SALM 9:1 - Lai (Hakha) Common Language Bible 2006

¹ Bawipa, ka lungthin dihlak in nangmah cu kan thangṭhat lai, nangmah nih khuaruahhar thil na tuahmi vialte cu ka chim lai.

Laibaibal Thiang (BSI)

¹ Maw BAWIPA, ka lungthin dihlak in kan thangṭhat lai; na tuahmi khuaruahhar vialte hi ka chim lai.

SALM 9:1 ပူးပေါင်းရင်းမြစ်များ

1 CHANRELNAK 16:12

A tuahmi khuaruahhar rian le khuaruahharnak a tuahmi hna le Biakhiahnak a chimmi hna cu philh hlah u,

1 CHANRELNAK 16:24

Miphun hna lakah a sunparnak kha thanh tuah u, Mi vialte hna lakah, khuaruahhar a tuahnak zong!

SALM 106:2

Aho nih dah thil lianngan a tuahmi vialte cu a chim cawk lai? Aho nih dah zaa lak in an thangṭhat khawh lai?

SALM 111:1

Bawipa cu thangṭhat u! Bawipa cu a mi hna an i pumhnak ah ka lungthin a dih umnak in ka lawmh lai.

SALM 138:1

Bawipa, nangmah cu ka lungthin dihlak in kan lawmh; nangmah cu pathian hna hmaiah kan ṭhangṭhat.

SALM 26:7

Lunglawmhnak hla kha ka sa i khuaruahhar thil na tuahmi vialte kha ka chim hna.

SALM 51:15

Maw Bawipa, biachim ka bawm law nangmah cu kan thangṭhat lai.

SALM 7:17

Bawipa cu dinnak a tuahmi ruangah ka lawmh lai, Cung Nung Bik Bawipa cu hla in ka thangṭhat lai.

SALM 86:12

Ka lungthin dihlak in kan thangṭhat lai, Maw Bawipa ka Pathian; na lianhngannak cu a zungzal in ka chim lai.

SALM 9:14

Jerusalem khuami hna hmaiah ka dir lai i nangmah kha zei ruangah dah kan thangṭhat ti vialte kha ka chimh hna lai. Nangmah nih na ka chuah caah ka lung aa lawm lai.

ISAIAH 12:1

Ni khatkhat cu mi nih hitin hla an sak ni a phan te lai: “Bawipa, nangmah cu kan lawmh ko. Ka cungah na thin a rak hung, sihmanhsehlaw atu cu na ka hnemh i na thin cu a hung ti lo.

ISAIAH 43:21

Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.

ISAIAH 60:6

Kalauk bu ngan ngan cu an ra lai, Midian le Efah in an ra lai. Sheba in an ra lai i sui le zihmui kha an rak phorh hna lai. Pathian nih a tuahmi thil kong thawng ṭha kha mi nih an chim lai.

LUKA 10:27

Mipa nih cun a leh i, “ ‘Bawipa na Pathian cu na lungthin dihlak le na nunnak dihlak le na thazang dihlak le na ruahnak dihlak in na dawt lai i na innpa zong kha nangmah naa dawt tlukin na dawt lai,’ a ti,” tiah a ti.

HEBRU 13:15

Cucaah Pathian cu thangṭhat zungzal ko u sih. Cu thangṭhatnak cu Jesuh min kan kaa in kan phuan kha a si i cucu Jesuh thawngin Pathian sinah kan pekchanhmi kan raithawinak a si.

BIAPHUAN 15:3

Annih cu Pathian sal Moses hla kha le Tuufa hla kha an sa i, “Bawipa, a lianngan bik Pathian, Zeitluk in dah na thil tuahmi hi an lianhngan i khuaruahhar an si. Miphun vialte Siangpahrang, Na lam cu zeitluk in dah a dikmi le a hmaanmi a si!