SALM 9:2 - Lai (Hakha) Common Language Bible 2006

² Nangmah thawngin lunglawm in hla ka sa lai, maw Cung Nung Bik, nangmah cu kan thangṭhat lai.

Laibaibal Thiang (BSI)

² Nangmah ah i lawmin kâ nuam lai; maw Cungnung Bik, na min thangṭhat in hla ka sa lai.

SALM 9:2 ပူးပေါင်းရင်းမြစ်များ

SALM 138:1

Bawipa, nangmah cu ka lungthin dihlak in kan lawmh; nangmah cu pathian hna hmaiah kan ṭhangṭhat.

SALM 26:7

Lunglawmhnak hla kha ka sa i khuaruahhar thil na tuahmi vialte kha ka chim hna.

SALM 27:6

Cucaah ka velchum i a ummi ka ral cu ka tei hna lai. Lunglawmhnak au thawng he a biakinn chungah ka raithawinak cu ka pekchanh lai; hla ka sa lai i Bawipa cu ka thangṭhat lai!

SALM 28:7

Bawipa nih a ka huh i a ka phenh; amah cu kaa bochan ko. A ka bawmh i kaa lawm, cucaah amah thangṭhatnak hla ka sa.

SALM 43:4

Cun Pathian, nangmah nih lunglawmhnak le thanuamnak na ka pek caah, na biakṭheng ah cun ka hung kal lai; ka tingtang cu kaa tum lai i nangmah thangṭhatnak cu hla in ka sa lai, Maw Pathian, ka Pathian.

SALM 5:11

Nangmah ah himnak a hmumi cu an i lawm lai i lawmhnak in hla an sa zungzal lai. Nangmah an dawmi cu na huhphenh hna, nangmah thawngin lawmhnak taktak an hmu.

SALM 7:17

Bawipa cu dinnak a tuahmi ruangah ka lawmh lai, Cung Nung Bik Bawipa cu hla in ka thangṭhat lai.

SALM 83:18

Nangmah lawnglawng hi Bawipa na si le vawlei dihlak uktu, Cungnung Bik na si kha hngal hna seh!

SALM 86:12

Ka lungthin dihlak in kan thangṭhat lai, Maw Bawipa ka Pathian; na lianhngannak cu a zungzal in ka chim lai.

SALM 92:1

Bawipa sinah lawmhnak hla sak cu zeitluk in dah a nuamh! Cungnung Bik Pathian, nangmah min upat in hlasak cu zeitluk in dah a nuamh!

SALM 92:4

Bawipa, thil lianngan na tuahmi nih ka lung an ka lawmhter, na tuahmi thil ruangah cun lawmhnak in hla ka sa.

SALM 96:3

Miphun hna sinah a sunparnak kha thanh u, mi vialte kha thil lianngan a tuahmi cu chim hna u.

SALM 97:12

Bawipa nih a tuahmi thil ruangah, a dingmi nannih vialte i lawm tuah u. Mi Thiang nih a tuahmi kha philh hlah u law amah kha lawmhnak in thangṭhat u. amah kha lawmhnak in thangṭhat u.

SALM 97:9

Lianngan Bik Bawipa, nangmah cu vawleicung dihlak a uktu na si; pathian vialte hna nakin a let tam piin na ngan deuh.

DANIEL 5:18

Siangpahrang ka bawipa, Cung Nung Bik Pathian nih na pa Nebukhadnezzar cu pennak le ṭhawnnak le sunparnak le lianhngannak kha a pek;

FILIPI 4:4

Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.