SALM 83:9 - Lai (Hakha) Common Language Bible 2006

⁹ Midian mi cungah na tuahmi bantuk kha annih cung zongah tuah ve, Kishon Tiva ah Sisera le Jabin cung i na tuahmi bantuk kha an cungah tuah ko;

Laibaibal Thiang (BSI)

⁹ Annih cu Midian hna cung i na tuah bang le Kison tiva i Sisera cung le Jabin cung i na tuah bang khan tuah ṭhân hna.

SALM 83:9 ပူးပေါင်းရင်းမြစ်များ

GENESIS 19:37

A upa deuh nih khan fapa a hrin in a min ah Moab a sak. Amah cu atu Moab mi a hringsortu hna hi a si.

GENESIS 19:38

A ngakchia deuh zong nih khan fapa a hrin ve i a min ah Ben-ammi a sak. Amah cu atu Ammon mi a hringsortu hna hi a si.

ISAIAH 10:26

Oreb lungpi ah Midian mi ka rak tuk hna bantuk khan keimah Ralkapbu Bawipa nih annih cu ka fung in ka tuk hna lai. Izipt ka rak hrem bantuk khan Assiria cu ka hrem lai.

ISAIAH 9:4

Zeicahtiah rit piin an phorhmi hngawngkual kha na khiahpiak hna i an liang i a tu lengmangtu hna fung kha na khiah dih. Hlan liopi ah Midian ralkapbu na rak tei hna bantuk khan, na mi a hremtu hna le a serhsattu hna cu Bawipa nangmah nih na tei cang hna.

BIACEIHTU 4:7

cun Jabin ralbawi bik Sisera cu a rangleng hna le a ralkap hna he nangmah kha Kishon tiva pawng i rak in doh awkah, ka hnuh lai i amah cu nangmah kut chungah kan pek lai,’ an ti lo maw?” tiah a ti.

BIACEIHTU 5:21

Kishon tiva nih a fenh hna, A luangmi ti tha, Kishon tiva tha nih cun, a fenh hna. Hmailei ah ṭhawnnak he kal chin ko, ka nunnak!