SALM 9:5 - Lai (Hakha) Common Language Bible 2006

⁵ Lawkihmi kha sual na phawt hna i miṭhalo kha na hrawh hna, annih cu hngalh ṭhan, ti a um ti lai lo.

Laibaibal Thiang (BSI)

⁵ Miphun hna na sîk i misuaksual na hrawh hna, anmin kha zungzal in zungzal tiang na hrawh hna.

SALM 9:5 ပူးပေါင်းရင်းမြစ်များ

2 SAMUEL 17:23

Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.

SALM 149:7

Cu vainam cun miphun dang kha tei hna seh law lawkihmi kha dantat hna seh;

SALM 2:1

Zeicahdah miphun hna nih ral thawhnak khua an khan i An mi hna nih thil ṭhahnem lo dohnak khua an ruah?

SALM 5:6

Lihchim mi cu na hrawh dih hna i mipuarhrang le mihlenhmang cu na nautat hna.

SALM 7:12

Mi cu an i ngaihchih lo ahcun Pathian nih a nam aa tat lai. A likuk kha aa hruai i kah colh dingin aa tim;

SALM 78:55

A mi pawl cu hmailei i an hung fon deuh lengmang tikah khan cuka i a rak ummi hna kha a dawi hna; ram cu Israel miphun kha a cheuh hna i cuka ah cun an thlam chung cio ah khan khua a sakter hna.

SALM 79:10

Zeicahdah miphun dang hna nih, “Nan Pathian cu khuazei ah dah a um kun?” tiah an kan ti lai? Na sal kha an thi an luanter hna caah miphun dang pawl dan na tat hna cu kan mit hrimhrim nih hmu seh.

PHUNGTHLÛKBIA 10:7

Miding cu thluachuahnak an si tiin hngalh camcin an si, sihmanhsehlaw miṭhalo hna min cu philh zau a si.

PHUNGTHLÛKBIA 13:9

Miding hna cu ceu ngaiin a ceumi meiceu bantuk an si. Sihmanhsehlaw miṭhalo cu a mit cuahmahmi meiinn bantuk an si.

JEREMIAH 49:38

Khi tikah ka bawiṭhutdan cu Elam ah ka chiah lai i khika siangpahrang le a bawi hna cu ka hrawh hna lai, tiah Bawipa nih a ti.

ṬAHNAK HLA 3:58

Bawipa, nangmah nih ka bia cu na ka chimpiak i ka nunnak cu na tlanh;

MALAKHI 4:3

Ka cawlcangh ni ah cun nannih nih miṭhalo kha nan ke tangah nan lamh beh hna lai i annih cu nan keza tang i a ummi vutcam kha an si lai, tiah ralkapbu Bawipa nih a ti.

DEUTERONOMI 9:14

ka dawn hlah, annih cu hrawk hna ning law, an min cu vanrang tang dihlak in hlo ko hna ning; cun annih nakin a ṭhawng deuh le a ngan deuhmi miphun ah nangmah cu in ser ko ning,’ tiah a ti.

BIAPHUAN 19:15

A har ngaingaimi nam pakhat a kaa chungin a hung chuak i cu nam cun miphun vialte kha a tei dih hna lai. Annih cu thirfung in a uk hna lai i Lianngan Bik Pathian thinhunnak mitsur nennak chung mitsur kha a nen hna lai.

1 SAMUEL 25:32

Cun David nih Abigail cu a thawh i, “Bawipa, Israel Pathian, nihin i keimah ton awkah nangmah an thlahtu hi thangṭhat si ko seh!

1 SAMUEL 25:39

David nih Nabal kha a thi tiah a theih tikah, “Nabal kut ah ningzahnak ka hmuhmi phu a hlam i a sal kha ṭhat lonak tuah loin a ka khamtu Bawipa cu thangṭhat si ko seh; Bawipa nih Nabal cu ṭhat lonak a tuahmi kha amah lu cung lila ah a tlunter ṭhan,” tiah a ti. Cun David nih mi a hei thlah hna i Abigail kha a nupi caah an len.

1 SAMUEL 31:4

Cun Saul nih a ralthuam putu sinah khan, “Na nam kha i zuh law, tleng lak in ka chun, cu lo ahcun, cuarpartan lo pawl hi an ra lai i an ka chunh ṭhiamṭhiam ṭung lai i lentecelhnak ah an ka ser sual hnga,” tiah a ti. Sihmanhsehlaw a ralthuam putu nih khan a tuah duh lo, zeicahtiah a thin a phang ngaingai. Cucaah Saul nih amah vainam kha aa lak i a bawhkhuh.