thlarau nih tihal in an hal; vawlei ro nih ti a duh bantuk khin an duh.

SOLOMON HLA 1:7

Hei ka chim law lungkil ka tum aw, Khoi zawn ah maw na tuurun na tlonter hna, Ni lin chun zawn ah cun thingdem tang khoi ah zau hna maw? Zei ah dah maw na val hawi mi tuurun hna kiangah, Nang kawl in ka vaih len ko tawn hnga.

SOLOMON HLA 2:1

Kei cu Sharon bingbir le maw Nelrawn lili pangpar ngai ka si.

SOLOMON HLA 4:5

Na hnukte pahnih cu ee, Lili pangpar dawh lak tlong sazuk, semno khuah khi iang ai hna.

SOLOMON HLA 6:2

Ka dawtte cu a dum chungin kal ai kaw, zihmui hmun ah cun, A dum chungah lili par ṭawh le tuurun rual hna khalh pah in.

SOLOMON HLA 6:3

Ka dawtte aw kei ta na si i, kei zong nang ta ka si ve, Lenter hna ai a tuurun rual cu, lili pangpar hna lakah.

SOLOMON HLA 7:10

Kei cu nang ta si ai ing ee, Cia loin ee ruahzun len ka si.

SOLOMON HLA 7:11

I thawh ka dawt kan pilmim lo ah kal hawl si, Mitsur lo ah ka dawt aw kan cam hna lai.

SOLOMON HLA 7:13

Ṭhing thar chonh in kan chumtual kot ah Dimṭial pangpar dawh cem rimhmui le thei ṭha phun tling hna, Ka dawt nang ca tlem ai ing.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

ZEKHARIAH 13:9

Cun hi cheu thum cheu khat cu mei chungah ka kalter hna lai i ngun an thianh bantukin ka thianh hna lai i sui an hneksak bantukin ka hneksak hna lai. Khi tikah ka min in thla an cam lai i keimah hrimhrim nih ka leh hna lai. Kei nih, “Annih cu ka mi an si,” ka ti hna lai i annih nih, “Bawipa cu kan Pathian a si,” an ka ti lai.

GALATI 2:20

cucaah a nungmi cu keimah kha ka si ti lo, ka chung i a ummi Khrih tu hi a si deuh. Atu i ka nunmi nunning hi, a ka daw i ka ca i a nunnak a pemi Pathian Fapa zumhnak thawngin ka nung.