SALM 9:7 - Lai (Hakha) Common Language Bible 2006

⁷ Sihmanhsehlaw Bawipa cu zungzal in siangpahrang a si ko; biaceihnak tuah awkah a bawiṭhutdan cungah cun a ṭhu.

Laibaibal Thiang (BSI)

⁷ Asinain BAWIPA cu zungzal in a hmun lai; biaceihnâk dingah a bawiṭhutdanh cu a timh cang.

SALM 9:7 ပူးပေါင်းရင်းမြစ်များ

SALM 102:12

Sihmanhsehlaw Bawipa, nangmah cu siangpahrang na si zungzal ko; chan vialte nih an in philh lai lo.

SALM 103:19

Bawipa nih a bawiṭhutdan cu vancung ah khin a hun; zeizong vialte cungah siangpahrang a si.

SALM 89:14

Na pennak cu dinnak le biading cungah a hram bunh a si, na tuahmi thil kip chungah hin dawtnak le zumhawktlak sinak an um.

SALM 90:2

Tlang an sem hlan le vawlei kha na ser hlan in nangmah cu zungzal in, hramthawknak zong um lo donghnak zong um loin Pathian na si.

HEBRU 13:8

Jesuh Khrih cu nizan le nihin le zungzal in amah ning a si ko.

2 PETER 3:8

Sihmanhsehlaw ka dawtmi ka hawile hna, hi bia hi philh hlah u. Pathian caah cun ni khat hi kum thong khat bantuk a si i kum thong khat hi ni khat bantuk a si.

BIAPHUAN 20:11

Cun bawiṭhutdan raangpi le a cung i a ṭhumi kha ka hmuh hna. A cung i a ṭhumi hmaika cun vawlei le van kha an zaam i an um ti lo.