SALM 99:4 - Lai (Hakha) Common Language Bible 2006

⁴ A liannganmi Siangpahrang, nang cu ahmaanmi thil a duhmi na si; Israel mi cungah ding tein le a tlari in thil na tuah.

Laibaibal Thiang (BSI)

⁴ Siangpahrang ṭhawnnâk nih diknâk kha a dawt i a dikmi biaceihnâk na fehter, Jakob hna sinah dinnâk le diknâk na dirter.

SALM 99:4 ပူးပေါင်းရင်းမြစ်များ

JOB 37:23

Lianngan Bik cu kannih nih kan hmu kho lo; Amah a ṭhawnnak cu kannih nih kan hngalh khawh leng a si, A dinnak cu biading tuah awkah khan a khul a nuar lo.

SALM 11:7

Bawipa cu a ding i tuahsernak ding kha a duh, mi dingmi nih a hmai kha an hmuh lai.

SALM 98:9

zeicahtiah amah cu vawlei uk awkah a ra cang. Vawleicung mi vialte cu dinnak le ruannak in a uk hna lai.

ISAIAH 42:4

A lung a dong lai lo, a tha zong a chia lai lo, vawlei cungah dinnak kha a hmunhter lai. Lamhlat pipi i a ummi ram nih a cawnpiaknak kha ngangngan in an hngak ko,” a ti.

ISAIAH 61:11

Thlaici cu an keuh i an ṭhan bantukin, Bawipa Pathian nih a mi cu a khamh hrimhrim hna lai. Cun miphun vialte nih amah cu an thangṭhat lai.

ISAIAH 9:7

A lianhngannak cu a ṭhang chin lengmang lai; a ram cu a dai zungzal lai. Siangpahrang David tefa pakhat bantukin a ram cu a uk lai i atu thawk in caan donghnak tiang, hmaante le ding tein a uk lai. Ralkapbu Bawipa nih hi vialte hi tuah hrimhrim awkah aa tim.

JEREMIAH 23:5

David ruang in a dingmi Nge pakhat ka corhter lai caan a ra lio, tiah Bawipa nih a ti. Cu siangpahrang nih cun fimnak in a uk hna lai i Ram chungah phung le dinnak kha a hmunhter lai.

DEUTERONOMI 10:18

Pangeilo le nuhmei cu ding tein bia a ceihpiak hna i, mipem kha a dawt i rawl le hnipuan a pek.

JUDAS 1:15

“Zohhmanh, mi vialte kha an bia ceih awk le Pathian zei i a rel lomi misual vialte kha Pathian zeirello in an um ruang i an tuahmi sualnak vialte le Pathian kha zeirello in an thangchiatnak vialte ruang i sualphawt awkah, Bawipa cu a vancungmi mithiang rel cawk lo hna he an ra lai,” a ti.

BIAPHUAN 19:11

Cun van kha aa hung i rang rang pakhat ka hmuh. A cung i aa citmi cu a min ah Zumhawktlak le Ahmaanmi ti a si; bia a ceih tik le ral a doh tikah dinnak in a ceih i a doh.

BIAPHUAN 19:16

A puan le a ke ah, “siangpahrang vialte Siangpahrang le bawi vialte Bawi,” tiin aa ṭial.