SALM 96:4 - Lai (Hakha) Common Language Bible 2006

⁴ Bawipa cu a lian a ngan i sang piin thangṭhat awk a si; pathian dang vialte nakin ṭih awk deuh a si.

Laibaibal Thiang (BSI)

⁴ Zeitintiah BAWIPA cu a ngan caah lianngan ngai in thangṭhat awk a si; amah cu pathian dang vialte nâkin ṭih awk a si.

SALM 96:4 ပူးပေါင်းရင်းမြစ်များ

2 CHANRELNAK 2:4

Bawipa ka Pathian upatnak caah biakinn sak kaa tim. Cu inn cu ka mi hna le keimah nih rimthaw zihmui khanghnak in Pathian kan biaknak hmunthiang a si lai. Cun Israel mi cu nan tuah zungzal lai tiah nawlpek a simi: hun camcinmi changreu kan pekchanh zungzalnak hmun le Bawipa kan Pathian upatnak caah zingfa zanfa, sabbath hna le thla thar puai hna le nizarh hna ah khangh thawinak kan pekchanhnak hmun a si lai.

NEHEMIAH 9:5

Cun Levi mi Jeshua, Kadmiel, Bani, Hasshabneiah, Sherebiah, Hodiah, Shebaniah le Pethahiah nih hi bangin an thangṭhat: “Dir u law Bawipa nan Pathian cu ‘Zungzal in zungzal tiang, sunparnak na min cu thangṭhat a si i thangṭhatnak vialte le hlorhnak vialte nakin a cungnung deuh.

SALM 145:3

Bawipa cu a lian a nganmi a si, fak piin thangṭhat awk a si; a lianhngannak cu kan hngalh khawh leng a si.

SALM 150:2

Thil lianngan a tuahmi ruangah amah cu thangṭhat u! A sang bik a lianhngannak cu thangṭhat u!

SALM 18:3

Bawipa cu ka auh i ka ral hna kut chungin a ka khamh. Bawipa cu thangṭhat ko u.

SALM 48:1

Bawipa cu a lian a ngan i fak piin thangṭhat awk a si; kan Pathian khualipi chungah le a tlang thiang cungah thangṭhat awk a si.

SALM 66:3

Pathian sinah cun, “Na tuahmi thil hi zeitluk in dah khuaruahhar an si. Na lianhngannak kha a ngan tuk caah na ral cu na hmaiah therphang in an kun.

SALM 66:5

Ra u law Pathian nih a tuahmi thil hi zoh hna hmanh u, minung sinah a tuahmi thil khuaruahhar hi zoh hna hmanh u.

SALM 76:7

Sihmanhsehlaw nangmah cu mi nih an in ṭih hringhran ko! Na thin a hun ahcun ahodah na hmaiah a dir ngam lai?

SALM 86:10

zeicahtiah Pathian, nangmah lawnglawng hi a ṭhawngmi na si, nangmah lawnglawng hi khuaruahhar a tuah khotu na si.

SALM 89:7

Nangmah cu pathian hna nih an khuakhannak bu chungah khan an in upat i na kiang i a ummi vialte nih khan an in ṭih dih.

SALM 95:3

Zeicahtiah Bawipa cu a ṭhawngmi Pathian a si, pathian dang vialte cung siangpahrang ṭhawng a si.

EXODUS 18:11

Atu cu Bawipa hi pathian vialte hna lakah a ngan bik a si tiah ka hngalh; Izipt mi hna nih Israel mi cungah huatnak in rian an ṭuan tikah hi bantukin a tuah caah khan, a ngan bik a si cu ka hngalh,” a ti.

JEREMIAH 5:22

Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

DANIEL 2:47

Cun aa thawh i, “Nan pathian hi pathian hna Pathian le siangpahrang hna cung i Siangpahrang a si taktak, amah cu biathli a phuangtu a si i cucaah nangmah nih hi biathli cu na phuan khawh,” tiah a ti.

LUKA 12:5

Ṭih awk cu ahodah a si kha kan hmuhsak hna lai: Thah hnu i hell zong i thlak khawhnak nawl a ngeimi Pathian hi a si. Asi, amah cu va ṭih u, tiah kan chimh hna.

BIAPHUAN 15:4

Bawipa, ahodah nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti.

1 SAMUEL 4:8

Belo kan si ai! Aho nih dah hi a ṭhawngmi khuazing hna ṭhawnnak chung hin a kan chuah khawh lai? Hi hna hi ramlak ah Izipt mi hna kha rai phunphun in a thattu khuazing an si.